Праведный Филаре́т Милостивый, Пафлаго́нянин

[Александр Васильевич]

Праведный Филаре́т Милостивый, Пафлаго́нянин

День памяти - 14 декабря

Житие праведного Филарета Милостивого

Житие праведного Филарета Милостивого (или "Подателя милостыни") – одно из самых интересных во всей житийной литературе. Праведный Филарет родился в местечке Амниа в Пафлагонии (около нынешнего Синопа в Турции, недалеко от северного побережья Черного Моря). Имя Филарет переводится как "любящий добродетель", и в отношении него это как нельзя более справедливо. Он был богатым фермером-землевладельцем (в Житии говорится о "двенадцатитысячном стаде овец, шестистах коровах, множестве лошадей, обширных полях, садах и виноградниках"."). При этом он щедро помогал нуждающимся. Агиограф называет его "неиссякающим источником для тех, чьи души иссушены бедностью". Жена его, по имени Феозва, была благородного происхождения и также отличалась благочестием. Она родила ему сына Иоанна и двух красавиц-дочерей, Ипатию и Еванфию. Подобно патриарху Иову, он ни в чем не знал нужды.

И так же, как Иову, ему предстояло пройти сквозь суровые испытания. В конце восьмого века, во времена регентского правления Императрицы Ирины, замещавшей на троне своего малолетнего сына Константина VI, следовавшие один за другим неурожаи, ограбления и финансовые неурядицы довели Филарета до бедности – "ничего у него не осталось, кроме одной упряжки волов, осла, коровы с теленком и нескольких ульев". Слуг он отпустил и каждый день сам выезжал в поле на быках, благодаря Бога за то, что у него еще есть возможность самому обрабатывать землю и кормить семью. Однажды у бедняка, трудившегося на соседнем поле, прямо во время работы пал бык. У этого человека было много долгов. Он подошел к святому Филарету и рассказал о своем несчастье. Выслушав его, Филарет выпряг одного из своих волов и отдал ему. Крестьянин отказывался взять одного из его двух последних волов, но Филарет ответил, что дома у него есть еще вол, лучше этого, "а потому возьми его скорее и работай, пока моя жена и дети не узнали и не начали огорчаться".

Агиограф приводит весьма характерную деталь, делающая эту историю по-человечески понятной и достоверной: святой беспокоился, предвидя реакцию жены. Дома Феозва стала выяснять, куда делся вол, и он сказал ей, что уснул в поле, пока вол пасся, и не уследил, как животное куда-то ушло. Сын Филарета отправился на поиски и, увидев своего вола в упряжке соседа, обвинил его в краже. Крестьянин объяснил, что Филарет сам, по доброй воле отдал ему животное, и сын, хорошо зная щедрость своего отца, вернулся домой ни с чем. Феозва же, как и следовало ожидать от прилежной хозяйки, назвала мужа "невозможным глупцом", слишком ленивым, чтобы обрабатывать собственную землю, и потребовала объяснить, чем теперь они будут кормить детей. Филарет кротко выслушал упреки и посоветовал ей положиться на волю Божию.

Несколькими днями позже собственный бык этого соседа умер, отравившись каким-то ядовитым растением. Крестьянин пришел к Филарету со вторым быком и попросил забрать его обратно, сказав, что Бог наказал его за то, что он принял у Филарета в дар быка, совершив этим несправедливость по отношению к его детям. Но Филарет не только отказался взять свой подарок обратно, но и уговорил соседа забрать и того вола, что еще оставался у него, сообщив, что намерен уехать в дальние края, где вол ему будет не нужен. Жена и дети Филарета пришли в отчаяние. Святой тут же попытался успокоить горюющих родных: "Не горюйте так. Я предвидел, что для нас наступят тяжелые времена, и заранее продал много животных. Полученная за них прибыль спрятана в потайном месте, там ее так много, что вы на нее сможете питаться и одеваться сотни лет, не работая".

Агиограф не рассматривает возможность духовного истолкования этих слов, он объясняет, что Святой сказал так, действительно предвидя все, что со временем произойдет. В любом случае, можно с уверенностью предположить, что после этого разговора Филарет немало потрудился в горячей молитве к Богу.

Спустя какое-то время в тех краях начались военные учения, готовившие молодых солдат к защите южных границ Империи от нападения противника. Среди этих солдат был молодой человек по имени Мусулиос. Во время одного из учений погиб его конь, и он очень испугался, ожидая сурового наказания от командира за потерю коня. Будучи наслышан о щедрости праведного Филарета, он пошел к нему просить взаймы денег на покупку нового коня. Как и следовало ожидать, Святой отдал ему собственную лошадь.

Вскоре после этого к Филарету пришел еще один бедняк и попросил теленка, чтобы развести стадо, так как знал, что дары Филарета несут на себе Божие благословение, способное привести их получателя к богатству и процветанию. Филарет тотчас же отдал ему теленка. Однако корова так тосковала по своему теленку, что мычала, не умолкая. Измученная Феозва ругала его: "Нас не жалеешь, жестокий человек, так пожалел бы хоть корову, ведь ты разлучил ее с ее теленком". Филарет благословил жену со словами: "Да вознаградит тебя Бог, ибо истинно несправедливо я разлучил их". Он позвал к себе того человека и отдал ему еще и корову, сказав, что за это он должен благодарить Феозву, "поскольку это она объяснила мне, что я совершил грех, разлучив животных".

Потом в их краю начался голод. Филарет взял мула и пошел к одному знакомому занять немного зерна. Тот дал ему шесть бушелей пшеницы. Когда Филарет разгружал зерно у ворот своего дома, подошел нищий и попросил дать ему немного. Филарет стал просить жену выделить нищему один бушель. Феозва заметила саркастически, что следовало бы сначала разделить всю пшеницу на части, по одной на каждого члена семьи, а потом уже Филарет мог бы отдавать свою часть, ведь он – ангел и не нуждается в пище. В ответ он отмерил нищему два бушеля. Феозва была не в силах сдержать свой гнев и весьма непредусмотрительно заявила, что можно отдать и всю пшеницу, а так как унести ее всю на плечах невозможно, еще и мула в придачу. Святой так и сделал.

Не имея, чем накормить семью, Феозва заняла где-то хлеба. Дети и Феозва съели этот хлеб с вареными дикими овощами. Филарет же поступил рассудительно, уйдя ночевать к соседям.

Вскоре один из местных правителей, хорошо знавший их семью, услышал об их бедственном положении и прислал им сорок бушелей пшеницы. На этот раз Феозва сама поделила зерно между членами семьи. К концу третьего дня часть, выделенная Филарету, конечно же, была роздана нищим. Когда его запасы кончились, Филарет ограничился тем, что водил нищих к своим ульям и кормил их медом. Однако его дети, обнаружив, что мед куда-то быстро исчезает, стали каждое утро тайком уносить из ульев вновь собранный мед для пропитания семьи. И вот наступил день, когда меда в ульях совсем не осталось. Тогда Филарет снял с себя верхнюю одежду и отдал нищему, не желая отпускать его ни с чем. Дома он сказал, что куда-то положил свою тунику и забыл, куда именно. Они, конечно же, не поверили ему, но Феозва все же разрезала одно из своих платьев и сшила из него мужу одежду.

В это время молодой Император решил жениться. Он разослал повсюду гонцов, велев им привезти девушек из богатых и благородных семей, чтобы он мог выбрать себе среди них невесту. Проезжая Амнию, гонцы заметили большой, солидный дом, принадлежавший Филарету, и решили остановиться у него на ночь. Они не могли предположить, что у владельца этого дома не хватает хлеба, чтобы накормить даже собственную семью. Узнав о неожиданном прибытии таких гостей, соседи поспешили на помощь Филарету – они не могли допустить, чтобы он "ударил лицом в грязь" перед посланцами Императора. Люди отовсюду несли в его дом чудесные вкусные блюда. Гости, видя огромный дом с великолепным залом и изобилие блюд, стали просить, чтобы сама хозяйка "вышла к ним и благословила их". Феозва уступила их просьбам. Гости пришли в восхищение от ее красоты и спросили, нет ли у нее дочерей на выданье. Она ответила, что у ее дочери Ипатии, вдовы, есть две собственные дочки, Мария и Маранфия. Девушкам велели приготовиться, чтобы предстать перед императорскими посланцами. На следующий день, встретившись с девушками, гонцы предложили им поехать с ними в Константинополь для знакомства с Императором.

Вся семья, около тридцати человек, собралась и отправилась в столицу, где Мария спустя какое-то время была избрана в супруги Императору. По некоторым сведениям, она унаследовала не только красоту Феозвы, но и доброту своего дедушки, так как по пути в Константинополь она обратилась к своим спутницам, тем двенадцати девушкам, что, как и она, выступали в качестве потенциальных невест Императора, с такими словами: "Сестры, давайте договоримся, что та, которой Бог судил править страной, станет благодетельницей для остальных"." Одна из девушек, будучи богаче Марии и имея более благородное происхождение, ответила, что выберут, конечно же, ее, поэтому Мария зря питает несбыточные надежды. Мария промолчала, но в душе призвала на помощь милосердного Господа, надеясь, что Он услышит ее по молитвам дедушки.

Наконец, Мария стала Императрицей. Ее сестра Маранфия вышла замуж за вельможу, занимавшего высокое положение, а их двоюродную сестру Еванфию, дочку второй дочери Филарета, выдали за короля Лангобардии Аргуса. Сына Филарета, Иоанна, назначили на почетную должность первого копьеносца. Семья Филарета получила в дар земли, богатства и недвижимость. По настоянию Императора, вся семья переехала в Константинополь. Филарет и здесь продолжал творить дела милосердия: устраивал щедрые обеды для бедных и раздавал милостыню всем нуждающимся.

О том, насколько безраздельно он полагался на волю Божию, говорит сам способ раздачи им милостыни. Он не пытался отличить истинную нужду от притворной: рядом с ним шел слуга с тремя одинаковыми ящичками в руках. В одном ящике были золотые монеты, в другом – серебряные, а в третьем – медные. При приближении нищего Филарет подзывал к себе слугу и наугад, не глядя, опускал руку в один из ящиков, веря, что Господь даст просящему то, что нужно.

Перед кончиной Святого, Бог открыл ему, что он скоро умрет, и он направился в один из константинопольских женских монастырей под названием "Судилище" и попросил сестер приготовить для него могилу. На обратном пути заболел. На девятый день болезни он призвал к себе всю свою семью и просил их жить добродетельно и щедро благотворить нуждающимся. Потом начал молиться. От этой молитвы весь дом наполнился неземным благоуханием. Святой отошел ко Господу с лицом, излучающим свет. Это случилось 1 декабря 789 года. На погребении праведного Филарета присутствовал Император и Сенат в полном составе.

Мощи святого пребывают в монастыре Айя Лавра на Пелопоннесе.

Источник: Евлогите! Благословите! Путеводитель по святым местам Греции

Тропарь, глас 4

Авраа́му в ве́ре подража́я,/ И́ову же в терпе́нии после́дуя,/ о́тче Филаре́те,/ блага́я земли́ разделя́л еси́ неиму́щим/ и лише́ние сих терпе́л еси́ му́жественне./ Сего́ ра́ди све́тлым тя венце́м увенча́ Подвигополо́жник, Христо́с Бог наш,// Его́же моли́ спасти́ся душа́м на́шим.

Ин тропарь, глас 8

В терпе́нии твое́м стяжа́л еси́ мзду твою́, о́тче преподо́бне,/ в моли́твах непреста́нно терпе́вый,/ ни́щия возлюби́вый и сия́ удовли́вый,/ но моли́ся Христу́ Бо́гу, Филаре́те ми́лостиве блаже́нне,/ спасти́ся душа́м на́шим.

Ин тропарь, глас 8

В терпе́нии твое́м стяжа́л еси́ мзду свою́, пра́ведне,/ и в за́поведех Госпо́дних соверше́нне пожи́л,/ ни́щих возлюби́л и сих удово́лил еси́,/ но моли́ся Христу́ Бо́гу, блаже́нне,// спасти́ся душа́м на́шим.

Кондак, глас 3

И́стинно всеизря́дная твоя́ ку́пля зри́тся/ и му́дрою бы́ти су́дится все́ми благому́дрствующими:/ отда́л бо еси́ до́льняя и кратковре́менная, взыску́я Го́рних и ве́чных.// Те́мже и досто́йно стяжа́л еси́ ве́чную сла́ву, ми́лостиве Филаре́те.

Ин кондак, глас 4

Доброде́тельми украша́яся и стра́хом Бо́жиим/ преди́вен во всех яви́ся Ца́рскаго гра́да,/ ни́щим сокро́вище бога́тства разда́в/ и нетле́нно благи́х бога́тство на Небесе́х прие́м./ Те́мже всю́ду и везде́, Филаре́те, чту́щих тя помина́й,// сла́во пра́ведным и похвало́.

Ин кондак, глас 2

Бога́тство твое́ расточи́л еси́ убо́гим/ и Небе́сное бога́тство ны́не восприя́л еси́, Филаре́те всеблаже́нне,/ сего́ ра́ди тя почита́ем, соверша́юще па́мять твою́, доброде́тели о тезоимени́те.

Молитва

О, преди́вне избра́нниче Бо́жий, Филаре́те Ми́лостивый! А́мнии преще́дрый хлебода́телю, Правосла́вия свети́льниче, Го́спода Бо́га ра́бе благи́й и ве́рный! Ты́ бо все́м се́рдцем ева́нгельски Христу́ после́довавый и да́нный тебе́ тала́нт прему́дре умно́живый: си́рых и убо́гих оде́явый и напита́вый; стра́нных и ни́щих в до́м сво́й введы́й, в ско́рбех и печа́лех су́щих уте́шивый, уме́рших и на сто́гнах пове́рженных гро́бу преда́вый; все́м вся́чески послужи́вый, и та́ко ве́ру свою́ в дела́х показа́л еси́. Е́й, святы́й уго́дниче Бо́жий, не пре́зри на́с, печа́льми жите́йскими изныва́емых и страстьми́ грехо́вными обурева́емых. Во вся́ дни́ уны́ние и малоду́шие коле́блют на́шу ве́ру, жестокосе́рдие и озлобле́ние снеда́ют сердца́ на́ша и охлажда́ют любо́вь на́шу; честолю́бие же и нетерпе́ние растлева́ют души́ на́ша, и та́ко, а́ки ни́щии, в дела́х благи́х обнища́хом. Ты́ же, о́тче пра́ведный, милосе́рдствуя о на́с, умоли́ Христа́ Бо́га, да обогати́т сердца́ на́ша Ду́хом Свои́м Святы́м, исцели́т душе́вныя и теле́сныя неду́ги на́ша, и, а́ки ни́ву жа́ждущую, напои́т на́с щедро́тами человеколю́бия Своего́; да ве́ре, долготерпе́нию и милосе́рдию твоему́ подража́юще, во благоче́стии и чистоте́ поживе́м вся́ дни́ живота́ на́шего. Еще́ мо́лим тя́, преблаже́нне, егда́ приспе́ет жития́ на́шего отше́ствие, к покая́нию нелицеме́рному на́с подви́гни, да Христу́ Спаси́телю на́шему чрез святы́я Его́ Та́инства приобщи́мся и насле́дники Ца́рствия Небе́снаго бу́дем, иде́же в ра́дости святы́х и А́нгелов сподо́бимся и мы́ покланя́тися и воспева́ти Трисвято́е И́мя: Отца́, и Сы́на, и Свята́го Ду́ха, во ве́ки веко́в. Ами́нь!

https://azbyka.ru/days/sv-filaret-milostivyj

[Александр Васильевич]

Акафист святому праведному Филарету Милостивому

Сей акафист написан Высокопреосвященнейшим Митрополитом Харьковским и Богодуховским Никодимом.

Кондак 1

Возбранный чудотворче и предивный угодниче Христов Филарете! Похвальная приносим ти, Авраамлева страннолюбия усердный подражателю, ты бо о людех милосердствуя, рукама неимущих, Богу взаим даяти возлюбил еси, темже ти, любовию Божиею обогатившемуся и дерзновение к Нему стяжавшему, припадающе, молимся: не остави и нас, к тебе в нуждах прибегающих и со умилением зовущих:

Радуйся, Филарете Милостивый, житием своим Церковь Христову украшающий.

Икос 1

Ангелом радование и человеком веселие бысть житие твое, Филарете Милостивый. Ты бо праотцу Аврааму в вepe, Иову же в терпении последуя, яко отец чадолюбивый: алчущих питая, странных же с радостию приемля, любезно тех упокоевал, и тако дом твой прибежище радования соделал еси. Сице, видяще тя волю Божию в делах Милосердия творяща, приносим ти таковыя похвалы:

Радуйся, страны Пафлагонския светильниче светозарный.

Радуйся, человеколюбия образе преславный.

Радуйся, ты бо в житии твоем всем сердцем Бога возлюбивый.

Радуйся, горением любви к Нему богатство добродетелей мудре расточивый.

Радуйся, ты бо, милосердием распаляемь, благодать Духа Святаго обильно стяжавый.

Радуйся, в любви Божией богатея, никогдаже обнищавый.

Радуйся, Филарете Милостивый, житием своим Церковь Христову украшающий.

Кондак 2

Видяще тя ближнии и дальнии, состраданием распаляема, и служение людем аки Самому Господу усердно творяща, в нуждах и печалех к тебе притекаху, их же ты елеем милосердия во имя Христово утешал еси. Мы же, милосердие твое, разум человеческий превосходящее зряще, вопием о тебе Всещедрому Богу: Аллилуиа.

Икос 2

Разум Премудраго воистинну стяжал еси, всеблаженне Филарете, яко благая и злая, живот и смерть, нищета и богатство от Господа суть, сего ради словеса Господня: «Понеже сотвористе единому из братий моих меньших, Мнe сотвористе» – паче меда и сота сердцу твоему быша. Сице тебе о таковых милосердствующа, приносим похвальная сия:

Радуйся, Божественнаго разума предивное вместилище.

Радуйся, благоутробия Божия всеусерднейший проповедниче.

Радуйся, елей милосердия никогдаже в дому твоем истощися.

Радуйся, яко же в Сарепте Сидонской, мука добродетели твоея николиже умалися.

Радуйся, боголюбивых душ щедрое увеселение.

Радуйся, в скорбех унывающих благодатное укрепление.

Радуйся, Филарете Милостивый, житием своим Церковь Христову украшающий.

Кондак 3

Силою Духа Святаго, Его же стяжа душа твоя, не поколебася дух твой, блаженне Филарете, егда Человеколюбец Бог, якоже иногда на угодника своего Иова, попусти на тя полчища Исмаилтян, огнем и мечем опустошивших села же, и нивы, и вертограды твоя, и побиша домочадцы твоя, дабы испытати незлобие души твоея. Ты же, вся сия со смирением приял еси, устами праведнаго Иова благословляяй Бога: наг изыдох из чрева матере моея, наг и отыду, Господь даде – Господь отъят, – велегласно поя Ему: Аллилуиа.

Икос 3

В Боге, упование имеяй, в нищите и напастех суще, не поскорбел, ниже согрешил еси устами твоими пред лицем Всевышняго, всеблаженне, но якоже о многом богатстве, о нищите своей веселяся, по слову бо Господню: в поте лица ядый хлеб твой, его же, яко избыточествующий, с нищелюбцы разделял еси. Ублажая таковое упование твое со умилением вопием ти:

Радуйся, сердца твоего земным сокровищем не приложивый.

Радуйся, таковым бо ближним твоим со благоговением послуживый.

Радуйся, милостыней аки миро многоценное в церкви Христовой благоухающий.

Радуйся, вдов и сирот, и неимущих хлебом жизни питающий.

Радуйся, благочестия столпе непоколебимый, небес досязующий.

Радуйся, добродетельми твоими ангельски любовь Божию воспевающий.

Радуйся, Филарете Милостивый, житием своим Церковь Христову украшающий.

Кондак 4

Бурею испытаний и укорением от ближних своих не поколебался еси, боголюбиве Филарете, егда же узрел ecu земледельца убога в беде суща, супруг волов единых в дому твоем бывших, сему отдал еси, евангельски убеждая жену и чад своих воззрети на птиц небесных, яко не сеют, не жнут, не собирают в житницы, и Отец Небесный питает их. Тако сих утешающе, Богу воспевал еси: Аллилуиа.

Икос 4

Видяще тя боголюбивый друг твой в нищету впадше, умилосердися, и довольно пшеницы посла ти, да дом свой препитаеши, достоблаженне Филарете. Ты же сия, аки от рук Божиих приял еси, и домочадцы, и соседи своя, и неимущую братию оделил еси. Людие же Божии, зряще тя милосердием избыточествующе, ублажаше тя похвалы таковыми:

Радуйся, церкве домашния благодатное утверждение.

Радуйся, земледельцев в делании щедрое благословение.

Радуйся, алчущим и жаждущим благий хлебодателю.

Радуйся, в бедах и печалех сущим скорый предстателю.

Радуйся, незлобия преизрядный рачителю.

Радуйся, добротолюбия смиренномудрый учителю.

Радуйся, Филарете Милостивый, житием своим Церковь Христову украшающий.

Кондак 5

Медоточней струе уподобился еси, богоблаженне Филарете, егда хлеба насущна не бе в храмине твоей, обаче, нищу пришедшу в дом твой, да сего не презреши, ниже тща отпустиши, от пчел мед отъял еси, и тако душу раба Христова увеселил еси. Мы же, милосердия сего в житии нашем не стяжавше, но яже даде нам Господь, безумно расточающе, како принесем похвальная милующему нас Богу, аще не о тебе возопием Ему: Аллилуиа.

Икос 5

Слышаще и видяще яко милость и истина сретостеся, правда же и мир в делах твоих облобызастася, кто не ублажит подвиги твоя, воистинну Милостивый Филарете, или кто не удивится нищелюбию твоему – ты бо, в крайней нищете суще: на Бога упование имея, псаломски исповедал еси: Аще пойду посреде скорби, Господь живит мя, и спасет мя десница Его. К стяжанию богомудрия сего подвигни и нас, взывающих ти таковая:

Радуйся, пламене веры божественнаго горения.

Радуйся, фимиаме благовоннаго пред Богом курения.

Радуйся, кладязе милосердия неисчерпаемаго.

Радуйся, странноприимче чертога незатворяемаго.

Радуйся, праведному Иову усердный подражателю.

Радуйся, друже Христов, и о нас пред Ним верный предстателю.

Радуйся, Филарете Милостивый, житием своим Церковь Христову украшающий.

Кондак 6

Проповедник милосердия и человеколюбия Христова явился еси благонравным житием твоим, святе Филарете, и тако инаго Авраама показа тя мирови Бог. Сего ради призре Господь на смирение твое и от нищеты крайния к роду царственному вознесе наследие твое, да узриши сыны и дщери рода твоего, яко новосаждения масличная, окрест трапезы твоея вся дни живота твоего, да и мы о тебе познаем како печется Господь о уповающих на Него, и с любовию возопием Ему: Аллилуиа.

Икос 6

Возсиял еси, яко светило лучезарное горением любве твоея ко Господу, и на камене веры утвердися сердце твое, премудрый делателю винограда Христова и, яко крин многоцветный, подвигом веры процвел еси со чады твоими, их же долготерпением твоим уповати на Бога научал еси. Они же, уразумеша грех роптания своего и, сокрушаяся сердцем, благословляху Бога, сотворшаго милость. С ними же и мы к тебе припадаем и умильно взываем:

Радуйся, брак честный и житие нескверное угодная пред Богом сотворивый.

Радуйся, церковь домашнюю на камене веры богомудренно утвердивый.

Радуйся, супружеской верности твердое охранение.

Радуйся, в подвиге сем изнемогающих благодатное укрепление.

Радуйся, юным супругом образ христианского жития добре показующий.

Радуйся, молитвой пред Богом в нуждах их споспешествующий.

Радуйся, Филарете Милостивый, житием своим Церковь Христову украшающий.

Кондак 7

Хотяще воздати благодарение Богу, за яже дарова ти неизреченная благая, рекл еси жене со чады твоими: сотворим убо пир и умолим Царя нашего со вельможами приити к нам. Бывшу сему ими уготовану, потекл еси, всеблаженне, на стогны града и распутия, и елика обрел еси нищих, и слепых и хромых, и разслабленных, в дому твоем царскую трапезу уготовал еси, и имже с домочадцы своими, яко Царю царей, послужил еси. С ними же, яко со други Христовы, научаеши и нас взывати в Троице певаемому Богу: Аллилуиа.

Икос 7

Новаго светильника, в делех милосердая просиявшаго, обрете тя Церковь Христова, милостиве Филарете, понеже не прилепися сердце твое сокровищем земным, ниже царским милостыням и щедротам, их же нивочтоже вменял еси, и вся яже тебе приношаху, убогим и страждущим обильно расточал еси. Внемли же и нам, о всеблаженне, да твоими молитвами душевнаго и телеснаго вреда избавльшеся, щедролюбием твоим уязвимся, приносяще тебе сия похвалы:

Радуйся, отцем и праотцем нашим в вере подражателю.

Радуйся, сокровищ Небесных премудрый стяжателю.

Радуйся, благонравием твоим целомудрию и страху Божию нас научаеши.

Радуйся, болезнующих жестосердием щедролюбием исцеляеши.

Радуйся, паче царских почестей нищету Христову возлюбивый.

Радуйся, Царствия Христова паче земных красных искати нас научивый.

Радуйся, Филарете Милостивый, житием своим Церковь Христову украшающий.

Кондак 8

Странно и преславно бысть житие твое, преблажене Филарете, во еже дивитися мнозем, како убо царскими почестями почтенну ти сущу, нищету духовную паче богатства мира сего возлюбив, в посте и молитве богатство некрадомое душе твоей стяжал еси. Кто убо возможет изрещи болезни и борения твоя, яже Христа ради претерпел еси, аще божественной любовию не возгорится, во еже чистым сердцем непрестанно взывати ко Господу: Ты еси упование мое, часть моя еси на земли живых, Аллилуиа.

Икос 8

Весь бе в вышних, праведне Филарете, егда Духом Святым возвестися ти жития твоего скончание и, якоже древле Патриарх Иаков, призвал еси чады твоя и чады чад твоих, им же, пророчески, вся, яже имать волею Божиею совершитися, предвозвестил еси. И, тако их благословляя, яко солнцe лицем твоим просиял, и псаломски к Богу воззвал еси: Милость и суд воспою Тебе, Господи, когда приидеши ко мне; и, сице молящуся, дух твой в руце Божии предал еси. Они, сокрушающеся, рыданьми вопияху:

Радуйся, отче милостивый и кроткий, любве Христовой нас научающий.

Радуйся, грядущая яко настоящая нам сказующий.

Радуйся, трие внуки твоя на подвиг иноческий пророчески благословивый.

Радуйся, послушанию, целомудрию и нищете Христовой их научивый.

Радуйся, состраданием и нищелюбием премного Богу угодивый.

Радуйся, милостынею Царствие Божие унаследивый.

Радуйся, Филарете Милостивый, житием своим Церковь Христову украшающий.

(Окончание следует)

[Александр Васильевич]

(Окончание)

Кондак 9

Всяко колено земных: царие и вельможи, странницы и убозии, от градов и весей, яко мравия ко гробу твоему стекашася, блаженне Филарете, друг друга тесняще и со слезами взываху: О, Господи Боже наш! Почто лишил еси нас отца и питателя нашего? Кто ныне алчущих напитает, нагих одеет, странных в дом свой введет? Кто же умершую и на стогнах повержену братию нашу гробу предаст? Мы же содрогаемся сердцем и душею, яко ничтоже благо таковым сотворихом, да вопием с ними хвалебную песнь Богу: Аллилуиа.

Икос 9

Ветии многовещаннии недоумевают: киими словесы восхвалити по достоянию в супружеском подвиге непорочное Богу служение твое, боголюбиве Филарете, ниже исповесть вся преславная чудеса твоя, ими и по смерти в скорбех к тебе притекавших утешал еси. Сице бо человек от духа злаго многолетне страждущий, егда ко гробу твоему повержеся, от козней сего мучительных свободися, хвалу велию Богу воздаде. Народ же, чудесе сего свидетель быв, благословляя Бога, со страхом и умилением принесе тебе таковая:

Радуйся, якоже Архистратиг Божий сатану долу низринувый.

Радуйся, милосердием твоим лона Авраамова достигнувый.

Радуйся, Небеснаго Домовладыки рабе благий и верный.

Радуйся, молитвенниче о нас у Престола Божия непостыдный.

Радуйся, за любовь твою святую любве Царя Небеснаго cподобивыйся.

Радуйся, евангельски на земли потрудивыйся, сожительства ангелом удостоивыйся.

Радуйся, Филарете Милостивый, житием своим Церковь Христову украшающий.

Кондак 10

Спасительнаго пристанища и сладости райския преславно достигл еси смиренномудрием твоим, достохвальне Филарете, и реку огненную, нечестие попаляющую, невредимо прешел еси, идеже со избранными Божиими дадеся ти венец славы неувядаемыя, в ней бо тя муж праведный узре, и от Ангела Господня услыша: се Филарет Амнийский есть, иже премногою своею к нищим любовию, милостию и чистым своим житием, вторый Авраам бысть. Тако, видяще тя в Боге ликовствующа, смиренно и мы вопием: Аллилуиа.

Икос 10

Стена и надежное прибежище еси, милостиве Филарете, всем к заступлению твоему притекающих, о них же яко о чадех своих пред Богом в молитве ходатайствуеши. Тем же и нам, к тебе с любовию припадающих, и твоего заступления пред Богом просящих, буди стена и ограждение непреодолимое, и от всех козней вражиих избавление непреоборимое, да твоими молитвами пристанища райского достигнем и, в Бозе веселящеся, вопием ти радостно:

Радуйся, от богомыслия к боговедению славно возвысивыйся.

Радуйся, о Боге мудрствуя, лепотою безсмертия украсивыйся.

Радуйся, о нищих печаляся, у врат дому твоего утреневавый.

Радуйся, тако утренююще, любовь Божию стяжавый.

Радуйся, христианского благочестия дивный глашателю.

Радуйся, милостивый о нас пред Богом ходатаю.

Радуйся, Филарете Милостивый, житием своим Церковь Христову украшающий.

Кондак 11

Пение всехвальное приносим ти, досточудне Филарете, и псаломски вопием: Блажен муж, бояйся Господа, в заповедех Его восхощет зело. Расточи, даде убогим: правда его пребывает во век. Тако, о всеблаженне, житием твоим показал еси, яко монаси и мирстии, священницы и вельможи, богатии и убозии звани суть внити в радость Господа своего, аще уразумеют яко у Господа милость, и многое у Него избавление, и в делех благих восхвалят Трисвятое имя Его: Аллилуиа.

Икос 11

Светоносным служителем милосердия и человеколюбия предстал еси престолу Всевышняго Владыки и Господа Сил, всеблаженне Филарете, отонюдуже Божественными лучами Трисолнечнаго Света осияваеши нас, во тьме греховней блуждающих, на светлую стезю покаяния и доброделания наставляеши: не скрывати себе сокровищ на земли, идеже червь и тля тлит, и идеже татие подкопывают и крадут. Мы же, сладкое сие Христово вещание в послушание приемлюще, с радостию зовем ти:

Радуйся, колесницею добродетелей от земных к небесным восход сотворивый.

Радуйся, вся козни вражия милосердием к людем посрамивый.

Радуйся, святыя Церкве похвало и украшение.

Радуйся, среди соблазнов мира сего, непорочное Богу в супружестве служение.

Радуйся, о спасении твоем Небеснии Лики радуются.

Радуйся, о имени твоем вси земнороднии, веселящеся хвалятся.

Радуйся, Филарете Милостивый, житием своим Церковь Христову украшающий.

Кондак 12

Благодать Божию обильно приял еси, праведне Филарете, еюже укрепися сердце твое в любви ко Христу Богу, сице бо, долготерпением и верою просияв, от земнаго твоего жития в Небесная селения со Ангельскими лики водворился, милосердия Божия проповедник преизряден явился еси. Ему же, со дерзновением предстоя, молимся тепле: благодатию Святаго Духа окропити сердца наша, да твоего жития подражатели будем, ко исполнению заповедей Христовых усердно потщимся, вопиюще Ему: Аллилуиа.

Икос 12

Поюще неизреченныя добродетели твоя, ихже ради подражатель Христова благосердия был еси, и яко крин неувядаемый посреде земнородных красотою ума твоего процвел, милостиве Филарете, чертога Небеснаго зрети и воспевати славу Божию удостоился еси. Сицеваго блаженства испроси и нам, чтущим верою и любовию пресветлую память твою, да твоим ходатайством услышим Божественный глас Грядущаго судити живым и мертвым: Приидите благословеннии Отца Моего, наследуйте уготованное вам Царствие от сложения мира, да благодарне зовем ти:

Радуйся, высотою ума твоего скорогибнущее мира сего познавый.

Радуйся, чистотою сердца твоего любовь Христову стяжавый.

Радуйся, добродетельми твоими на пир Агнца Божия нас призывающий.

Радуйся, молитвами твоими двери Царствия Христова нам отверзающий.

Радуйся, трубо ангельская, воздаяние Божие гласящая.

Радуйся, любы неизреченная, чрез реку огненную в чертог Небесный верных вводящая.

Радуйся, Филарете Милостивый, житием своим Церковь Христову украшающий.

Кондак 13

О, преблагий угодниче Божий, Филарете Милостивый! Приими от нас убогое веры и долготерпения твоего восхваление и, яко имеяй дерзновение ко Господу и о людех сострадание, испроси у Человеколюбиваго Бога Церкве Христовой благостояние непоколебимое, нам же, веры благочестивыя утверждение, надежды неложное упование и братолюбие нелицемерное, да не умалится правда Божия в делех наших, ниже постыдимся пред отцы и праотцы нашими, егда поем Богу, Трисвятую песнь: Аллилуиа.

[Се́й конда́к глаго́лется три́жды.]
[Далее повторяем 1‑е икос и кондак:]

Икос 1

Ангелом радование и человеком веселие бысть житие твое, Филарете Милостивый. Ты бо праотцу Аврааму в вepe, Иову же в терпении последуя, яко отец чадолюбивый: алчущих питая, странных же с радостию приемля, любезно тех упокоевал, и тако дом твой прибежище радования соделал еси. Сице, видяще тя волю Божию в делах Милосердия творяща, приносим ти таковыя похвалы:

Радуйся, страны Пафлагонския светильниче светозарный.

Радуйся, человеколюбия образе преславный.

Радуйся, ты бо в житии твоем всем сердцем Бога возлюбивый.

Радуйся, горением любви к Нему богатство добродетелей мудре расточивый.

Радуйся, ты бо, милосердием распаляемь, благодать Духа Святаго обильно стяжавый.

Радуйся, в любви Божией богатея, никогдаже обнищавый.

Радуйся, Филарете Милостивый, житием своим Церковь Христову украшающий.

Кондак 1

Возбранный чудотворче и предивный угодниче Христов Филарете! Похвальная приносим ти, Авраамлева страннолюбия усердный подражателю, ты бо о людех милосердствуя, рукама неимущих, Богу взаим даяти возлюбил еси, темже ти, любовию Божиею обогатившемуся и дерзновение к Нему стяжавшему, припадающе, молимся: не остави и нас, к тебе в нуждах прибегающих и со умилением зовущих:

Радуйся, Филарете Милостивый, житием своим Церковь Христову украшающий.

Молитва святому праведному Филарету Милостивому

О, предивне избранниче Божий, Филарете Милостивый! Амнии прещедрый хлебодателю, Православия светильниче, Господа Бога рабе благий и верный! Ты бо всем сердцем евангельски Христу последовавый и данный тебе талант премудре умноживый: сирых и убогих одеявый и напитавый; странных и нищих в дом свой введый, в скорбех и печалех сущих утешивый, умерших и на стогнах поверженных гробу предавый; всем всячески послуживый, и тако веру свою в делах показал еси. Ей, святый угодниче Божий, не npезри нас, печальми житейскими изнываемых и страстьми греховными обуреваемых. Во вся дни уныние и малодушие колеблют нашу веру, жестокосердие и озлобление снедают сердца наша и охлаждают любовь нашу; честолюбие же и нетерпение растлевают души наша, и тако, аки нищии, в делах благих обнищахом. Ты же, Отче праведный, милосердствуя о нас, умоли Христа Бога, да обогатит сердца наша Духом Своим Святым, исцелит душевныя и телесныя недуги наша, и, аки ниву жаждущую, напоит нас щедротами человеколюбия Своего; да вере, долготерпению и милосердию твоему подражающе, во благочестии и чистоте поживем вся дни живота нашего. Еще молим тя, преблаженне, егда приспеет жития нашего отшествие, к покаянию нелицемерному нас подвигни, да Христу Спасителю нашему чрез святыя Его Таинства приобщимся и наследники Царствия Небеснаго будем, идеже в радости святых и Ангелов сподобимся и мы покланятися и воспевати Трисвятое Имя: Отца, и Сына, и Святаго Духа, во веки веков. Аминь!

https://azbyka.ru/molitvoslov/akafist-svjatomu-pravednomu-filaretu-milostivomu.html