Последние сообщения

[Икос 9]

(Окончание)

Икос 9

Витийская многовещания и риторскую хитрость отвергше, искренним точию сердцем в песнех духовных величаем тя, заступника нашего, святителю Христов отче Симоне: хвалим богоугодное житие твое, торжествуем славу твою, и покланяющеся честным мощем твоим, умильно глаголем:

Радуйся, Небеснаго Архиерея иерарше святейший; радуйся, Духа Святаго органе преизящнейший.

Радуйся, яко ангельский образ восприимь, ангельски на земли пожил еси: радуйся, яко святительским саном облечен, небесною святынею просиял еси.

Радуйся, яко во иночестве и архипастырстве сугубо Христу Господу послужил еси; радуйся, яко за сугубыя по­двиги твоя сугубый венец от Него восприял еси.

Радуйся, истинный Христов последователю, не прельстивыйся славою мира сего; радуйся, благий и верный рабе, вшедый в радость Господа твоего.

Радуйся, отче Симоне, прилежный о нас к Богу молитвенниче.

Кондак 10

Спастися хотяще от различных напастей и бед мира сего, тебе, всеблагий отче, теплаго предстателя и многомощнаго молитвенника к Богу, призываем: не тщетну убо сотвори надежду нашу на заступление твое, не остави нас милостию твоею; буди нам защитник необоримый от враг видимых и невидимых, и помощник в напастех, нуждех и скорбех; избави нас ходатайством твоим от лютых бед и искушений; да не в смущении духа, но от избытка сердца, радостно всегда глаголем Богу: Аллилуиа.

Икос 10

Стены горняго Иерусалима, емуже Художник и Содетель Бог, имущия оснований дванадесять, и на них имен дванадесять Апостолов Агнчих, не во откровении таинственном, но яве зриши ныне, святче Божий: не престай убо моляся ко Господу о вопиющих к тебе таковая: радуйся, подвижниче Богоблаженный, подвигом добрым подвизавыйся, да благодать пред Господом обрящеши; радуйся, добропобедный воине, куплями житейскими не обязавыйся, да Воеводе угоден будеши.

Радуйся, яко иноческими твоими подвиги удивил еси Ангелов лики; радуйся, яко святительскими твоими исправлении возвеселил еси человеков собори.

Радуйся, благочестно труждающихся на пользу общую всегда готовый споспешниче; радуйся, благих наставников и воспитателей юношества незримый советниче.

Радуйся, нищих и убогих благосердый попечителю; радуйся, сирых и страждущих благоутробнейший покровителю.

Радуйся, отче Симоне, прилежный о нас к Богу молитвенниче.

Кондак 11

Пение умиленное, с верою и любовию, приносим ти, угодниче Божий, и прославляя прославльшаго тя Господа, всеусердно молимся тебе: сохрани предстательством твоим, во здравии и всяком благополучии, и соблюди от всякаго злаго обстояния; да мирно и безмятежно в державе нашей жительствуем, со благодарением Царю царствующих и Господу господствующих воспеваем: Аллилуиа.

Икос 11

Светом добрых дел твоих прославляя на земли Отца Небеснаго, и просвещая во тьме греховней пребывающыя, толико смирен сердцем был еси, досточудне отче, яко в послании твоем к блаженному Поликарпу, исповедуя себе грешника быти, смиренномудренно написал еси: «аз грешный епископ Симон тужу, скорблю и плачу, желая во святей обители Печерской скончатися, и положен быти во блаженной той персти, дабы поне малу отраду многих грехов моих приял, молитв ради преподобных отец Антониа и Феодосиа, и единомудренных им учеников их». Темже ныне прославляя Бога, исполнившаго во благих желание сердца твоего, и прославившаго тя за смирение твое славою неизглаголанною, приими от нас похвалы сицевыя:

Радуйся, яко смирением твоим воистинну высокая и преславная стяжал еси; радуйся, яко тем наипаче смиренному сердцем Господу Иисусу приближился еси.

Радуйся, Пресвятыя Богородицы изрядный любимиче и преискренний любителю; радуйся, боголепныя обители Ея избранный питомниче и преусердный ревнителю.

Радуйся, яко честное тело твое, по желанию твоему, во блаженной той персти положися; радуйся, яко дух твой в сонме духов безплотных со угодники Печерскими на небеси пред Господем радуется.

Радуйся, горняго Иерусалима гражданине богоизбранный; радуйся, небеснаго Сиона обитателю всеблаженный.

Радуйся, отче Симоне, прилежный о нас к Богу молитвенниче.

Кондак 12

Благодатию, от Господа и Подателя всякия благостыни умоленною, просвети, отче богоносне, души наша к разумению спасительных истин веры Христовы и к приятию добрых учений благочестия Евангельскаго, да премудростию, и разумом, и во всех добродетелех преспевающе, и такo достойно ходяще звания, в немже поставлены есмы, со благодарением Единому Отцу светов и Богу разумов во веки воспеваем: Аллилуиа.

Икос 12

Поюще и превозносяще Бога, дивнаго во святых Своих, прославляем труды и подвиги твоя, имиже Господа на земли прославил еси, святителю отче Симоне; хвалим ревность твою по Бозе, ублажаем служение твое спасению ближних, славим кротость твою, величаем смиренномудрие твое, почитаем священную память твою, и со умилением благочестно зовем ти:

Радуйся, яко жития преподобных Печерских люботрудно в назидание наше собрал еси; радуйся, яко та и на скрижалех сердца твоего добре написал еси.

Радуйся, смиренномудре, николиже вознесыйся в сердце твоем, яко честен и славен еси; радуйся, праведне, никогдаже прельстивыйся мыслию, яко греxa не имаши.

Радуйся, яко главу седмоглаваго змия седмицею дарований духовных стерл еси; радуйся, яко в воздаяние за подвиги и труды твоя венцем нетления от Господа венчался еси.

Радуйся, яко со ангельскими лики выну на небеси Творца славословиши; радуйся, яко со избранными Его во обителех райских присно торжествуеши.

Радуйся, отче Симоне, прилежный о нас к Богу молитвенниче.

Кондак 13

О, великий и преславный угодниче Христов, святителю отче Симоне! Приими благоутробно сие малое моление, от нас недостойных со благодарением в похвалу тебе приносимое: буди заступник и покровитель всем, молитвенно притекающим к заступлению твоему с верою, и любовию, и упованием; избави нас от врагов видимых и невидимых, от всяких бед, скорбей и напастей; да мирно и благочестно поживше в веце сем, сподобимся с тобою и всеми святыми вечно в радости блаженней воспевати Богу: Аллилуиа.

[Се́й конда́к глаго́лется три́жды.]
[Далее повторяем 1‑е икос и кондак:]

Икос 1

Ангел Господа Вседержителя воистинну, по слову пророчу, достоин еси нарицатися святителю отче Симоне: ангельски бо жительствуя на земли, ангельское служение совершал еси в людех, равноангельно подвизаяся за хотящих наследовати спасение вечное; егоже и мы недостойнии предстательством твоим сподобитися уповающе, со умилением восписуем ти таковая:

Радуйся, в служении твоем спасению ближних, ангелов дивный подражателю; радуйся, в ревности твоей о славе имене Божия преславный пророков последователю.

Радуйся, в подвизех благовествования Христова истинный апостолов преемниче; радуйся, в трудех архипастырства равночестный преславным святителем сопрестольниче.

Радуйся, строителю дома Божия верный и воистинну мудрый; радуйся, изъяснителю велений Господних неленостный и воистинну учительный.

Радуйся, священнотаинниче, освященный Богом в приношение жертвы Ему благоприятныя; радуйся, праведниче, егоже молитва много может пред Господем поспешествуема.

Радуйся, отче Симоне, прилежный о нас к Богу молитвенниче.

Кондак 1

Возбранный и преславный защитниче наш от враг спасения нашего видимых и невидимых, святителю отче Симоне всеблаженне, почитаще честныя и многоцелебныя мощи твоя, яко многоценный залог неусыпнаго предстательства твоего о нас ко Господу, со умилением благодарственно зовем ти:

Радуйся, отче Симоне, прилежный о нас к Богу молитвенниче.

Молитва 1-я

О, священная главо, великий угодниче Божий, святителю Христов и чудотворче, преподобне и богоносне отче Симоне! К тебе, небесному заступнику и теплому предстателю нашему с верою и любовию припадаем и со упованием всеусердно молим тя: яви милосердие твое нам смиренным и грешным, и пролей теплыя молитвы твоя о нас ко Господу, Емуже со Ангелы и всеми святыми предстоиши на небеси во славе вечней. Вемы, святче Божий, яко свойственно есть тебе милосердие, ибо еще на земли живущу ти, едино имел еси попечение, еже спасати от погибели греховныя души человеческия; темже убо потщися, благосерде, предстоя страшному Престолу Господа Славы, ходатайствовати о нашем спасении, да не погибнем люте со беззаконии нашими. Веруем, отче всеблаженне, яко ты иже Христовою любовию, ближния твоя возлюбил еси, всегда пребывал еси в мире сем, кольми паче любиши вся ны о Господе на небесех водворяяся; темже всеусердно молим тя, яко отца нам суща, да выну соблюдаеши ны под покровом твоим от всякаго зла. Ты, отче преподобне, не точию сам верою правою и благими делы добре угодивый Господеви, но и иных научивый право веровати и волю Божию творити, велий наречен еси во Царствии Небесном, по неложному обетованию Христову; темже убо настави и нас, данною тебе от Господа благодатию, тако веровати, и тако путем заповедей Господних шествовати, яко не точию нам самем николиже на погибельный путь неверия и на стезю повелениям Божиим противну совратитися, но паче да будем довольни и иных во правоверии утвердити и на путь истинного благочестия наставити. О, преблаженне, потщися убо о сем наипаче умоляти Щедродавца Бога, да подаст нам веру праву и несумненну, благочестие искреннее и непоколебимое, братолюбие нелицемерное, и преспеяние во всех благих делех, да выну памятующе звание и избрание наше, будем, якоже учит святый апостол, совершенни и исполнени во всякой воли Божией, никомуже не полагающе претыкания или соблазна ни словом, ни житием нашим, но всегда промышляюще точию добрая пред Богом и человеки. Еще же припадающе молим тя, угодниче Христов, предстательствовати ко Всемилостивому Владыце и Царю царствующих, да сохранит под покровом Своея благости, во здравии и непременяемом благополучии богохранимый народ наш, и избавит его от всякаго злаго обстояния; да соблюдет Церковь святую от ересей и расколов, державу же православно-русскую от всякаго мятежа, браней и нестроений; да даст пастырем Церкви святую ревность о спасении пасомых и просвещении неверующих светом Богоразумия, и да умудрит их право правити слово истины; дарует начальствующим мудрость и силу, подчиненным усердие и благопокорливость, судиям прозорливость и нелицеприятие, супругам верность и единодушие, родителем разум и благочестие, чадом кротость и послушание, наставником и воспитателем юношества доброучительность и смиренномудрие, учащимся и воспитуемым благое в вере и благочестии научение и возрастание, всем же людем всяк дар коемуждо благопотребен, всяку благовременну помощь во благих делех, и вся ко спасению и славе Божией подобающая. Сохрани, отче преподобне, твоими богоприятными молитвами вся грады и веси державы нашея, и град сей, и дом сей, от всякаго зла и нападений вражиих, вся же правоверныя люди, с любовию и упованием притекающия к покрову твоему, и благочестно покланяющияся мощем твоим, осени небесным твоим благословением, и вся прошения их во благо исполни. Ей, угодниче Божий, не презри молений наших, и не посрами нас от упования и чаяния нашего! Се бо мы недостойнии, и смиреннии многих грехов исполненнии, ведуще, яко грешники Бог не послушает, но аще кто Богочтец есть и волю Его творит, того послушает, ко твоему прибегаем предстательству, тобою дерзаем умоляти милосердие Божие; веруем бо, всеблаженне, яко елика аще ты, праведен сый, воспросиши в молитве от Бога, даст ти Бог. Темже убо буди теплый о нас предстатель ко Щедродавцу Богу, да твоею помощию и заступлением мирно и благочестно поживше на земле сподобимся и небесных благ восприятия, славяще и превозносяще Отца, и Сына, и Святаго Духа, Единаго в Троице славимаго и покланяемаго Бога, и твое милостивое предстательство во веки веков. Аминь.

Молитва 2-я

О, всехвальный и всечестный архиерею, святителю Христов, преподобне и богоносне отче Симоне! Призри, с свойственным тебе благосердием, от высот небесных, идеже со ангелы и всеми святыми Господу Славы предстоиши, на нас недостойных и долу преклонных, смиренных же и грешных, притекающих к многомощному предстательству твоему с верою, любовию и упованием. Простри молитвенно преподобныя руце твоя ко Господу и Владыце, и испроси от щедродательныя Его благостыни оставление согрешений наших вольных и невольных, покаяние сердечное, здравие душевное и телесное, житие мирное и безмятежное, воздуха благорастворение, земли плодоносие, житейских потреб довольство, во всем благое поспешение, и да не во зло обратим даруемая нам благая, но во славу пресвятаго имене Его, и во спасение наше. Еще же припадающе молим тя, потщися, благосерде, предстательствовати ко Господу Человеколюбцу, да избавит нас, по велицей Своей милости, от всяких бед и скорбей, от всяких недугов и болезней, от внезапныя смерти и от всех озлоблений, от всяких козней врагов видимых и невидимых и от всякаго зла; да укрепит в нас правую веру и благочестие нелицемерное, и да подаст нам силы в борьбе со страстьми и похотьми нашими; да соблюдет нас от нечестивых и душепагубных учений неверия и суеверия, имиже наветуется в нас святоотеческая православная вера, и да избавит нас от всяких приражений духа, иже ныне действует в сынех противления; да всадит в сердца наша дух смирения и кротости, дух братолюбия и незлобия, дух терпения и целомудрия, дух святыя ревности о славе Божией и спасении ближних; да призрит благоутробно на всякую душу, требующую благодатныя Его милости, и дарует, по неизреченным щедротам Своего человеколюбия, болящим исцеление, скорбящим утешение, малодушным успокоение, унывающим ободрение, страждущим ослабу, бедствующим помощь, сирым покров, безприютным пристанище, обидимым защиту, злословимым терпение, уничижаемым великодушие, гонимым заступление, оклеветаемым оправдание, и всем, во всяких нуждах и злостраданиях сущим, душевную отраду, и скорое избавление. Ей, святче Божий, буди теплый молитвенник и прилежный ходатай ко Господу о всякой души верных твоих чтителей, ищущих твоея помощи, да никтоже во уповании своем на тя посpaмлен будет, но вси предстательством твоим да обрящут, во всяких обстояниих, благодать и милость Всещедраго Бога, Емуже подобает всякая слава, честь и поклонение, ныне и присно, и во веки веков. Аминь.

https://azbyka.ru/molitvoslov/akafist-svjatitelju-simonu-pecherskomu-episkopu-vladimirskomu-i-suzdalskomu-chudotvorcu.html

[Акафист святителю Симону Печерскому, епископу Владимирскому и Суздальскому, чудотворцу]

Акафист святителю Симону Печерскому, епископу Владимирскому и Суздальскому, чудотворцу

Кондак 1

Возбранный и преславный защитниче наш от враг спасения нашего видимых и невидимых, святителю отче Симоне всеблаженне, почитаще честныя и многоцелебныя мощи твоя, яко многоценный залог неусыпнаго предстательства твоего о нас ко Господу, со умилением благодарственно зовем ти:

Радуйся, отче Симоне, прилежный о нас к Богу молитвенниче.

Икос 1

Ангел Господа Вседержителя воистинну, по слову пророчу, достоин еси нарицатися святителю отче Симоне: ангельски бо жительствуя на земли, ангельское служение совершал еси в людех, равноангельно подвизаяся за хотящих наследовати спасение вечное; егоже и мы недостойнии предстательством твоим сподобитися уповающе, со умилением восписуем ти таковая:

Радуйся, в служении твоем спасению ближних, ангелов дивный подражателю; радуйся, в ревности твоей о славе имене Божия преславный пророков последователю.

Радуйся, в подвизех благовествования Христова истинный апостолов преемниче; радуйся, в трудех архипастырства равночестный преславным святителем сопрестольниче.

Радуйся, строителю дома Божия верный и воистинну мудрый; радуйся, изъяснителю велений Господних неленостный и воистинну учительный.

Радуйся, священнотаинниче, освященный Богом в приношение жертвы Ему благоприятныя; радуйся, праведниче, егоже молитва много может пред Господем поспешествуема.

Радуйся, отче Симоне, прилежный о нас к Богу молитвенниче.

Кондак 2

Видя и слыша от иных самовидцев равноангельная жития преподобных отец Печерския Лавры, потщался еси, богомудре отче, не точию добре запечатлети я на cкpижaлex сердца твоего, но и писанием достоверно известити я родом последнейшим, да выну взирающе на скончание жительства угодников Божиих, и подражающе вере их, благочестно воспевают дивному во святых Своих Господу: Аллилуиа.

Икос 2

Разум спасения вечнаго, данною ти свыше премудростию, просвещал еси всем приближающимся к тебе, и закону Господню от уст твоих поучахуся мнози, хотящии благочестно жити; сотвори убо предстательством твоим, святче Божий, да поне и наша страстьми омраченныя смыслы благодатно просветятся, во еже добре искушати нам, что есть воля Божия благая и угодная и совершенная; да во всех заповедех и оправданиих Господних ходяще безпорочно, доволни будем и иных на истинный путь спасения наставити. Сего ради ублажаем тя:

Радуйся, священноучителю, воистинну уста Божия имущий; радуйся, богомудрый наставниче, изводяй честное от недостойнаго.

Радуйся, делателю непостыдный, яко во спасение ближних твоих благоплодно потрудился еси; радуйся, благий и верный рабе, яко Господу господствующих воистинну добре послужил еси.

Радуйся, отче богомудре, написавый в научение наше словеса премудра; радуйся, яко теми и по отшествии твоем нас уча не престаеши.

Радуйся, яко со угодники Печерскими, ихже жития написал еси, во обителех небесных водворяешися; радуйся, яко ходатайствуеши ко Господу, да и мы с ними в книги животныя напишемся.

Радуйся, отче Симоне, прилежный о нас к Богу молитвенниче.

Кондак 3

Силою благодатною свыше осенен, на брань противу сил преисподних укрепился еси, постом же и молитвою вся наветы их и коварства до конца отразил еси; темже, всеблаженне, не престай моляся ко Господу и о нашем укреплении в брань ко врагом спасения нашего, да победивше вся козни их, благодарственно вопием о тебе Богу: Аллилуиа.

Икос 3

Имея от Господа обилие дарований духовных, возсиял еси, богомудре отче, от безмолвия пещернаго в далечайшия страны светом добродетелей твоих, и мнози желаху тя в предводителя и наставника себе имети; темже и избран был еси во игумена обители иноческия, яже во граде Владимире, да просветится свет твой в просвещение множайших. Сего ради величаем тя:

Радуйся, святыя Печерския Лавры благоплодное насаждение; радуйся, обители Пресвятыя Богородицы благоуханное прозябение.

Радуйся, постническаго лика преподобных светило многосветлое; радуйся, подвигов иноческих зерцало преизящное.

Радуйся, яко в житии твоем Антонию дивному подражал еси; радуйся, яко в подвизех твоих Феодосию чудному ревновал еси.

Радуйся, яко послушающих тебе управил еси ко спасению вечному; радуйся, яко повинующимся тебе был еси ходатай Царствия Небеснаго.

Радуйся, отче Симоне, прилежный о нас к Богу молитвенниче.

Кондак 4

Бурю страстей и свирепеющия волны похотей плотских до конца утолил еси постом и бдением и молитвою, благодатию же Божиею охраняем, достигл еси во отишие безстрастия; темже убо изми, отче преподобне, молитвами твоими и нас недостойных от потопа страстей и погибели вечныя, да спасающему тобою всещедрому Богу благодарственно вопием: Аллилуиа.

Икос 4

Слыша о подвизех твоих, и видя исправления твоя во игуменстве, благоверный князь Георгий зело любляше тя, и в чести велией имеяше тя, угодниче Божий; темже молением его возведен был еси на архипастырский престол богоспасаемых градов Владимира и Суждаля, идеже паче просиял еси благими делы, учением просвещая, любовию согревая, благодатию же от Бога испрошенною живот подая всем, ублажающим тя звании сими: Радуйся иерарше, благодатию Святаго Духа освященный; радуйся, архипастырю, воистинну Богом избранный.

Радуйся, питателю, пищею слова Божия верныя насыщающий; радуйся, святителю, благодатию Божественною души наша освящающий.

Радуйся, истинный учителю, показавый в научение наше веру твою от дел твоих; радуйся, благоискусный наставниче, поучаяй нас кротости и премудрости не cлoвoм точию, но и образом жития твоего.

Радуйся, преславный миротворче, яко мятущуюся Церковь Владимирскую пришествием твоим возвеселил еси; радуйся, благосердый отче, яко любовию и кротостию духовная чада твоя обрадовал еси.

Радуйся, отче Симоне, прилежный о нас к Богу молитвенниче.

Кондак 5

Боготечная звезда явился еси на высоком степени святительства, ясно путь заповедей Господних показуя всем, хотящим благочестно жити; темже убо озари, отче преподобне, и нас, во тьме страстей пребывающих, сиянием добродетелей твоих, да яко во дни благообразно ходяще, вопием о тебе с благодарением Богу: Аллилуиа.

Икос 5

Видя, яко в мире сем всяческая суета и тлению причастна, потщался еси вседушно, Богоблаженне отче, Единому Превечному Богу благоугодити, и не вотще быша труды твоя: пременил бо еси тленная на нетленная, наипаче же сподобился еси блаженнаго предстояния пред Престолом Господа Славы, во Царствии Небеснем. Тамо убо, святче Божий, не забуди и нас, притекающих к заступлению твоему, и с любовию вопиющих к тебе таковая:

Радуйся, нищеты ради духовныя богатство нетленное стяжавый; радуйся, плачем и печалию, яже по Бозе, утешение вечное восприявый.

Радуйся, кротостию и незлобием Царствие Небесное наследовавый; радуйся, чистотою сердца лицезрения Божия сподобивыйся.

Радуйся, доблий воине Христов, и вождю благоискусный воинов духовных; радуйся, ратоборче Господень, низложивый врага темнаго оружии правды десными и шуими.

Радуйся, Богоблаженне подвижниче, яко подвигом добрым подвизался еси; радуйся, истинный праведниче, яко пред Господем Правды непорочен и праведен обрелся еси.

Радуйся, отче Симоне, прилежный о нас к Богу молитвенниче.

Кондак 6

Проповедь Евангельскую, яко смиряяй себе вознесется, всем сердцем и всею мыслию твоею восприял еси, досточудне отче; темже аще и достойне одеждою святительства одеялся еси, обаче тем не возносяся, смиреномудренно желал еси, лучше тебе един день аки сметию в дому тамо Божия Матере приметатися, нежели тысящу лет славиму быти на престоле. О, всеблаженне, испроси и нам у Щедродавца Господа достолюбезную добродетель нищеты духовныя, да не высокая о себе мудрствующе, но смиренными ведущеся, благоприятно вопием Богу: Аллилуиа.

Икос 6

Возсиял еси во светлостех святых солнца светлейшее, венцем благоволения Божия, доброты же неизреченныя и славы непрестающия благодатно украшаем; темже, всеблаженне, не престай моляся ко Господу Сил и Царю Славы о всех, притекающих к заступлению твоему, и величающих тя благохвалении сими:

Радуйся, преблаженне, яко приял еси царствие благолепия от Царя Небеснаго; радуйся, преподобне, яко венчался еси славою и честию от руки Господни.

Радуйся, кающихся со умилением ходатаю преусердный; радуйся, борющихся со страстьми и похотьми помощниче преизрядный.

Радуйся, ищущим уврачевания уязвленной совести целителю премудрый; радуйся, унывающих и безнадеждных утешителю пресладкий.

Радуйся, заблуждающих и в самозабвении жительствующих исправителю прекроткий; радуйся, лукавнующих и беззаконнующих обличителю незлобивый.

Радуйся, отче Симоне, прилежный о нас к Богу молитвенниче.

Кондак 7

Хотяй всем человеком спастися и в разум истины приити, многомилостивый и долготерпеливый Господь дарова нам во освящение, защищение и отраду честныя и многоцелебныя мощи твоя, святителю отче Симоне; в нихже с верою и любовию приемлюще стража нам неотступна, благодарственно вопием сице благоволившему о нас Господу: Аллилуиа.

Икос 7

Нова небесе и новы земли благодатию Божиею достигл еси, всеблаженне отче, к ним же и мы недостойнии стяжахом тя путеводителя и наставника; темже молим тя, не попусти нас погибнути в дебрех греховных, но приведи нас стезею правою в страну света и радости вечныя, с любовию вопиющих тебе:

Радуйся, горняго мира обитателю всеблаженный; радуйся, дольняго мира заступниче многомощный.

Радуйся, кивоте честный, даровании духовными преукрашенный; радуйся, каменю драгий, Церковь Христову украшающий.

Радуйся, яко нетлением мощей твоих проповедуется миру будущее всех воскресение; радуйся, яко и нам недостойным даровася от них многоценный залог твоего заступления.

Радуйся, сокровище милосердия к нам Божия неисчерпаемое; радуйся, хранилище дарований нам благодатных неиждиваемое.

Радуйся, отче Симоне, прилежный о нас к Богу молитвенниче.

Кондак 8

Странное преселение твое от земных в небесная пресветлая места ведуще, устранимся суетных прелестей мира сего, помышляюще, яко ты, всеблаженне, подобострастен быв нам, мир сей прелестный, и вся злая в нем победил еси, нам оставль образ добрых подвигов твоих; о толикой убо победе твоей радости исполнени, торжественно вопием Богу: Аллилуиа.

Икос 8

Весь исполнен быв любве Божественныя, всем быти вся восхотел еси, по образу святаго апостола Павла; темже, Богоблаженне, являл еси всем, приближающимся к тебе коемуждо благопотребну помощь, неусыпно труждаяся в научении, утешении и утверждении их в вере и благочестии, да всяко некия спасеши. Сего ради со благоговением приносим ти похвалы сицевыя:

Радуйся, Православия и благочестия учителю богомудрый; радуйся, воздержания и целомудрия наставниче преизрядный.

Радуйся, кротких и благих нравов благоискусный насадителю; радуйся, нечестивых и душетленных обычаев неуклонный искоренителю.

Радуйся, стужаемых и обуреваемых нечистыми помыслы верный помощниче; радуйся, злословимых и оклеветаемых благонадеждный защитниче.

Радуйся, малодушием колеблемых и во унынии закосневающих известный ободрителю; радуйся, в печали и злострадании сущих незримый предстателю.

Радуйся, отче Симоне, прилежный о нас к Богу молитвенниче.

Кондак 9

Всяк грех содеяхом, всякою нечистотою осквернихом души наша; ты же святителю Христов, чиста соблюдый себе благодатию Божественною от всякия скверны плоти и духа, облагоухай нас твоею святынею, да со страхом Божиим прочее в мире сем жительствующе, со всякою же чистотою созидающе себе в жилище Божие духом, чистым сердцем и нескверными усты вопием Богу: Аллилуиа.

(Окончание следует)

[Святитель Си́мон Печерский, епископ Владимирский, Суздальский]

Святитель Си́мон Печерский, епископ Владимирский, Суздальский

Дни памяти:

23 мая
11 октября - Собор Киево-Печерских преподобных, в Ближних пещерах
6 июля - Собор Владимирских святых
15 сентября (переходящая) - Собор Нижегородских святых
16 марта (переходящая) - Собор всех Киево-Печерских преподобных отцов

Житие

Святитель Симон Печерский, первый епископ Владимиро-Суздальской земли, родился во второй половине XII в. и подвизался в Киево-Печерском монастыре, где и принял постриг.

В 1206 г. становится игуменом Богородице-Рождественского монастыря во Владимире. В 1215 г. при великом князе Владимирском Георгии II Всеволодовиче становится епископом Владимирским и Суздальским. Святитель, как добрый пастырь, усердно заботился о вверенной ему пастве и не оставлял трудов иноческих.

Горя любовью к подвижникам Печерским, святитель написал жития нескольких Печерских угодников, вошедших в Киево-Печерский патерик. Святитель Симон является автором поучительных посланий к монаху Киево-Печерского монастыря Поликарпу. Его перу принадлежит «Сказание о святой чудотворной церкви Печерской Киевской, како создася, украсися и освятися».

Пробыв 12 лет на архипастырском престоле и приняв схиму, святитель Симон мирно скончался 22 мая 1226 г. Честное тело святого, согласно его желанию, было положено в Ближних (Антониевых) пещерах Киево-Печерской Лавры.

Тропарь святителю Симону Печерскому, епископу Владимирскому и Суздальскому, глас 1

Жити́й преподо́бных оте́ц Пече́рских списа́телю изве́стный,/ святи́телю Христо́в Си́моне всеблаже́нне,/ моли́ся приле́жно с ни́ми Христу́ Бо́гу,/ да упра́вит в ми́ре живо́т наш/ и в кни́ги живо́тныя да напи́шет ны,// спаса́я ду́ши на́ша.

Кондак святителю Симону Печерскому, епископу Владимирскому и Суздальскому, глас 2

Святи́тельства оде́ждою,/ а́ще и досто́йне оде́ялся еси́,/ оба́че тем не вознося́ся,/ жела́л еси́ па́че сме́тием пред враты́ Ла́вры Пече́рския поврещи́ся,/ смиренному́дре Си́моне./ Те́мже, не а́ки сме́тие, врат вне,/ но, я́ко сокро́вище, внутрь святы́я пеще́ры положе́н бы́ти сподо́бился еси́,/ и ны́не на Небеси́ Го́сподеви предстоя́,// моли́ся о нас, чту́щих тя.

Молитва святителю Симону Печерскому, епископу Владимирскому и Суздальскому

О, свяще́нная главо́, вели́кий уго́дниче Бо́жий, святи́телю Христо́в и чудотво́рче, преподо́бне и Богоно́сне о́тче Си́моне! К тебе́, небе́сному засту́пнику и те́плому предста́телю на́шему с ве́рою и любо́вию припа́даем и со упова́нием всеусе́рдно мо́лим тя: яви́ милосе́рдие твое́ нам смире́нным и гре́шным, и проле́й те́плыя моли́твы твоя́ о нас ко Го́споду, Ему́же со А́нгелы и все́ми святы́ми предстои́ши на Небеси́ во сла́ве ве́чней. Ве́мы, свя́тче Бо́жий, я́ко сво́йственно есть тебе́ милосе́рдие, и́бо еще́ на земли́ живу́щу ти, еди́но име́л еси́ попече́ние, е́же спаса́ти от поги́бели грехо́вныя ду́ши челове́ческия; те́мже у́бо потщи́ся, благосе́рде, предстоя́ стра́шному Престо́лу Го́спода Сла́вы, хода́тайствовати о на́шем спасе́нии, да не поги́бнем лю́те со беззако́нии на́шими. Ве́руем, о́тче всеблаже́нне, я́ко ты и́же Христо́вою любо́вию, бли́жния твоя́ возлюби́л еси́, всегда́ пребыва́л еси́ в ми́ре сем, кольми́ па́че лю́биши вся ны о Го́споде на Небесе́х водворя́яся; те́мже всеусе́рдно мо́лим тя, я́ко отца́ нам су́ща, да вы́ну соблюда́еши ны под покро́вом твои́м от вся́каго зла. Ты, о́тче преподо́бне, не то́чию сам ве́рою пра́вою и благи́ми де́лы до́бре угоди́вый Го́сподеви, но и ины́х научи́вый пра́во ве́ровати и во́лю Бо́жию твори́ти, ве́лий нарече́н еси́ во Ца́рствии Небе́сном, по нело́жному обетова́нию Христ́ову; те́мже у́бо наста́ви и нас, да́нною тебе́ от Го́спода благода́тию, та́ко ве́ровати, и та́ко путе́м за́поведей Госпо́дних ше́ствовати, я́ко не то́чию нам саме́м николи́же на поги́бельный путь неве́рия и на стезю́ повеле́ниям Бо́жиим проти́ву соврати́тися, но па́че да бу́дем дово́льни и ины́х во правове́рии утверди́ти и на путь и́стинного благоче́стия наста́вити. О преблаже́нне, потщи́ся у́бо о сем наипа́че умоля́ти Щедрода́вца Бо́га, да пода́ст нам ве́ру пра́ву и несумне́нну, благоче́стие и́скреннее и непоколеби́мое, братолю́бие нелицеме́рное, и преспе́яние во всех благи́х де́лех, да вы́ну памятующе зва́ние и избра́ние на́ше, бу́дем, я́коже учит святы́й апо́стол, соверше́нни и испо́лнени во вся́кой во́ли Бо́жией, никому́же не полага́юще претыка́ния или́ собла́зна ни сло́вом, ни житие́м на́шим, но всегда́ промышля́юще то́чию до́брая пред Бо́гом и челове́ки. Еще́ же припа́дающе мо́лим тя, уго́дниче Христо́в, предста́тельствовати ко Всеми́лостивому Влады́це и Царю́ ца́рствующих, да сохрани́т под покро́вом Своея́ бла́гости, во здра́вии и непременя́емом благополу́чии богохрани́мый наро́д наш, и изба́вит его́ от вся́каго зла́го обстоя́ния; да соблюде́т Це́рковь святу́ю от ересе́й и раско́лов, держа́ву же правосла́вно-ру́сскую от вся́каго мяте́жа, бра́ней и нестрое́ний; да даст па́стырем Це́ркви святу́ю ре́вность о спасе́нии пасо́мых и просвеще́нии неве́рующих све́том Богоразу́мия, и да умудри́т их пра́во пра́вити сло́во и́стины; да́рует нача́льствующим му́дрость и си́лу, подчине́нным усе́рдие и благопоко́рливость, судия́м прозо́рливость и нелицеприя́тие, супру́гам ве́рность и единоду́шие, роди́телем ра́зум и благоче́стие, ча́дом кро́тость и послуша́ние, наста́вником и воспита́телем ю́ношества доброучи́тельность и смиренному́дрие, уча́щимся и воспиту́емым благо́е в ве́ре и благоче́стии науче́ние и возраста́ние, всем же лю́дем всяк дар коему́ждо благопотре́бен, вся́ку благовре́менну по́мощь во благи́х де́лех, и вся ко спасе́нию и сла́ве Бо́жией подоба́ющая. Сохрани́, о́тче преподо́бне, твои́ми богоприя́тными моли́твами вся гра́ды и ве́си держа́вы на́шея, и град сей, и дом сей, от вся́каго зла и нападе́ний вра́жиих, вся же правове́рныя лю́ди, с любо́вию и упова́нием притека́ющия к покро́ву твоему́, и благоче́стно покланя́ющияся моще́м твои́м, осени́ небе́сным твои́м благослове́нием, и вся проше́ния их во бла́го испо́лни. Ей, уго́дниче Бо́жий, не пре́зри моле́ний на́ших, и не посрами́ нас от упова́ния и ча́яния на́шего! Се бо мы недосто́йнии, и смире́ннии мно́гих грехо́в испо́лненнии, ве́дуще, я́ко гре́шники Бог не послу́шает, но а́ще кто Богочте́ц есть и во́лю Его́ твори́т, того́ послу́шает, ко твоему́ прибега́ем предста́тельству, тобо́ю дерза́ем умоля́ти милосе́рдие Бо́жие; ве́руем бо, всеблаже́нне, я́ко ели́ка а́ще ты, пра́веден сый, воспро́сиши в моли́тве от Бо́га, даст ти Бог. Те́мже у́бо бу́ди те́плый о нас предста́тель ко Щедрода́вцу Бо́гу, да твое́ю по́мощию и заступле́нием ми́рно и благоче́стно пожи́вше на земле́ сподо́бимся и небе́сных благ восприя́тия, сла́вяще и превознося́ще Отца́, и Сы́на, и Свята́го Ду́ха, Еди́наго в Тро́ице сла́вимаго и покланя́емаго Бо́га, и твое́ ми́лостивое предста́тельство во ве́ки веко́в. Ами́нь.

Молитва 2-я святителю Симону Печерскому, епископу Владимирскому и Суздальскому

О, всехва́льный и всечестны́й архиере́ю, святи́телю Христо́в, преподо́бне и богоно́сне о́тче Си́моне! При́зри, с сво́йственным тебе́ благосе́рдием, от высо́т Небе́сных, иде́же со А́нгелы и все́ми святы́ми Го́споду Сла́вы предстои́ши, на нас недосто́йных и до́лу прекло́нных, смире́нных же и гре́шных, притека́ющих к многомо́щному предста́тельству твоему́ с ве́рою, любо́вию и упова́нием. Простри́ моли́твенно преподо́бныя ру́це твоя́ ко Го́споду и Влады́це, и испроси́ от щедрода́тельныя Его́ благосты́ни оставле́ние согреше́ний на́ших во́льных и нево́льных, покая́ние серде́чное, здра́вие душе́вное и теле́сное, житие́ ми́рное и безмяте́жное, возду́ха благорастворе́ние, земли́ плодоно́сие, жите́йских потре́б дово́льство, во всем благо́е поспеше́ние, и да не во зло обрати́м да́руемая нам блага́я, но во сла́ву пресвята́го и́мене Его́, и во спасе́ние на́ше. Еще́ же припа́дающе мо́лим тя, потщи́ся, благосе́рде, предста́тельствовати ко Го́споду Человеколю́бцу, да изба́вит нас, по вели́цей Свое́й ми́лости, от вся́ких бед и скорбе́й, от вся́ких неду́гов и боле́зней, от внеза́пныя сме́рти и от всех озлобле́ний, от вся́ких ко́зней враго́в ви́димых и неви́димых и от вся́каго зла; да укрепи́т в нас пра́вую ве́ру и благоче́стие нелицеме́рное, и да пода́ст нам си́лы в борьбе́ со страстьми́ и похотьми́ на́шими; да соблюде́т нас от нечести́вых и душепа́губных уче́ний неве́рия и суеве́рия, и́миже наве́туется в нас святооте́ческая Правосла́вная ве́ра, и да изба́вит нас от вся́ких прираже́ний ду́ха, и́же ны́не де́йствует в сыне́х противле́ния; да всади́т в сердца́ на́ша дух смире́ния и кро́тости, дух братолю́бия и незло́бия, дух терпе́ния и целому́дрия, дух святы́я ре́вности о сла́ве Бо́жией и спасе́нии бли́жних; да при́зрит благоутро́бно на вся́кую ду́шу, тре́бующую благода́тныя Его́ ми́лости, и да́рует, по неизрече́нным щедро́там Своего́ человеколю́бия, боля́щим исцеле́ние, скорбя́щим утеше́ние, малоду́шным успокое́ние, уныва́ющим ободре́ние, стра́ждущим осла́бу, бе́дствующим по́мощь, си́рым покро́в, безприю́тным приста́нище, оби́димым защи́ту, злосло́вимым терпе́ние, уничижа́емым великоду́шие, гони́мым заступле́ние, оклевета́емым оправда́ние, и всем, во вся́ких ну́ждах и злострада́ниях су́щим, душе́вную отра́ду, и ско́рое избавле́ние. Ей, свя́тче Бо́жий, бу́ди те́плый моли́твенник и приле́жный хода́тай ко Го́споду о вся́кой души́ ве́рных твои́х чти́телей, и́щущих твоея́ по́мощи, да никто́же во упова́нии свое́м на тя посра́млен бу́дет, но вси предста́тельством твои́м да обря́щут, во вся́ких обстоя́ниих, благода́ть и ми́лость Всеще́драго Бо́га, Ему́же подоба́ет вся́кая сла́ва, честь и поклоне́ние, ны́не и при́сно, и во ве́ки веко́в. Ами́нь.

https://azbyka.ru/days/sv-simon-pecherskij

[Икона Богородицы Киево-Братская. 23 мая церковный праздник]

Икона Богородицы Киево-Братская. 23 мая церковный праздник



Чу­до­твор­ная Ки­е­во-Брат­ская ико­на Бо­жи­ей Ма­те­ри бы­ла яв­ле­на в 1654 го­ду и пер­во­на­чаль­но бы­ла мест­ной в Бо­ри­со­глеб­ской церк­ви го­ро­да Вы­ш­го­ро­да.

Молитва Пресвятой Богородице пред иконой Ея «Киево-Братской»
О, Пресвята́я Госпоже́, Пречи́стая Влады́чице Богоро́дице. При́зри Всеми́лостивым Твои́м о́ком на на́с, предстоя́щих пред пречи́стым Твои́м о́бразом, Ки́ево-Бра́тским нарица́ющимся, и моля́щихся Ти́ пред ни́м.
Да возсия́ет неизрече́нный све́т Возлю́бленнаго Сы́на Твоего́, Го́спода на́шего Иису́са Христа́ в сердца́х на́ших. Да бу́дет во́ля Его́ чрез все́ житие́ на́ше. Да да́рует на́м проще́ние и очище́ние все́х грехо́в и прегреше́ний на́ших.
Не и́мамы ины́я по́мощи, ни ины́я наде́жды, то́кмо Тебе́, Пречи́стая.
Я́коже в дре́вния времена́ гра́д Вы́шгород и зе́млю Ки́евскую просла́вила еси́ зна́мениями и чудесы́ от ико́ны Твоея́ чу́дныя, егда́ инове́рнаго ага́рянина чу́дным о́бразом от во́днаго потопле́ния в реце́ Днепре́ спасла́ еси́, и до оби́тели Ки́ево-Бра́тския неврежде́нна доста́вила еси́, и та́мо и́стинное покая́ние его́ прия́ла еси́, и све́том свята́го креще́ния просвети́в, во А́нгельский чи́н в се́й оби́тели облекла́ еси́, и те́м ко спасе́нию и и́стинныя ве́ры правосла́вныя утвержде́нию путеводи́ла еси́.
Сего́ ра́ди и мы́, гре́шнии и недосто́йнии, дерза́юще про́сим и мо́лим: не отри́ни на́с, моля́щихся Ти́, пред се́ю ди́вною и чудотво́рною ико́ною Твое́ю. Укрепи́ ве́ру в на́с пра́вую, да́руй любо́вь дру́г ко дру́гу нелицеме́рную. Бу́ди Взбра́нной Воеводой на вся́ ви́димая и неви́димая враги́ на́ша: неве́рных к правове́рию обрати́, ве́рных же на пу́ть покая́ния и спасе́ния наста́ви.
Помози́, Госпоже́ Влады́чице, воздви́гнути хра́м и оби́тель ди́вному и сла́вному, достопоклоняемому А́нгелы и челове́ки, и́мене Твоему́, в че́сть и па́мять чудотво́рнаго о́браза Твоего́ Ки́ево-Бра́тскаго.
Да и в хра́ме се́м и оби́тели се́й, па́че же в душа́х и сердца́х на́ших, просла́вим Тя́, Хода́таицу и Моли́твенницу за ро́д на́ш, и Тобо́ю сла́ву возсле́м Отцу́, и Сы́ну, и Свято́му Ду́ху, ны́не, и при́сно, и во ве́ки веко́в. Ами́нь.

См.видео по нижеприведённой ссылке:

https://rutube.ru/video/d87849ae618d234391ea6040d959251d/?t=40

https://rutube.ru/video/65709e3d0994ce9a4248603cd6fe7af1/

[Икона Богородицы Киево-Братская]

Икона Богородицы Киево-Братская

Празднование:

23 мая
19 сентября
15 июня

История

Чудотворная Киево-Братская икона Божией Матери была явлена в 1654 году и первоначально была местной в Борисоглебской церкви города Вышгорода (Киевского).

В 1662 году, во время войны с Польшей (1659–1667 гг.), городу был нанесен большой ущерб со стороны воевавших против России в союзе с поляками крымских татар. Храм святых страстотерпцев Бориса и Глеба был разорен и поруган неприятелем. Но Промыслом Божиим чудотворная икона Божией Матери была сохранена, ее своевременно вынесли из храма и пустили по Днепру, а мощи святых сокрыли под спудом. Река вынесла святую икону к берегу Подола в Киеве, где она была с великой радостью принята православными и с подобающими почестями перенесена в Братский монастырь, от названия которого и получила свое наименование. Там святой образ пребывал в течение долгого времени. В описи церковного имущества Киево-Братского монастыря, произведенной в 1807 году, приводится описание чудотворной иконы.

В 1919 году Братский монастырь был закрыт, а образ Киево-Братской Богородицы считался утерянным. Отсутствие до 90-х годов XX века информации о святынях обители в течение долгого времени воспринималось как подтверждение гибели образа. Однако исследования последних лет показали, что икона вошла в число пяти наиболее ценных икон монастыря, переданных в учрежденный в 1926 г. на территории Киево-Печерской лавры Всеукраинский музейный городок. В 1948 г. эта группа икон впервые была зафиксирована в книге учета Национального художественного музея Украины (НХМУ) с пометкой о неизвестности их судьбы до поступления в музей. Повторное обретение Киево-Братской иконы произошло в начале 2000-х годов, когда сотрудниками НХМУ была установлена связь этих памятников с Братским монастырем. В настоящее время Киево-Братская икона находится в собрании НХМУ1. Повторное обретение иконы воспринимается как подтверждение чудотворности образа.

Празднования Киево-Братской иконе Божией Матери совершаются трижды в году: 6 сентября, 10 мая и 2 июня. Все они посвящены чудесному явлению святой иконы в 1654 году.

_{1 Православная Энциклопедия. Т. 32, С. 686–690.}

Молитва Пресвятой Богородице пред иконой Ея «Киево-Братской»

О, Пресвята́я Госпоже́, Пречи́стая Влады́чице Богоро́дице. При́зри Всеми́лостивым Твои́м о́ком на на́с, предстоя́щих пред пречи́стым Твои́м о́бразом, Ки́ево-Бра́тским нарица́ющимся, и моля́щихся Ти́ пред ни́м.
Да возсия́ет неизрече́нный све́т Возлю́бленнаго Сы́на Твоего́, Го́спода на́шего Иису́са Христа́ в сердца́х на́ших. Да бу́дет во́ля Его́ чрез все́ житие́ на́ше. Да да́рует на́м проще́ние и очище́ние все́х грехо́в и прегреше́ний на́ших.
Не и́мамы ины́я по́мощи, ни ины́я наде́жды, то́кмо Тебе́, Пречи́стая.
Я́коже в дре́вния времена́ гра́д Вы́шгород и зе́млю Ки́евскую просла́вила еси́ зна́мениями и чудесы́ от ико́ны Твоея́ чу́дныя, егда́ инове́рнаго ага́рянина чу́дным о́бразом от во́днаго потопле́ния в реце́ Днепре́ спасла́ еси́, и до оби́тели Ки́ево-Бра́тския неврежде́нна доста́вила еси́, и та́мо и́стинное покая́ние его́ прия́ла еси́, и све́том свята́го креще́ния просвети́в, во А́нгельский чи́н в се́й оби́тели облекла́ еси́, и те́м ко спасе́нию и и́стинныя ве́ры правосла́вныя утвержде́нию путеводи́ла еси́.
Сего́ ра́ди и мы́, гре́шнии и недосто́йнии, дерза́юще про́сим и мо́лим: не отри́ни на́с, моля́щихся Ти́, пред се́ю ди́вною и чудотво́рною ико́ною Твое́ю. Укрепи́ ве́ру в на́с пра́вую, да́руй любо́вь дру́г ко дру́гу нелицеме́рную. Бу́ди Взбра́нной Воеводой на вся́ ви́димая и неви́димая враги́ на́ша: неве́рных к правове́рию обрати́, ве́рных же на пу́ть покая́ния и спасе́ния наста́ви.
Помози́, Госпоже́ Влады́чице, воздви́гнути хра́м и оби́тель ди́вному и сла́вному, достопоклоняемому А́нгелы и челове́ки, и́мене Твоему́, в че́сть и па́мять чудотво́рнаго о́браза Твоего́ Ки́ево-Бра́тскаго.
Да и в хра́ме се́м и оби́тели се́й, па́че же в душа́х и сердца́х на́ших, просла́вим Тя́, Хода́таицу и Моли́твенницу за ро́д на́ш, и Тобо́ю сла́ву возсле́м Отцу́, и Сы́ну, и Свято́му Ду́ху, ны́не, и при́сно, и во ве́ки веко́в. Ами́нь.

https://azbyka.ru/days/ikona-kievo-bratskaja

[Блаженная Таи́сия Египетская]

Блаженная Таи́сия Египетская

День памяти - 23 мая

Житие

Святая Таисия жила в Египте в V веке. Оставшись сиротой после смерти богатых родителей, она сначала вела благочестивую жизнь, посвящая себя благотворительности и помощи больным. Нередко в ее доме останавливались иноки, приходившие из пустыни в город для продажи своих корзин. Таисия пользовалась всеобщей любовью и уважением.

После нескольких лет усердной благотворительной деятельности имение Таисии истощилось, и она стала нуждаться. Тогда она познакомилась с некоторыми неблагонамеренными людьми и подпала под дурное влияние. Ее жизнь становилась все более и более беспорядочной.

Иноки пустынного скита, посещавшие раньше Таисию, узнав о такой перемене, произошедшей с нею, опечалились. Призвав своего авву, Иоанна Колова, они сказали ему: «Мы слышали о сестре Таисии, что она разорилась. Когда она была состоятельной, она оказывала нам свою любовь. И мы ныне должны показать нашу любовь и помочь ей. Потрудись посетить ее».

Авва Иоанн пришел к Таисии, сел возле нее, взглянув ей пристально в глаза, приклонил потом голову и начал горько плакать. Таисия смутилась и спросила старца: «Авва, что ты плачешь?» Он ответил: «Вижу, что сатана играет на лице твоем, и как мне не плакать? Чем не понравился тебе Иисус, что ты обратилась на противные Ему дела?» Она, услышав это, затрепетала и воскликнула: «Отец! Есть ли для меня покаяние?» Он ответил: «Есть!» – «Тогда веди меня куда знаешь», – сказала она ему и, встав, вся в слезах пошла вслед за ним.

Авва Иоанн удивился только, что перед уходом Таисия не распорядилась, что делать с ее имуществом и вещами, и даже ни с кем не попрощалась. Когда они достигли пустыни, уже смеркалось. Авва Иоанн сделал для Таисии возглавие из песка и в некотором расстоянии такое же другое для себя. Оградив ее возглавие крестным знамением, сказал: «Здесь усни», – а сам, исполнив свои молитвы, тоже прилег.

Утром старец начал будить Таисию, но тут он обнаружил, что она уже мертва. Старец сильно опечалился, думая, что душа Таисии погибла, так как она не успела покаяться, причаститься и стать инокиней. Тогда услышал голос: «Один час ее покаяния принят более долговременного покаяния других, не оказывающих при покаянии такого самоотвержения». Так Господь открыл авве Иоанну, что Он простил Таисию за искренность и решительность ее раскаяния.

https://azbyka.ru/days/sv-taisija-egipetskaja

[Акафист святому апостолу Симону Зилоту, Кананиту]

Акафист святому апостолу Симону Зилоту, Кананиту

Кондак 1

Избранный апостоле Христов и благовестниче, мрежею проповеди твоея уловивый во спасение многия души человеческия и ко Христу приведый идолослужением помраченныя люди, Симоне блаженне, в песнех восхваляем тя с любовию и молим ти ся прилежно: яко имеяй дерзновение ко Господу, молися Ему выну за ны грешныя и молитвами твоими от всяких нас бед свобождай, да зовем ти:

Радуйся, Симоне, апостоле Христов и молитвенниче о душах наших.

Икос 1

Ангелов Творец и Владыка, Христос Бог, спасти хотя падшее человечество, в плоть нашу облечеся и с человеки поживе, в Кану же Галилейскую на брак в дом твой прииде, Симоне прехвальне, вкупе с Пречистою Своею Материю, Девою Богородицею, Еяже умолением Матерним начаток чудес Своих в доме твоем яви, воду в вино на браце твоем чудесно претворив и сим показав Божества Своего силу. Темже тебе, сице облагодатствованному посещением и благоволением Богочеловека, яко Боговидцу и ученику Его избранному, со умилением сице вопием:

Радуйся, женише прекрасный, от брака земнаго на брак Агнчий чудесно призванный;

Радуйся, на небеси и на земли прославленный.

Радуйся, воплощшемуся Богу Слову верно послуживый;

Радуйся, в проповедании Евангелия правды ревность велию явивый.

Радуйся, Пресладкаго Господа Иисуса всем сердцем твоим возлюбивый;

Радуйся, обручницу земную оставивый и во след Его потекий.

Радуйся, Симоне, апостоле Христов и молитвенниче о душах наших.

Кондак 2

Видев чудеса Христовы, Симоне преславне, верно последовал еси во плоти явльшемуся Богу, от Негоже возлюблен был еси и к лику избранных дванадесяти апостол Его сопричтен был еси, якоже ревнитель славы Его, наименование новое Зилота, си есть ревнителя, получил еси. Сию ревность о славе Божией испроси и нам, учениче Спасов, да купно с тобою сподобимся пети Христу: Аллилуиа.

Икос 2

Разум небесный тебе свыше дадеся, Симоне богомудре, темже внимая Божественным словесем Христа Бога, слагал еси я в сердце твое, и, яко земля добрая, плод сторичен принесл еси Ему учения Евангельскаго благодать, еюже озарил еси во спасение мира концы и, яко богопроповедник душеспасительный, слышиши от нас песни таковыя:

Радуйся, иго Христово, благое и легкое, на рамо твое восприемый;

Радуйся, примером твоим святым вся ны к последованию Христову привлекаяй.

Радуйся, ревности тезоименитый ревнителю о славе Божией;

Радуйся, теплейший любителю Господа Иисуса.

Радуйся, дивный наставниче к Нему ищущих спасения;

Радуйся, немолчный благовестниче Евангельскаго душеспасительнаго учения.

Радуйся, Симоне, апостоле Христов и молитвенниче о душах наших.

Кондак 3

Сила Божия осени тя, апостоле Христов Симоне, егда во след ходил еси Христа Господа, обходя с Ним Иудею и Галилею, внимая учению Его Божественному и созерцая превелия Его чудеса. Темже и Христос, яко верному Своему последователю и ученику, дарова ти власть и силу недуги исцеляти, болезни врачевати и духи нечистыя прогоняти, да вси славят силу Его, в тебе явленную, и поют Ему хвалебную песнь: Аллилуиа.

Икос 3

Имел еси едино попечение, Симоне всеблаженне, еже верно служити и благоугождати Христу Богу, во плоти явльшуся на спасение человеческое, Егоже спутник и самовидец сподобился еси быти и от уст Его Божественных почерпнул еси превелию учения небеснаго благодать, о нейже дивящеся, сице тебе глаголем:

Радуйся, всерадостный нам проповедниче Евангелия правды;

Радуйся, деннице, возвестившая нам солнце невечернее.

Радуйся, самовидче и слуго воплощеннаго Бога;

Радуйся, странствия Владычня и безсмертныя Его трапезы сопричастниче.

Радуйся, избранный и верный Христов учениче;

Радуйся, друже Его присный, до конца дружество твое к Нему сохранивый.

Радуйся, Симоне, апостоле Христов и молитвенниче о душах наших.

Кондак 4

Буря ярости иудейския пригвозди ко Кресту Христа Бога, волею пострадати за вся люди изволившего, но не поколеба веры и упования твоего, Симоне блаженне, яко Той есть Спаситель мира, древле прореченный пророки во искушение падшаго человечества. Темже, яко Владыце и Богу, верно воспевал еси Ему хвалебную песнь: Аллилуиа.

Икос 4

Слышав Божественный глас Христа жизнодавца, тридневно воскресшаго от мертвых и дверем затворенным вшедшаго ко учеником Своим, и «Мир вам!» рекшаго, Симоне богоносне, зело возрадовался еси и Тому, яко Богу, благоговейно поклонился еси, всем же потом возвещал еси немолчно непреложную истину Его воскресения. О сем и мы хвалебно тебе зовем:

Радуйся, мир Христов достойно приемый в непорочный сосуд души твоея;

Радуйся, миром тем мира концы умиротворивый благодатно.

Радуйся, древния вражды идолослужительныя потребителю;

Радуйся, истины воскресения Христова очевидный и громогласный свидетелю.

Радуйся, дверем затворенным дивно прошедшаго Христа созерцателю;

Радуйся, пребожественнаго и радостотворнаго гласа Его слышателю.

Радуйся, Симоне, апостоле Христов и молитвенниче о душах наших.

Кондак 5

Боготечное на небо вознесение Христово видев и Духа Святаго, от Него ниспосланнаго во огненных языцех, сопричастник быв, Симоне прехвальне, духоносец божественный соделался еси и, облеченный силою свыше, потекл еси на проповедь Евангельскую во Иудею, Сирию, Египет, Мавританию, Испанию, Британию, Персиду, Иверию и Армению, возвещая людем, во мраце неверия бывшим, свет Христа Бога спасительный и веру в Него правую и всех приводя звати Ему: Аллилуиа.

Икос 5

Видевши тя, апостоле Христов, Пречистая Богородица, от дальных стран на облаце приспевшаго ко пречестному Ея успению, возрадовася радостию святою и сподоби тя Своея беседы и благословения предсмертнаго; ты же о коликия радости исполнился еси, созерцая Сына Ея и Бога, со святыми Ангелы к Ней пришедшаго и святую душу Ея в руце Свои приемшаго. Сию радость твою и мы, благоговейно воспоминающе, от любве усердныя возглашаем ти сия всерадостныя глаголы:

Радуйся, небошественный учениче Спасов, на погребение Матере Господни на облаце чудесно принесенный;

Радуйся, Христа, в руце Свои душу Матере Своея приемшаго, созерцавый.

Радуйся, погребению Пречистыя Богоматере достойно послуживый;

Радуйся, вознесенную с телом горе Богородицу уразумевый.

Радуйся, погребальныя пелены и праздный гроб Ея в Гефсимании видевый;

Радуйся, в видении светозарнем со святыми Ангелы пришедшую Владычицу мира зрети сподобивыйся.

Радуйся, Симоне, апостоле Христов и молитвенниче о душах наших.

Кондак 6

Проповедник богоглаголивый явился еси, апостоле Христов Симоне, в странах диких и людем зверонравным возвещал еси Евангелие Христово, кротостию и незлобием твоим препобеждая тех лютость и из волков дивиих претворяя их в агнцы Христовы, иже и научишася тобою пети Триединому Богу ангельскую песнь: Аллилуиа.

Икос 6

Возсиял еси, учениче Спасов, яко светильник лучезарный, в странах неверных и, яко боготечное светило, обтекл еси восток и запад, возвещая людем спасительную веру во Христа Иисуса, Иже внушает нам благохвалити тя, богопроповедника божественного, похвалами сими:

Радуйся, от востока востекий и запад просветивый светом Христовым;

Радуйся, Африку и Испанию огласивый учением Евангельским.

Радуйся, бритян суровость укротивый кротостию Иисусовою;

Радуйся, Армению и Иверию приведый к познанию Сына Божия.

Радуйся, персов и мидов убедивый веровати во Христа Бога;

Радуйся, неутомимо трудивыйся во благовестии Христове.

Радуйся, Симоне, апостоле Христов и молитвенниче о душах наших.

Кондак 7

Хотение усердное имел еси, апостоле Христов, еже мученически пострадати за имя Христово и кровию твоею запечатлети божественную истину проповеди твоея Евангельския, еже Господь устрояя, приведе тя во Иверии от неверных Лазов на кресте распяту быти и мученически скончатися. Таковую страдальческую Христоподобную кончину твою воспоминающе, почитаем болезни и труды твоя и поем Богу: Аллилуиа.

Икос 7

Новаго Ноя, начальника ковчега душеспасительнаго веры Христовы во Иверии, познаем тя быти, Симоне Богоглаголиве, и яко основателя и краеугольнаго камня церкве Иверския тя почитаем, место же погребения твоего с любовию чтим, яко освященное кровию твоею и мощей твоих почиванием, от негоже дары целебныя источаеши верным и привлекаеши звати тебе:

Радуйся, Иверии хранителю неотступный;

Радуйся, Пицунды покровителю, Богом данный.

Радуйся, храм твой в пустыни чудесно сохранивый от конечнаго разрушения;

Радуйся, гроб твой честный нам даровавый во утешение.

Радуйся, место подвигов твоих и страданий обновивый обителию иноческою во имя твое;

Радуйся, от святаго Афона подвижники поста и молитвы в ню преселивый предивно.

Радуйся, Симоне, апостоле Христов и молитвенниче о душах наших.

Кондак 8

Странствие земное совершив, апостоле Спасов, преселился еси от земли к обителем небесным, на земли же чудес лучами сияеши и просвещавши души верных, иже по Бозе молитвенно к тебе прибегают и почитают святую твою память, юже и мы благоговейно чтуще, поем прославльшему тя Богу песнь: Аллилуиа.

Икос 8

Вся церковь Иверская почитает тя, апостоле Симоне, яко основателя своего и покровителя, наздавшаго ю на основании незыблемом веры Христовы и оросившаго ю к плодоносию духовному честною твоею кровию, от неяже дивно прозябоша в ней сонмы святых, торжествующих ныне вкупе с тобою на небе. Темже и мы на земли блажим твоя подвиги и сице тебе зовем:

Радуйся, благий и милостивый утешителю скорбящих;

Радуйся, скоропредстательный помощниче бедствующих.

Радуйся, велие дерзновение стяжавый ко Христу Богу, яко друг Его искренний;

Радуйся, приемый от Него власть на духи нечистыя.

Радуйся, обители твоея святыя славо и похвало;

Радуйся, подвизающимся в ней ходатаю вечнаго спасения.

Радуйся, Симоне, апостоле Христов и молитвенниче о душах наших.

Кондак 9

Всему миру судити имаши, апостоле Спасов, седяй на престоле высоце и превознесенне, егда Христос Господь со славою приидет сотворити суд Свой праведный; тогда, свято, умоли Его благость помиловати нас и не осудити в погибель вечную, но сподобити со святыми пети Ему: Аллилуиа.

Икос 9

Витийство человеческое не довлеет к достойному прославлению твоих подвигов и чудес, Симоне прехвальне, обаче приими, учениче Спасов, благоутробно и милостиво сия малыя наша и нехитростныя песни, в похвалу тебе приносимыя с верою и любовию, и услыши вопиющих ти сице:

Радуйся, от востока и до запада хвалимый и славимый;

Радуйся, Иверскую страну кончиною твоею освятивый.

Радуйся, яко лозу благоплодную, в ней Нину равноапостольную духовно возрастивый;

Радуйся, сонмы святых от недр ея Христу плодопринесый.

Радуйся, горы и удолия ея подвижниками благочестия прославивый;

Радуйся, яко отец со чады, со святыми Иверскими в обителех райских торжествуяй.

Радуйся, Симоне, апостоле Христов и молитвенниче о душах наших.

Кондак 10

Спасения залог, святую православную веру, унаследовахом от тебе, апостоле Христов Симоне. Темже молим тя: от всяких ересей и расколов соблюди нас, чад твоих, молитвенным предстательством твоим к Богу и помози нам в православии непоколебимом пребыти до конца дней наших и верно пети Богу: Аллилуиа.

Икос 10

Царя Небеснаго Христа избранный учениче, Симоне блаженне, помолися Ему за ны грешныя, да ревность твоя боголюбезная о хранении закона Его даруется и нам недостойным, во еже быти нам готовыми на подвиги доброделания христианского и на исповедание православныя нашея веры не словесы токмо, но и делы, и явитися чадами твоими не по имени токмо, но самою истиною. О сем тя молим и зовем:

Радуйся, звездо пресветлая, всех путеводящая к солнцу правды Христову;

Радуйся, свеще неугасимая, в молитвах присногорящая у Престола Господа славы.

Радуйся, столпе непоколебимый святыя Христовы Церкве;

Радуйся, фиале златый, изливаяй струи нам целебныя.

Радуйся, приемый от Христа власть вязати и решити;

Радуйся, получивый от Него благодатныя дары Духа Святаго.

Радуйся, Симоне, апостоле Христов и молитвенниче о душах наших.

Кондак 11

Пение Пресвятей Троице горе приносиши со всеми святыми, Симоне прехвальне, и от небесных высот отечески приникаеши на место подвигов и страданий твоих на земли, молитвами твоими помогая всем, верно чтущим святую память твою и поющим о тебе песнь Богу: Аллилуиа.

Икос 11

Светоподательный светильниче Трисолнечнаго Света являешися верным, апостоле Христов Симоне, и всех нас невидимо озаряеши на пути доброделания христианскаго, да не падем в сеть врага, диавола, но невредимы пребудем от всех его ловлений лукавых и тако неосужденно возможем вопити тебе:

Радуйся, пастырю добрый словеснаго стада Христова;

Радуйся, не попускаяй волку душегубительному расхитити духовную паству твою.

Радуйся, мрежею проповеди твоея мира концы уловивый во спасение;

Радуйся, и ныне способствуяй нашему спасению молитвами твоими.

Радуйся, архитектоне премудрый Церкве Христовы;

Радуйся, каменю краеугольный ея основания.

Радуйся, Симоне, апостоле Христов и молитвенниче о душах наших.

Кондак 12

Благодать и милость испроси нам у Господа, Симоне богоносне, апостоле Спасов, яко стяжавый велие к Нему дерзновение, наипаче проси нам у Него покаяния во гресех и исправления жития нашего, да будет оно преисполнено добродетелей христианских, во еже возмощи нам еще на земли достойно пети Создателю нашему небесную песнь: Аллилуиа.

Икос 12

Поюще болезни и труды твоя, апостоле Спасов, имиже трудился еси во благовестии Христовом, почитаем святую и приснославную память твою, яже облагоухает нас духовно и услаждает души наша: миро бо воистину явишася пред Богом поты твоя и капли крове страдальческия, за Христа излиянныя тобою, святый наш предстателю. Темже и зовем тебе:

Радуйся, Пресвятыя Живоначальныя Троицы верный проповедниче;

Радуйся, ангельских ликов достойный собеседниче.

Радуйся, апостолов красото и основание;

Радуйся, человеческаго рода возвышение.

Радуйся, врачу безмездный недугов душевных и телесных;

Радуйся, по Бозе и Пресвятей Богородице непостыдное наше упование.

Радуйся, Симоне, апостоле Христов и молитвенниче о душах наших.

Кондак 13

О святый, славный и всехвальный апостоле Христов Симоне, ревнителю закона Божия и многомощный наш предстателю! Приими малое сие молебное пение, в похвалу тебе приносимое, и умоли Спаса Христа избавити нас муки вечныя и сподобити радости святых, да с ними поем Ему во веки: Аллилуиа.

[Се́й конда́к глаго́лется три́жды.]
[Далее повторяем 1‑е икос и кондак:]

Икос 1

Ангелов Творец и Владыка, Христос Бог, спасти хотя падшее человечество, в плоть нашу облечеся и с человеки поживе, в Кану же Галилейскую на брак в дом твой прииде, Симоне прехвальне, вкупе с Пречистою Своею Материю, Девою Богородицею, Еяже умолением Матерним начаток чудес Своих в доме твоем яви, воду в вино на браце твоем чудесно претворив и сим показав Божества Своего силу. Темже тебе, сице облагодатствованному посещением и благоволением Богочеловека, яко Боговидцу и ученику Его избранному, со умилением сице вопием:

Радуйся, женише прекрасный, от брака земнаго на брак Агнчий чудесно призванный;

Радуйся, на небеси и на земли прославленный.

Радуйся, воплощшемуся Богу Слову верно послуживый;

Радуйся, в проповедании Евангелия правды ревность велию явивый.

Радуйся, Пресладкаго Господа Иисуса всем сердцем твоим возлюбивый;

Радуйся, обручницу земную оставивый и во след Его потекий.

Радуйся, Симоне, апостоле Христов и молитвенниче о душах наших.

Кондак 1

Избранный апостоле Христов и благовестниче, мрежею проповеди твоея уловивый во спасение многия души человеческия и ко Христу приведый идолослужением помраченныя люди, Симоне блаженне, в песнех восхваляем тя с любовию и молим ти ся прилежно: яко имеяй дерзновение ко Господу, молися Ему выну за ны грешныя и молитвами твоими от всяких нас бед свобождай, да зовем ти:

Радуйся, Симоне, апостоле Христов и молитвенниче о душах наших.

Молитва святому славному и всехвальному апостолу Христову Симону Зилоту, иже и Кананит именуется

Святый славный и всехвальный апостоле Христов Симоне, сподобивыйся прияти в дом твой в Кане Галилейстей Господа нашего Иисуса Христа и Его Пречистую Матерь, Владычицу нашу Богородицу, и очевидцем быти преславнаго чудесе Христова, на браце твоем явленнаго, претворения воды в вино! Молим тя с верою и любовию: умоли Христа Господа претворити души наша из грехолюбивых в боголюбивыя; сохрани и соблюди нас молитвами твоими от искушений диавольских и падений греховных, и испроси нам свыше помощь во время уныния и беспомощия нашего; да не преткнемся о камень соблазна, но неуклонно шествуем спасительным путем заповедей Христовых, дондеже достигнем оных блаженных обителей райских, идеже ты ныне водворяешися и веселишися. Ей, апостоле Спасов! Не посрами нас, крепце на тя уповающих, но буди нам помощник и покровитель во всем житии нашем и помози нам благочестно и богоугодно житие сие временное скончати, благую и мирную христианскую кончину получити и добраго ответа сподобитися на Страшнем Суде Христове; да избежавше мытарств воздушных и власти лютаго миродержца, унаследуем Царство Небесное и прославим великолепное имя Отца и Сына и Святаго Духа, во веки веков. Аминь.

https://azbyka.ru/molitvoslov/akafist-svjatomu-apostolu-simonu-zilotu-kananitu.html

[Апостол Си́мон Зилот, Кананит]

Апостол Си́мон Зилот, Кананит

Дни памяти:

13 июля - Собор славных и всехвальных 12-ти апостолов
23 мая

Житие
Святой апостол Симон Зилот упомянут в списках 12-ти апостолов в Евангелии по Матфею, Марку, Луке, а также в Деяниях Апостолов (Мф.10:4; Мк.3:18; Лк.6:15; Деян.1:13), однако известно о нем немного.

Происходил Симон из Каны Галилейской. В Священном Писании он называется Кананитом и Зилотом, чтобы отличить его от Симона Петра. Прозвище Зилот (греч. ζηλωτής) в переводе с греческого обозначает «ревнитель», то есть благочестивый человек, ревностно следующий иудейскому закону. Иногда прозвище Зилот нередко истолковывается в смысле приверженности партии зилотов (зелотов) – активных борцов против римского владычества. Другое его прозвище, Кананит (арам. Qan'ana), по одной версии, указывает на его происхождение, как уроженца города Кана; по другой версии, это имя объясняется исходя из перевода с арамейского: «ревнитель».

Предание иногда отождествляло его с Симеоном, апостолом из числа 70, «братом Господним» (сыном от первого брака Иосифа), который стал вторым епископом Иерусалима после казни Иакова Праведного.

Первое чудо, которое сотворил Спаситель – претворение воды в вино – произошло в доме Симона (Ин.2:1-11). Во время пира для гостей недостало вина. Тогда Господь по предстательству Пресвятой Богоматери претворил воду в вино. Пораженный чудом, Симон всем сердцем и душой уверовал в Господа Иисуса как обетованного Мессию и, все оставив, последовал за Ним.

В день Пятидесятницы он принял вместе с другими апостолами дар Святого Духа. Святой апостол Симон проповедовал учение Христово в Иудее, Египте, Ливии, Киринее и Британии. Согласно преданию, святой апостол Симон принял мученическую кончину на Черноморском побережье Кавказа, предположительно, в Абхазии, во второй половине I века. По другой версии, он был убит в Персии. Считается, что Симон был усечен мечем или заживо распилен пилой. Также существует предание, что он был распят на кресте.

Погребен Симон Зилот в городе Никопсии, местоположение которого тоже вызывает споры. Согласно некоторым мнениям, этот город – нынешний Новый Афон в Абхазии; согласно другим, он находился на месте нынешнего поселка Новомихайловского в Краснодарском крае. Впоследствии, в XIX веке, на предполагаемом месте подвигов апостола, близ Апсарской горы, был сооружен Новоафонский монастырь Симона Кананита. В настоящее время мощи апостола находятся под спудом Симоно-Кананитского храма в Новом Афоне, часть мощей находится в Германии (в базилике апостола Андрея Первозванного в Кельне) и Ватикане (в соборе Святого Петра).

Святой апостол Симон Зилот считается покровителем супругов-христиан, так как во время совершения Таинства Венчания читается отрывок о браке в Кане Галилейской.

Тропарь апостолу Симону Зилоту, глас 3

Апо́столе святы́й Си́моне,/ моли́ ми́лостиваго Бо́га,/ да прегреше́ний оставле́ние// пода́ст душа́м на́шим.

Кондак апостолу Симону Зилоту, глас 2

Изве́стно прему́дрости уче́ния в душа́х благоче́ствующих поло́жшаго/ во хвале́нии ублажи́м, я́ко Богоглаго́ливаго вси Си́мона:/ престо́лу бо сла́вы ны́не предстои́т и со Безпло́тными весели́тся,// моля́ся непреста́нно о всех нас.

Молитва апостолу Симону Зилоту

Святы́й сла́вный и всехва́льный апо́столе Христо́в Си́моне, сподо́бивыйся прия́ти в дом твой в Ка́не Галиле́йстей Го́спода на́шего Иису́са Христа́ и Его́ Пречи́стую Ма́терь, Влады́чицу на́шу Богоро́дицу, и очеви́дцем бы́ти пресла́внаго чудесе́ Христо́ва, на бра́це твое́м явле́ннаго, претворе́ния воды́ в вино́! Мо́лим тя с ве́рою и любо́вию: умоли́ Христа́ Го́спода претвори́ти ду́ши на́ша из грехолюби́вых в боголюби́выя; сохрани́ и соблюди́ нас моли́твами твои́ми от искуше́ний диа́вольских и паде́ний грехо́вных, и испроси́ нам свы́ше по́мощь во вре́мя уны́ния и беспомо́щия на́шего; да не преткне́мся о ка́мень собла́зна, но неукло́нно ше́ствуем спаси́тельным путе́м за́поведей Христо́вых, до́ндеже дости́гнем о́ных блаже́нных оби́телей ра́йских, иде́же ты ны́не водворя́ешися и весели́шися. Ей, апо́столе Спа́сов! Не посрами́ нас, кре́пце на тя упова́ющих, но бу́ди нам помо́щник и покрови́тель во всем житии́ на́шем и помози́ нам благоче́стно и богоуго́дно житие́ сие́ вре́менное сконча́ти, благу́ю и ми́рную христиа́нскую кончи́ну получи́ти и до́браго отве́та сподо́битися на Стра́шнем Суде́ Христо́ве; да избежа́вше мыта́рств возду́шных и вла́сти лю́таго мироде́ржца, унасле́дуем Ца́рство Небе́сное и просла́вим великоле́пое и́мя Отца́ и Сы́на и Свята́го Ду́ха, во ве́ки веко́в. Ами́нь.

https://azbyka.ru/days/sv-simon-zilot

[МИХАИЛ ТЮРЕНКОВ]

МИХАИЛ ТЮРЕНКОВ

"Небесный заступник Абхазии". Апостол Симон Зилот (Кананит). Православный календарь на 23 мая


_{ФОТО: WWW.PRAVOSLAVIE.RU}

23 мая в 2024 году приходится на четверг 3-й седмицы по Пасхе (третьей недели после Светлого Христова Воскресения). Согласно церковному уставу, сегодняшний день не является постным. Православные христиане сегодня совершают память ряда известных по именам христианских святых и празднование в честь одной святыни.

Апостол Симон Зилот (Кананит). Один из первых учеников Христа и вместе с тем – Его старший брат "по плоти" (святой Симон был сыном праведного старца Иосифа Обручника, который, как известно, был родственником Богородицы и её названным мужем). Именно в доме апостола Симона Господь во время брачного пира совершил первое чудо Своего земного служения – превратил воду в вино. После этого святой Симон последовал за Христом. Вот что известно о дальнейших подвигах этого великого святого:

Апостол Симон получил наименование "Зилота", то есть ревнителя. В день Пятидесятницы он принял вместе с другими Апостолами дар Святого Духа. Святой апостол Симон проповедовал учение Христово в Иудее, Египте, Ливии, Киринее и Британии. Мученическую кончину он принял на территории современной Абхазии, был распят на кресте. Погребён в городе Никопсии около нынешнего Сухума. Впоследствии (в XIX столетии) на месте подвигов святого Апостола, близ Иверской горы, был сооружён Новоафонский монастырь Симона Кананита. Доныне сохранилась пещера, в которой подвизался святой Апостол.

Мученики Алфий, Филадельф, Киприан, Онисим, Еразм и 14 других, с ними пострадавших. Раннехристианские мученики, пострадавшие за верность Христу и Его Церкви в середине III века в последний год антихристианских гонений императора-язычника Декия, царствовавшего в Римской империи в 249-251 годах от Рождества Христова.

Мученик Исихий Антиохийский. Святой страдалец, принявший мученический венец во время гонений императора-язычника Максимиана Галерия в начале IV столетия.

Преподобная Исидора, Христа ради юродивая. Египетская святая IV века, взявшая на себя тяжелейший подвиг мнимого безумия – юродства ради Христа. Блаженная мать Исидора жила в монастыре и немало страдала от сестёр обители, со смирением сносила любые унижения и всегда брала на себя самую грязную и тяжёлую работу. В дальнейшем чудесным образом сестрам-монахиням открылись истинные дары матери Исидоры. Вот как это описывает её Житие:

Однажды монах-пустынник, преподобный Питирим, имел видение. Ему явился Ангел Божий и сказал: "Иди в Тавенский монастырь. Там увидишь сестру, носящую на голове тряпку. Она служит всем с любовью и переносит безропотно от них презрение. Сердце же её и мысли всегда пребывают с Богом". Старец отправился в Тавенский монастырь, но среди собравшихся сестёр не нашёл указанной в видении. Тогда привели к нему Исидору, почитаемую за бесноватую. Исидора упала к ногам старца, прося его благословения. Но преподобный Питирим сам поклонился ей до земли и сказал: "Сперва ты благослови меня, честная мать! На удивлённые вопросы сестёр старец отвечал: "Исидора выше всех нас перед Богом!" Тогда сестры стали каяться и просить у неё прощения.


_{ПРЕПОДОБНАЯ ИСИДОРА, ХРИСТА РАДИ ЮРОДИВАЯ. ФОТО: PRAVOSLAVIE.RU}

Святитель Симон, епископ Владимирский и Суздальский. Первый архипастырь Владимиро-Суздальской земли, постриженик Киево-Печерской Лавры, ставший епископом в 1214 году от Рождества Христова. Сделав очень многое для укрепления Православия в этих землях, святитель Симон в 1226 году принял постриг в великую схиму и вскоре скончался, после чего, по завещанию, был погребён в лаврских стенах.

Блаженный Симон Юрьевецкий. Русский святой XVI столетия, уроженец Костромской земли, принявший на себя образ мнимого безумия, за что подвергался насмешкам и даже побоям. И вместе с тем – творил великие чудеса: изгонял бесов и исцелял. Святой Симон отошёл ко Господу в 1584 году от Рождества Христова.

Киево-Братская икона Божией Матери. Этот чудотворный образ был явлен в 1654 году от Рождества Христова под Киевом в Борисоглебской церкви Вышгорода, в те времена, когда православное Московское государство вело борьбу с католической Речью Посполитой за единство Русских земель. В 1662 году Борисоглебская церковь была разорена крымскими татарами, вошедшими в союз с Речью Посполитой, но чудотворную икону по воде отправили в Киев, и она чудесным образом была спасена и доставлена в киевский Братский монастырь. К сожалению, до наших дней этот образ Пресвятой Богородицы не сохранился, однако существует несколько его почитаемых списков.


_{КИЕВО-БРАТСКАЯ ИКОНА БОЖИЕЙ МАТЕРИ. ФОТО: PRAVOSLAVIE.RU}

https://tsargrad.tv/articles/nebesnyj-zastupnik-abhazii-apostol-simon-zilot-kananit-pravoslavnyj-kalendar-na-23-maja_1003218

[Церковный календарь: 23 мая (10 мая по старому стилю)]

Церковный календарь: 23 мая (10 мая по старому стилю)


<sub>Апостол Си́мон Зилот, Кананит


Икона Богородицы Киево-Братская


Святитель Си́мон Печерский, епископ Владимирский, Суздальский


Блаженный Си́мон Юрьеве́цкий, Христа ради юродивый


Преподобная Исидо́ра Тавенская, Христа ради юродивая


Блаженная Таи́сия Египетская</sub>

ЧЕТВЕРГ

Седмица 3-я по Пасхе

Поста нет. Глас 2-й

Апостола Си́мона Зилота (I).

 Святителя Си́мона Печерского, епископа Владимирского и Суздальского (1226);  блаженного Си́мона, Христа ради юродивого, Юрьеве́цкого (1584); мчч. Алфи́я, Филаде́льфа, Киприа́на, Они́сима, пресвитера, Ера́зма и иных (251); мч. Иси́хия Антиохийского (IV); прп. Исидо́ры юродивой, Тавенской (IV); блж. Таи́сии Египетской (V).

Иконы Божией Матери: Киево-Братская (1654).

https://azbyka.ru/days/