|
|
От
|
Роман К.
|
|
|
К
|
All
|
|
|
Дата
|
17.02.2003 17:17:55
|
|
|
Рубрики
|
Прочее;
|
Молитва о народе сербском
Молитва о народе сербском: Владыко Вседержителю, прими смиренное моление наше о крестоносном роде сербском. Веми, Господи, яко царь наш мученик благоверный страстотерпец святый Николай, еще на земли живый, обеща николиже оставити Сербию, в бедствии сущу без помощи. Новым же бедствиям ея начало бысть убиение краля югословенного благовернаго Александра, и на стогне марсельской кровию сего последняго Удерживавшего зло орошенной, Архипастырь праведный, позде во святых прославленный Иоанн, о крале и о чадех сербских пророчески, яко о сирых, о плачущих и болезнующих, чающих Христова утешения молящеся. Вспоминая деяния сих трех (царя, краля и светителя), сердца свои людем рссийским и сербским отверзающим, молим мы Тя, о многомилостиве, о толико страждующих ныне братиях нашей рода сербскаго, их же, яко алтарь заповедный, священное поле Косово насильнически жаждут отъяти изгнавший потомственных сербских насельников края сего, обидчики жен их и дев, убийцы, нещадившие и младенцев. Вспоминая же и вся благая, яже дана быша нам и отцем нашим, избегшим некогда мук и смерти от безбожных, братиями же нашими сербами приятым во отечество их, молим Тя Всеблагий, воздажд им в жизни сей временной — защиту Твою от нападавших на них, в вечной же жизни — спасение и радость вечную, молитвами Пречистой Владычицы Богородицы, Первопрестольника же сербского, Святителя Саввы и всех святых славянских и вселенских. Спаси, Господе, люди Твоя, вся бо возможно Тебе, и Тебе, яко всесильну, благодарение и славу мы вси возсылаем Отцу и Сыну и Святому Духу, во Святей Троице единому Богу, ныне и присно и во веки веков. Аминь. http://www.sv-rus.ru/srb/molitva.html