Блаженный Проко́пий Вятский, Христа ради юродивый

[Александр Васильевич]

Блаженный Проко́пий Вятский, Христа ради юродивый

День памяти - 3 января

Житие блаженного Прокопия Вятского

В шести верстах от Хлынова, в деревне Корякинской, жил крестьянин Максим Плушков. Он и жена его Ирина были люди благочестивые и богобоязненные, почтительные к духовному сану, милостивые к бедным. Не имея детей, Максим и Ирина усердно просили их у Господа, и Он услышал их молитвы: в 1578 году у них родился сын, которому во Святом Крещении нарекли имя Прокопий. С раннего возраста Прокопий отличался благочестием и усердно помогал своим родителям в их сельских работах. Когда отроку было 12 лет отроду, отец послал его один раз в поле на работу. Вдруг поднялась страшная буря. От грома и страшной молнии Прокопий упал с лошади на землю и лежал как мертвый. Увидели его бесчувственного соседи и известили родителей. Максим и Ирина сильно скорбели о своем единственном сыне. Когда с плачем принесли они его к себе в дом, сюда собрались родные и соседи. Родители Прокопия стали молиться Господу, призывая на помощь Пресвятую Богородицу и святого Николая угодника. В то время Прокопий как бы пробудился от сна, опомнился. Он вернулся к жизни, но с того времени находился в исступлении, раздирал на себе одежду и бросал ее на землю, ходил нагим. Тогда родители привезли больного отрока в Вятскую обитель Успения Пресвятой Богоматери. В то время архимандритом монастыря был его основатель прп. Трифон (память 8/21 октября). Родители усердно молились Господу и Пречистой Его Матери за своего сына, призывали на помощь святителя Николая и прп. Сергия Радонежского. Припав к ногам преподобного Трифона, они просили его помолиться об исцелении и вразумлении Прокопия. Отслужив молебен, прп. Трифон окропил больного святой водой, и он стал здоровым. С радостью возвратились его родители в свой дом, прославляя Господа и Его угодника преподобного Трифона.

После исцеления Прокопий жил, как и до болезни, со своими родителями и во всем повиновался им.

Через некоторое время, получив от своих родителей благословение, Прокопий отправился в город Слободский. Здесь он поселился у священника Илариона, который служил при церкви святой великомученицы Екатерины, и жил у него три года, служа ему и послушно исполняя все его повеления. Когда блаженному Прокопию исполнилось 20 лет, родители стали думать о браке своего сына, но он не чувствовал никакой склонности к семейной жизни. Тайно от родителей святой удалился в Хлынов и воспринял на себя подвиг юродства Христа ради: он раздирал на себе одежды и бросал их на землю, ходил наг и бос. В своих подвигах он подражал святым Божиим: Андрею юродивому († ок. 936; память 2/15 октября), Прокопию Устюжскому († конец XIV или начало XV в.; память 8/21 июля) и Василию Блаженному Московскому († 1552; память 2/15 августа). От всего сердца возлюбив Господа, он отверг все земное стяжание и всякую славу земную. Каждый день обходил он городские церкви, тайно молился пред ними, ходил по улицам и городскому торгу. Блаженный наложил на себя подвиг молчания, и почти никто не слышал от него слова. Многие, считая его безумным, смеялись над ним, другие неразумные люди и уличные дети часто наносили ему побои. Ни слова не отвечал святой на издевательства и насмешки неразумных, с благодарением терпел побои, как будто они давались не его, а чужому телу. Никому из обидчиков своих он не мстил и молился Господу Богу о прощении им этого греха. Терпеливо переносил святой Прокопий и зимний холод, и летний зной, отдавал плоть свою на съедение комарам и мошкам. Так подвизался он днем, а ночью со слезами покаяния непрестанно молился. Терпел голод и жажду. Никто не знал о молитвенных подвигах, великом смирении и незлобии блаженного Прокопия. Святой не имел постоянного пристанища и ночевал там, где заставала его ночь: на церковной паперти, на улице, в грязи или на куче навоза. У него не было ни рогожи, ни изголовья, ни одежды для покрова. Одром его была земля, а покровом – небо, как выражается жизнеописатель блаженного.

За такие подвиги Господь сподобил Своего угодника дара прозорливости. Святой Прокопий начал ходить по болящим города Хлынова. Если он видел, что больной должен выздороветь, то своими руками приподнимал с одра, радовался и веселился о нем. Если же провидел он, что больной выздороветь не может, то начинал плакать над ним, целовать его, складывал свои руки на груди и знаками указывал готовиться к погребению. Не один раз блаженный Прокопий предсказывал об угрожавшем городу пожаре. Задолго до этого он поднимался на колокольни, звонил в колокола, как бы в набат. Когда он хотел оповестить, что в город придут указы с требованием денежных сборов, то за много времени ходил по торгу, расстанавливал в ряд молодые деревца и, проходя, ударял их деревом же, изображая этим людей на правеже (взыскание долга с неисправных плательщиков посредством ударов палками по голеням, которое производилось на площади).

Вятский воевода князь Александр Ростовский и жена его Наталия были почитателями блаженного. Видя, что предсказания его исполняются, князь часто призывал подвижника к себе в дом; княгиня своими руками обмывала тело святого и одевала его в новые сорочки, брала его с собою в церковь. Блаженный, повинуясь им, некоторое время носил сорочки княгини, но вскоре опять их раздирал, бросал на землю и попирал ногами. И снова ходил нагой, как и раньше. Видя, что тело его обмыто от грязи, блаженный Прокопий ложился на землю, ходил по черным баням, по поварням и корчемницам города до тех пор, пока тело его становилось черным, как было прежде. Богобоязненные люди также нередко снабжали его одеждой, надевали обувь, но он то раздавал их нищим, то раздирал и бросал.

Чаще всего он приходил к церкви Вознесения Христова и молился здесь. Священник той церкви Иоанн Колачников был духовником Прокопия. Святой часто приходил к своему духовному отцу на исповедь. Тогда блаженный разрешал себя от молчания и беседовал с духовником, как все люди, а не как юродивый. Каждый воскресный день он приобщался Святых Христовых Таин. И с клятвой заповедал блаженный своему духовному отцу никому не сказывать о том, что он говорит с ним, как и все другие люди, чтобы никто не знал о его добровольном подвиге Христа ради до тех пор, пока Господь не переселит его из сей жизни.

Провидя будущее, святой Прокопий предсказывал его без слов, но наглядным образом. В то время в вятской темнице заключен был опальный московский боярин Михаил Татищев. Блаженный Прокопий приходил к нему и приносил то хлеба, то воды. Боярин с радостью принимал приносимое и благодарил Господа за посещения святого. При этих посещениях блаженный тащил узника через окно или бил по замку тюрьмы, стучал в ее двери. Всем этим он давал знать о скором освобождении опального боярина. И пророчество вскоре сбылось. Пришел из Москвы царский указ: Татищев был прощен и снова возвращен в Москву.

Раз пришел блаженный в приказную избу. Воевода князь Григорий Жемчужников сидел тогда на своем месте. Святой Прокопий снял с его головы шапку и одел на себя. Тогда воевода уступил ему и свое место. Блаженный сел на месте его как судья. Потом взял князя за руку, вывел из приказной избы и привел к тюрьме, затворил его в ней и ушел. Через несколько дней по повелению царя воевода был посажен в тюрьму на неделю за какой-то проступок.

Пришел однажды святой Прокопий к своему духовному отцу священнику Иоанну. В это время у священника обедали, и кроме домашних был здесь сын его Иоанн, тоже священник. Посадили за стол и святого Прокопия. По окончании обеда блаженный взял нож и начал им махать над головой сына и подносить к его груди. Все были в ужасе, боялись, что он заколет священника, но, бросив нож на землю, святой обнял молодого священника и начал горько плакать над ним, как над умершим. Затем ушел. Через год сбылось пророчество подвижника: родственники закололи ножом до смерти того священника.

Однажды блаженный Прокопий пришел в город Слободской. Священник церкви во имя Иоанна Предтечи Иоанн Юмин вместе со своим маленьким сыном звонил к вечерне. Блаженный подошел к мальчику и взял его на руки, но тот с испуга заплакал. Отпустив его, Прокопий лег на землю, вытянул ноги, а руки сложил на груди. И вскоре после того мальчик помер. Жена этого священника Анисия сильно страдала от зубной боли. Священник, встретив блаженного в своей церкви, просил его: «Помолись, раб Божий, Господу, чтобы Он подал исцеление моей жене, страждущей от зубной боли». Блаженный вырвал свой зуб, подал ему и ясно сказал: «Возьми». И болезнь у жены священника прекратилась, когда она взяла тот зуб в свой рот.

В той же Предтеченской церкви было такое происшествие. Один юноша, по имени Корнилий Корсаков, пел за литургией. Святой Прокопий, подойдя к клиросу, встал рядом с ним, потом взял Корнилия за руку, повел его к царским дверям и толкнул в алтарь. Через шесть лет Корнилий принял на себя сан священника, а после, когда овдовел, был игуменом Киприаном.

Так подвизался блаженный 30 лет. Господу было благоугодно открыть блаженному о предстоящей кончине. Подвижник находился тогда в Хлынове; он стоял в одной церкви за утреней, потом перешел в женский монастырь и был здесь до конца богослужения. Из монастыря он вышел на Пятницкий мост и молился. Перейдя его, он сел и отер свое тело снегом. Потом пришел под городскую башню, называемую Вышкой, обратился лицом на восток, снова усердно молился Богу и с миром предал Господу свою душу. Руки блаженного были молитвенно простерты. Узнав о кончине святого Прокопия, отец его духовный Иоанн известил городского воеводу Никиту Борятинского и духовенство города.

Один благочестивый человек, подьячий Симеон Павлов, попросил у воеводы и духовных властей позволения приготовить тело праведника к погребению, и тело почившего с честью было перенесено в его дом. Здесь со всем усердием облекли его в погребальные ризы. Собралось все духовенство города, жители с женами и с детьми, и все молились почившему праведнику: «О, преблаженне Прокопие! Помолись за нас прилежно Богу».

Святое и трудолюбное тело блаженного погребли в монастыре преподобного Трифона с северной стороны Успенского храма. Блаженная кончина святого Прокопия последовала 21 декабря 1627 года. Всего жития его было 50 лет, из которых 30 лет он провел в подвиге юродства Христа ради.

В 1666 году одна девица из Слободского уезда Марфа Тимофеева была одержима нечистым духом. После усердной молитвы в Вятском Успенском монастыре ей было видение: два светоносных мужа предстали перед ней, называя друг друга Трифоном и Прокопием, они обещали ей скорое исцеление, и она скоро избавилась от своего недуга. Так прославил Господь угодников Своих.

Тропарь, глас 4

И́же на земли́ Христа́ ра́ди во́лею в бу́йство преложи́ся,/ и ми́ра сего́ красо́ты отню́д возненави́де,/ и плотска́я игра́ния увяди́в посто́м и жа́ждою/ и на земли́ лега́нием,/ от зимы́ студе́нию и мра́зом,/ и от зно́я со́лнечнаго и дождя́/ и про́чия тяготы́ никогда́ же уклони́ся под кров,/ и на те́ле свое́м не име́я одея́ния,/ Бо́жиею по́мощию покрыва́ем,/ и ду́шу очи́стил еси́ доброде́тельми свои́ми, я́ко зла́то в горни́ле,/ Проко́пие прему́дре,/ с ве́рою творя́щим па́мять твою́ че́стно/ и усе́рдно притека́ющим к моще́м твои́м,/ прославля́юще твое́ свято́е успе́ние,/ Христу́ Бо́гу моли́ся, благою́роде,/ да изба́вит ны Госпо́дь от ва́рварскаго наше́ствия и междоусо́бныя бра́ни/ и мир ми́рови да́рует// и душа́м на́шим ве́лию ми́лость.


Ин тропарь, глас 4

Ве́лию любо́вь ко Го́споду в себе́ име́я,/ все претру́дное житие́ твое́/ во гра́де Хлы́нове, юро́дствуя, прове́л еси́, блаже́нне Проко́пие,/ зной и мраз, глад и жа́жду благоду́шно терпя́,/ бие́ние и поноше́ние от люди́й безбо́жных/ ра́достно принима́л еси́, подви́жниче добропобе́дный,/ любо́вию же и добро́м ве́лиим за зло воздава́я,/ мно́зем предрека́л еси́ их ожида́ющее/ и от неду́гов исцеля́л еси́, беззло́бне,/ тем же, наслажда́яся ны́не в со́нме святы́х,// моли́ Го́спода поми́ловати град и лю́ди, тя почита́ющия.

Ин тропарь, глас 4

А́нгельски живя́ на земли́ богоуго́дно,/ мно́гия ско́рби и труды́ терпели́во неся́,/ доброде́тельми и дарова́ниями от Бо́га украси́вся,/ предвеща́я гряду́щая и исцеля́я боле́зни,/ безмо́лвно, непреста́нно моля́ся,/ юро́дствуя, скрыв дарова́ния своя́,/ ны́не наслажда́яся в селе́ниих святы́х,/ святы́й блаже́нне Проко́пие,// моли́ Христа́ Бо́га спасти́ся душа́м на́шим.

Кондак, глас 2

Возбра́нному и ди́вному в пра́ведницех му́жу,/ во́лею во юро́дство претвори́вшуся,/ ми́ра сего́ красо́ты возненави́дел еси́,/ плотска́я мудрова́ния увяди́л еси́ посто́м и жа́ждею,/ студе́нию мра́за, сне́га, и зно́я, и дождя́,/ и от про́чия возду́шныя тяготы́ никогда́ же уклони́ся/ и очи́стил еси́ себе́, я́ко зла́то в горни́ле, Проко́пие блаже́нне,// всей Вя́тской земли́ похвала́ и утвержде́ние.

Ин кондак, глас 8

Мно́гою любо́вию к Бо́гу пламене́я,/ любви́ и смире́нию люде́й безмо́лвно учи́л еси́,/ дея́нием бу́дущая явля́я,/ неду́ги и боле́зни цели́л еси́./ На путь спасе́ния нас наста́ви,/ от язв грехо́вных исцели́,/ Проко́пие блаже́нне,// о всех нас Христа́ Бо́га моли́.

Молитва

О, подви́жниче многотру́дный и кро́ткий, моли́твенниче усе́рдный и любвеоби́льный целе́бниче, святы́й блаже́нный Проко́пие! Гра́да Хлы́нова украше́ние, Вя́тския земли́ Небе́сный моли́твенниче! Ки́я похвалы́ принесе́м тебе́, свя́тче Бо́жий? Ка́ко воспое́м тя? То́кмо, моля́щеся тебе́, воспомина́ем ди́вныя по́двиги твоя́. Ты из де́тства Богоуго́дно пожи́л еси́, послуша́ние роди́телем и трудолю́бие явля́я. В во́зраст прише́д и услы́шав словеса́ Спаси́теля: «А́ще кто хо́щет по Мне ити́, да отве́ржется себе́ и во́змет крест свой и по Мне гряде́т» и: «Кто лю́бит ина́го па́че Мене́, не досто́ин есть Мене́», — ты, блаже́нне, послу́шен быв Христо́ву сло́ву, де́лом и жи́знию отвещава́я на за́поведи Его́, и ра́ди любви́ к Нему́ всего́ отре́клся, возлюби́л еси́ чистоту́ и целому́дрие, молча́нием уста́ загради́в, да непреста́нно умо́м с Бо́гом бесе́ду твори́ши и мо́лишися Ему́, и по сло́ву апо́стола Па́вла: «Мы бу́и Христа́ ра́ди, вы же му́дри о Христе́», — по́двиг осо́бый и многотру́дный восприня́л еси́, на ся явля́я себе́, я́ко безу́мна и юро́дива пред людьми́, ра́зум же соверше́н име́я, почита́я всех лу́чшими себе́ и в сем по́двизе до сме́рти пребы́л еси́. Ты, ра́нее всех к Боже́ственным слу́жбам приходя́, после́дним исходи́л еси́ из хра́ма; обходя́ хра́мы гра́да, на па́пертех моли́лся еси́ днем и но́щию. Гла́дом и жа́ждою томя́ся, зной и мраз зи́мний терпя́, ма́ло прикрыва́я наготу́ свою́, босы́ми нога́ми по сне́гу ходи́л еси́, посмея́ние и бие́ние от люде́й неразу́мных терпя́, за оби́дчики моля́ся, с кля́твою преща́я духовнику́ своему́, да не откры́ет бесе́ду и по́двиг лю́дем. За таковы́я по́двиги Госпо́дь Бог просла́ви тя да́ром исцеле́ния боле́зней и неду́гов и предве́дения гряду́щаго: мно́гим бо предрека́л еси́ о́бразами гото́витися покая́нием к сме́рти, други́я же ра́достно воздвига́л еси́ от одра́ боле́зни, темни́чное заключе́ние или́ от него́ избавле́ние и о́бщия бе́дствия предвеща́я, призыва́л еси́ к покая́нию. Пред кончи́ною твое́ю, ю́же откры́ тебе́ Бог, те́ло твое́ сне́гом отира́я, омы́л еси́ и, мно́го моли́вся, почи́ от трудо́в пра́ведных, душе́ю же в Небе́сныя оби́тели от Бо́га прия́тый, отту́ду явля́лся еси́ с преподо́бным Три́фоном, да́руя исцеле́ния. Мо́лим тя, святы́й Проко́пие, я́ко име́я дерзнове́ние у Го́спода, испроси́ нам жизнь ми́рную, от собла́знов и ко́зней диа́вольских изба́ви, храм сей, град наш и всю страну́ на́шу сохрани́ в ми́ре, от враго́в защити́, земле́ плодоно́сие, возду́ха благорастворе́ние, вод освяще́ние, изоби́лие плодо́в и вся потре́бная для жи́зни сей да́руй лю́дем чту́щим тя и моля́щимся тебе́; нам и всем правосла́вным христиа́ном испроси́ у Спаси́теля Христа́ Бо́га в христиа́нских доброде́телех пребыва́ти, ве́ру и любо́вь к Бо́гу всегда́ име́ти, с наде́ждою стреми́тися к жи́зни ве́чней; смире́ния и терпе́ния, кро́тости и воздержа́ния испо́лнитися; моли́тве неразсе́янней и непреста́нней научи́тися, христиа́нския кончи́ны жи́зни на́шея, безболе́зненны, ми́рны, с покая́нием и приобще́нием Христо́вых Та́ин сподо́битися, та́кожде и до́браго отве́та на Стра́шнем суди́лище Христо́вем, да твои́ми моли́твами огражда́еми и сопу́тствуеми, дости́гнем вожделе́нныя жи́зни ве́чныя в Ца́рствии Бо́жием, да та́мо вку́пе с тобо́ю и все́ми святы́ми сла́вим Отца́, и Сы́на, и Свята́го Ду́ха ны́не и при́сно и во ве́ки веко́в. Ами́нь.

https://azbyka.ru/days/sv-prokopij-vjatskij

[Александр Васильевич]

Акафист святому блаженному Прокопию, Христа ради юродивому, Вятскому чудотворцу

Кондак 1

Избранному чудотворцу, дивному предстателю пред Богом, блаженному Прокопию, пресветлому светильнику страны Вятския, многими чудотвореньми утешающему с верою чтущих святую память его, умильно взываем:

Радуйся, блаженне Прокопие, скорый помощниче, Вятский чудотворче.

Икос 1

Ангела на земли яви тя милосердный Творец Небеси и земли: вся бо земная во уметы вменил еси, блаженне Прокопие, да Христа приобрящеши. Темже вси многотрудное житие и блаженную кончину твою зряще, радостно тебе вопием:

Радуйся, издетства в жилище Духа Святаго чистое и непорочное предуготованный.

Радуйся, от лютаго недуга чудесне исцеленный.

Радуйся, на подвиг юродства, Христа ради, свыше призванный.

Радуйся, от преподобнаго Трифона на путь спасения наставленный и благословенный.

Радуйся, благодати сосуде избранный.

Радуйся, благословение преподобнаго Трифона, яко легкое иго Христово понесый.

Радуйся, блаженне Прокопие, скорый помощниче, Вятский чудотворче.

Кондак 2

Видя тя Господь угодна себе быти, блаженне Прокопие, егда млад сый громом поражен бысть, по слезней же молитве родителей твоих к Богу, исцеле. Вси же людие, окрест живущии, со страхом и удивлением вопияху Богу: Аллилуиа.

Икос 2

От юности подвиг юродства стяжевая, сердце к небесней чистоте устремил еси, блаженне Прокопие, сего ради вопием ти:

Радуйся, родителей твоих похвало и украшение.

Радуйся, труды их молитвою выну услаждавый.

Радуйся, к деланию духовному предуказанный.

Радуйся, послушания сыновняго наставниче.

Радуйся, молитв ради родителей, от недуга тяжкаго Господем исцеленный.

Радуйся, молитвами преподобнаго Трифона от всякаго страхования прият исцеления.

Радуйся, блаженне Прокопие, скорый помощниче, Вятский чудотворче.

Кондак 3

Сущу бо ти недужну, блаженне Прокопие, родителие принесоша тя во град Хлынов во обитель Пресвятыя Богородицы к преподобному Трифону. Силою молитв его от лютыя смерти избавлен бысть, поя Богу: Аллилуиа.

Икос 3

Имеяй богатство милосердия неизреченное, скоро руку помощи своея простре ти Господь, блаженне Прокопие: зане с верою к Тому притекл еси, на Него Единаго все упование свое возложив. Темже мы, видяще веру твою и дивное ея оправдание, умиленно вопием ти:

Радуйся, по исцелении от недуга единому Богу поработати возжелавый.

Радуйся, любве ради Божией, дом отеческий оставивый.

Радуйся, во одежде убозей странника во град Слободский, душевнаго ради спасения, пришедый.

Радуйся, в храме великомученицы Екатерины, верно и усердно служивый.

Радуйся, у пресвитера Илариона приют телеси своему обретый.

Радуйся, к пресвитеру оному всецело в послушание предавыйся.

Радуйся, блаженне Прокопие, скорый помощниче, Вятский чудотворче.

Кондак 4

Бури многих бед и соблазнов житейских в мире сем бегая, тайно от дома отеческаго ушед, и жестокому пути спасения юродству, Христа ради, умыслил еси подражати поя Богу: Аллилуиа.

Икос 4

Провидя преподобный Трифон, благодати сосуд избранный явитися стране Вятской, благослови тя на подвиг юродства. Мы же, проразумение того сбывшееся зряще, вопием ти, блаженне Прокопие:

Радуйся, в Дом Пресвятыя Богородицы на спасение от родителей принесенный.

Радуйся, от преподобнаго Трифона любезне приятый.

Радуйся, отечествие свое ради пользы душевныя оставивый.

Радуйся, труды ко трудом, посты ко постом прилагавый.

Радуйся, с усердием и любовию к Дому Божию во граде Слободстем Богови работавый.

Радуйся, добрый подвижниче благочестия в стране Вятской.

Радуйся, блаженне Прокопие, скорый помощниче, Вятский чудотворче.

Кондак 5

Боготечную Кровь Христа за ны пролиянную духовныма очима выну созерцая, блаженне Прокопие, прилепился еси совершенною к Тому любовию. Темже преселился еси из града Слободскаго во град Хлынов, да славы людския убежав, поеши Христу Богу: Аллилуиа.

Икос 5

Врагу, присно на подвижники ополчающуся, жестоким житием противустал еси, блаженне Прокопие, плоть духови твоему поработив воздержанием. Темже мы, подвигом твоим чудящеся, зовем ти:

Радуйся, во град Хлынов удаливыйся славы и молвы людския уклоняяся.

Радуйся, безплотному ангелу житием зде уподобивыйся.

Радуйся, ту ветхаго человека в себе умертвивый, смиренно досаждения от людей безумных терпя.

Радуйся, хлад страны Вятския не превозможе пламенныя веры твоея.

Радуйся, днем на торжищих и стогнах людей града Хлынова обличаяй и на путь спасения направляяй.

Радуйся, нощи в пламенней молитве к Богу в притворах храмов пребываяй.

Радуйся, блаженне Прокопие, скорый помощниче, Вятский чудотворче.

Кондак 6

Проповедует подвиги твоя, блаженне Прокопие, страна Вятская многотрудному житию твоему чудящеся. Воздвиже бо на тя брань лютую враг спасения нашего: ты же постом и молитвою таковая соодолел еси, благодарственне воспев Богу: Аллилуиа.

Икос 6

Возсия благодать в подвизе многотруднаго жития твоего, блаженне Прокопие. Не точию бо на тя бывшая искушения мужественне отразил еси, но и всем во искушениих мудрый споборник являешися, да с радостию тебе вопием:

Радуйся, святаго ради жития от Бога зело возлюбленный.

Радуйся, безстрастия проявителю.

Радуйся, воздержания образе.

Радуйся, сластолюбец посрамление.

Радуйся, в бедах и тесноте на Бога упователю.

Радуйся, в покров себе имевый пречудный омофор Приснодевы.

Радуйся, блаженне Прокопие, скорый помощниче, Вятский чудотворче.

Кондак 7

Хотя Владыка Господь явити тя, блаженне Прокопие, мужа во всем совершенна, попусти врагу спасения нашего пакости ти делати. Ты же смирением искушения посрамив, победне воспел еси Богу: Аллилуиа.

Икос 7

Новая купель Силоамская явися ти, блаженне, обитель Пресвятыя Богородицы, в ней же от болезни душевныя и телесныя исцелился еси, и яко муж в меру возраста Христова Богови предстал еси. Мы же вопием ти:

Радуйся, истиннаго трезвения учителю.

Радуйся, бодрственнаго к себе внимания стяжателю.

Радуйся, блаженных Прокопиа и Иоанна Устюжских единонравниче.

Радуйся, яко с теми Христу ныне молишися, да низложится сила диаволя.

Радуйся, еще в житии на земли яко чудотворец дивен явился еси.

Радуйся, Церкве Православныя славо и украшение.

Радуйся, блаженне Прокопие, скорый помощниче, Вятский чудотворче.

Кондак 8

Странники сущыя на земли сей, враг присно искушает ны, и многи поставляет преграды, да не достигнем Отечествия Небеснаго, но ты яко сокрушивый того ухищрения, помози нам, блаженне Прокопие. Дадеся бо ти благодать недуги целити, будущая провидети и выну быти со призывающими тя и верно поющими Богу: Аллилуиа.

Икос 8

Все житие наше на земли, печали и скорби полно есть, искушения же и падения предлежит нам претерпети, но ты помози нам, блаженне Прокопие, да благодарственне зовем ти:

Радуйся, помышления сердец провидевый.

Радуйся, сердец скорбных уврачевателю.

Радуйся, коегождо от мудрости жития твоего наставлял еси.

Радуйся, нищ сый плотию, богатство многоценное дарований духовных имевый.

Радуйся, аки крин благоуханный во граде Хлынове явивыйся.

Радуйся, болярину Михаилу Татищеву скорое свобождение от темничных уз предуказавый.

Радуйся, блаженне Прокопие, скорый помощниче, Вятский чудотворче.

Кондак 9

Всею душею прилепивыйся Богови, славою земною не уязвился еси, блаженне Прокопие, дары и приношения, от людей даваемыя, со смирением приимал еси, ношаше на малое время, глаголя в себе, довлеет ми покрова неба и ложа земли. Темже и нас добродетели нестяжания научи, во еже чистыми усты и сердцем пети Богу: Аллилуиа.

Икос 9

Вси людие града Хлынова высоту подвигов твоих всюду возвестиша, блаженне Прокопие. Мы же добродетели твоя воспевающе, в похвалу тебе сия вопием:

Радуйся, яко солнце пресветлое земли Вятской возсиявый.

Радуйся, в трудех многих покой телеси своему обретый.

Радуйся, подвиг свой усугубляяй тайным доброделанием.

Радуйся, лютость людей неразумных града Хлынова благостию своею укротивый.

Радуйся, ведети грядущее от Владыки Христа сподобивыйся.

Радуйся, ангелом земным быти удостоенный.

Радуйся, блаженне Прокопие, скорый помощниче, Вятский чудотворче.

Кондак 10

Спастися хотя и со Христом быти, о сем Господа молил еси, блаженне Прокопие. Человеколюбец же Господь приим моление твое, откры кончину твою и со избранными причастие поведа ти, с нимиже ныне воспеваеши Ему: Аллилуиа.

Икос 10

Стена ти бысть крепка, блаженне Прокопие, Пресвятая Богородица, в Еяже обители прежде благословение от преподобнаго Трифона на подвиг юродства получил еси. Матерним Ея покровом осеняемь, течение жизни скончав на земли, небесную весть слышати сподобился еси. Темже ныне радостно вопием ти:

Радуйся, в молитве скоро от Бога услышанный.

Радуйся, Пресвятою Богородицею соблюденный в подвизе юродства Христа ради.

Радуйся, благословение преподобнаго Трифона, яко путеводную звезду пред взором духовным имея.

Радуйся, наготу и лишения терпяше, даже до скончания жития своего.

Радуйся, от Бога извещенный о часе скончания твоего.

Радуйся, скорое сопричтение ко ангелом увидевый.

Радуйся, блаженне Прокопие, скорый помощниче, Вятский чудотворче.

Кондак 11

Пение немолчное принесоша Богу людие града Хлынова, блаженне Прокопие, зряще блаженную кончину твою. Обретоша бо тогда лице твое, яко лице ангела, и свет от святаго телесе твоего исходящ, с благоговением воспеша Богу: Аллилуиа.

Икос 11

Яко светоприемная свеща, благодатию Божиею возжженная, озарил еси, блаженне Прокопие, чудесы твоими страну Вятскую. Темже радостно вопием ти:

Радуйся, добрый воине, от Христа венцем славы украшенный.

Радуйся, благоухания дивнаго источниче.

Радуйся, пред кончиною своею за град Хлынов молитву к Богу вознесый.

Радуйся, за люди творящыя ти досады и утеснения, яко за творящих добродетели Богу моливыйся.

Радуйся, тело свое к погребению на овразе засоре приготовивый.

Радуйся, дом Симеона Павлова принесением мощей своих благословивый.

Радуйся, блаженне Прокопие, скорый помощниче, Вятский чудотворче.

Кондак 12

Благодати великия носителя и будущаго всех воскресения уверителя людем Вятским дарова тя Господь, блаженне Прокопие. Вси бо с верою к тебе притекающии, молитв исполнение и надежду общаго воскресения улучат, благодарственне поюще Богу: Аллилуиа.

Икос 12

Поем твоя милости и чудеса, блаженне Прокопие: выну бо и по отшествии твоем с нами пребываеши, Христу за нас моляся. Темже от благодарных устен в похвалу тебе приносим сицевая:

Радуйся, молитвенниче наш усердный.

Радуйся, помощниче наш скорый.

Радуйся, от наваждения духов злобы спасаяй.

Радуйся, вериги твоя, тобою носимыя, источник исцелений явишася.

Радуйся, всех недугов душевных и телесных врачу скорый.

Радуйся, о спасении всех христиан теплый молитвенниче.

Радуйся, блаженне Прокопие, скорый помощниче, Вятский чудотворче.

Кондак 13

О блаженне Прокопие, скорый помощниче и Вятский чудотворче! Приими сие малое со умилением приносимое тебе моление, и со Пресвятою Богородицею, и преподобным Трифоном, и всеми святыми молися Господу Иисусу Христу, да избавит нас от всяких бед и скорбей, от враг видимых и невидимых, от напрасныя смерти и будущих мук и сподобит нас со избранными своими воспевати Ему: Аллилуиа.

[Се́й конда́к глаго́лется три́жды.]
[Далее повторяем 1‑е икос и кондак:]

Икос 1

Ангела на земли яви тя милосердный Творец Небеси и земли: вся бо земная во уметы вменил еси, блаженне Прокопие, да Христа приобрящеши. Темже вси многотрудное житие и блаженную кончину твою зряще, радостно тебе вопием:

Радуйся, издетства в жилище Духа Святаго чистое и непорочное предуготованный.

Радуйся, от лютаго недуга чудесне исцеленный.

Радуйся, на подвиг юродства, Христа ради, свыше призванный.

Радуйся, от преподобнаго Трифона на путь спасения наставленный и благословенный.

Радуйся, благодати сосуде избранный.

Радуйся, благословение преподобнаго Трифона, яко легкое иго Христово понесый.

Радуйся, блаженне Прокопие, скорый помощниче, Вятский чудотворче.

Кондак 1

Избранному чудотворцу, дивному предстателю пред Богом, блаженному Прокопию, пресветлому светильнику страны Вятския, многими чудотвореньми утешающему с верою чтущих святую память его, умильно взываем:

Радуйся, блаженне Прокопие, скорый помощниче, Вятский чудотворче.

Молитва святому блаженному Прокопию, Христа ради юродивому, Вятскому чудотворцу

О блаженне Прокопие! Велие имея дерзновение к Богу, молися выну о всех нас, зане буря многих бед и скорбей обдержит ны: недузи телесныя, болезни душевныя, приражения вражия обуревают ны. Ходит бо враг наш, иский кого поглотити, и ежечасно от того уловляемся: о спасении же своем нерадяще, несмы достойни воззрети на высоту небесную. Но ты буди нам помощник скорый и избавитель. Яко сам досаждаемь быв от врага, победив же сего добльственне, вразуми ны, да разумеем того коварства. Подаждь нам память смертную, слезы покаяния и надежду спасения: да не во отчаяние впадем, ниже дерзостным на милосердие Божие упованием, во гресех же пребыванием в конец себе погубим, но да будет нам память грехов наших во источник теплых слез и сокрушения сердечнаго, милосердие же Божие и благодать Его, молитвами твоими в спасение наше, ныне и присно и во веки веков. Аминь.

https://azbyka.ru/molitvoslov/akafist-svjatomu-blazhennomu-prokopiju-hrista-radi-jurodivomu-vjatskomu-chudotvorcu.html