Блаженный Василий, Христа ради юродивый, Московский чудотворец

[Александр Васильевич]

Блаженный Василий, Христа ради юродивый, Московский чудотворец

Память 2/15 августа



Василий Блаженный, самый известный из юродивых, которыми изобиловала Русь, родился в 1468 году в селе Елохово, что недалеко от Москвы, в семье благочестивых крестьян Иакова и Анны.

С детства он вел подвижническую жизнь, постоянно молился, и уже тогда в нем стали заметны первые ростки Божественной благодати. Мальчиком он был отдан в учение к сапожнику. Однажды в лавку зашел купец и заказал много новых сапог. Шестнадцатилетний Василий посмеялся над ним. Когда заказчик ушел, хозяин стал допытываться у юноши о причинах его поведения. Василий ответил, что странно заказывать столько сапог, сколько хватило бы на много лет, ведь этот человек на следующий день должен умереть. Его предсказание сбылось. После этого Василий не захотел больше ни оставаться у хозяина, ни возвращаться к родителям и направился в Москву.

Затерявшись в шумной городской толпе, он избрал подвижнический путь притворного безумия, чтобы как можно полнее приобщиться страданиям Господа нашего Иисуса Христа, полностью отказавшись от уважения со стороны людей. Не имея постоянного жилья ни даже пристанища, чтобы преклонить главу, он жил почти нагим на улицах и в общественных местах, ночи проводил в молитве на церковной паперти. Среди толпы он хранил молчание так же строго, как отшельники в пустыне; вынужденный говорить, он притворялся косноязычным. Не имея близких людей, отказавшись от мира и его привязанностей, он проявлял при этом великое сочувствие к несчастным, больным и угнетенным. Он часто посещал в тюрьме узников, посаженных за пьянство, чтобы обратить их к исправлению.

В эпоху, когда в обществе царили страх и угнетение, жизнь святого Василия служила живым укором неправедным боярам и утешением для обездоленных. Почти все его поступки имели пророческий смысл. Например, блаженный много раз бросал камни в углы домов, где жили благочестивые люди, а когда проходил мимо жилищ, хозяева которых коснели в грехах, целовал углы стен. Когда его спрашивали о причинах такого странного поведения, Василий отвечал, что в домах, где царит святость, нет места для бесов, и поэтому, видя их снаружи, он отгонял их камнями. Напротив, целуя углы нечестивых домов, он приветствовал ангелов, которые оставались снаружи, не имея возможности войти внутрь. На рынке он опрокидывал прилавки нечестных торговцев. Однажды, получив от царя деньги, он, вопреки обыкновению, не раздал их нищим, а отдал хорошо одетому купцу, который, потеряв состояние, не осмеливался просить милостыню и умирал от голода.

В 1521 году, когда татарское войско Мехмет Гирея угрожало Москве, святой Василий, проливая обильные слезы, молился за родину перед вратами Успенского собора в Кремле. Внезапно в церкви раздался ужасный шум, вспыхнуло пламя, и голос от Владимирской иконы Божией Матери возвестил, что Она оставляет Москву из-за грехов ее жителей. Святой усилил молитвы – и страшное явление исчезло. Мехмет Гирей, уже предавший огню городские предместья, был отброшен от города подоспевшим войском и бежал за пределы Руси.

Царь Иван IV Грозный любил блаженного Василия и относился к нему с большим почтением, так же как и святой митрополит Макарий. Однажды святой, приглашенный во дворец на царский пир, трижды вылил вино за окно. Когда царь с раздражением спросил его, что он делает, тот ответил, что гасит пожар в Новгороде. Немного погодя гонцы принесли известие о большом пожаре, действительно случившемся в Новгороде. Пожар, однако, не разгорелся, потому что некий человек странного вида ходил нагим по улицам и кропил горящие дома. Увидев Василия, гонцы узнали в нем человека Божия, погасившего пламя.

В другой раз, в 1547 году, святой стал горько плакать перед храмом Воздвиженского монастыря, в том месте, где спустя некоторое время начался большой пожар, опустошивший Москву. Вскоре после этого бедствия, когда царь присутствовал на Божественной литургии, блаженный, стоя в углу, внимательно смотрел на него. После литургии он сказал царю: «Ты был не в храме, а в другом месте». Царь стал протестовать, но Василий повторил: «Ты говоришь неправду. Я видел, как в мыслях ты ходил на Воробьевы горы, чтобы построить там себе новый дворец». С того момента царь стал опасаться святого и еще больше уважать. Но это уважение не мешало ему проявлять жестокость, ставшую притчей во языцех.

Святой Василий явился также людям на корабле, терпящем бедствие, и спас их от гибели. Он совершил еще множество чудес за 62 года своего подвига юродства.

В 88 лет святой заболел. Узнав об этом, царь вместе с семьей сразу же поспешил к нему, чтобы испросить его молитв. На смертном одре Василий изрек пророчества о будущем царства, затем его лицо осветилось, потому что он увидел сонм ангелов, явившихся принять его душу. Придя в восхищение, он почил в радости 2 августа 1557 года.

Весь город тогда наполнился благоуханием, и множество людей собрались на его похороны. Царь с сыновьями несли его на своих плечах до церкви, где их ждал митрополит с епископами. На могиле блаженного, которая стала источником исцелений для верных не только из Москвы, но и из других краев, построили храм в честь Покрова Божией Матери, в память взятия Казани. Позднее храм получил в народе прозвание собора Василия Блаженного.

Чудеса, связанные со святым, не прекращались. И в 1588 году, при митрополите святом Иове, Василий Блаженный был канонизирован. В этот день 120 больных получили исцеление у мощей святого.

Василий Блаженный почитается как покровитель Москвы.


Из книги «Синаксарь: Жития святых Православной Церкви», вышедшей в издательстве Сретенского монастыря.

Составитель — иеромонах Макарий Симонопетрский,
адаптированный русский перевод — издательство Сретенского монастыря

http://www.pravoslavie.ru/put/55466.htm

[Александр Васильевич]

Блаженный Василий, Московский чудотворец

Этого святого, чей храм украшает столичную Красную площадь, знают все. Величественный Собор Покрова Пресвятой Богородицы, что на Рву, почти половину тысячелетия является главным символом Третьего Рима – Москвы.

В XVI веке от Рождества Христова только пристроенная к собору нижняя церковь была посвящена Василию Блаженному. Но поистине всенародная любовь к этому святому привела к тому, что очень скоро весь собор стали именовать Храмом Василия Блаженного. Демонстрируя, насколько дороги и почитаемы в русском народе Христа ради юродивые. Святые, которых в любой другой христианской традиции намного меньше, чем в русской. Как говорится в строках Жития Василия Блаженного:

"В палящий зной и лютый мороз ходил святой Василий нагой и босой по улицам столицы, обличая неправды. Сподобился Блаженный и дара предвидения, предсказал великий пожар Москвы, молитвой угасил пожар в Новгороде".

Василий Блаженный не боялся обличать ни торговцев за испорченный товар, лотки с которым святой опрокидывал, ни сильных мира сего. Более того, сам царь Иоанн Васильевич, по свидетельствам современников, особо чтил и даже боялся святого. А когда незадолго до своей кончины 88-летний Василий Блаженный тяжело заболел, молодой государь посещал его вместе с царицей.

К моменту кончины святого Василия, произошедшей около 1552-1557 годов от Рождества Христова, почитание этого блаженного старца было настолько широко, что его гроб несли сам царь с боярами, а погребение совершал святитель Макарий Московский. Не прошло и нескольких десятилетий, как Василий Блаженный был соборно прославлен в лике святых. И сегодня его глубоко почитают не только в России, но и далеко за ее пределами.

https://tsargrad.tv/saint/blazhennyj-vasilij-moskovskij-chudotvorec_80076

[Александр Васильевич]

Блаженный Васи́лий Московский, Христа ради юродивый

Дни памяти:

15 августа

1 сентября (переходящая) - Собор Московских святых

ЖИТИЕ БЛАЖЕННОГО ВАСИЛИЯ, МОСКОВСКОГО ЧУДОТВОРЦА

Святой блаженный Василий, Московский чудотворец, родился в декабре 1468 года на паперти подмосковного Елоховского храма в честь Владимирской иконы Пресвятой Богородицы. Родители его были из простых и отдали сына в учение сапожному ремеслу. Во время учения блаженного его мастеру пришлось быть свидетелем одного удивительного случая, когда он понял, что ученик его – необыкновенный человек. Один купец привез на баржах в Москву хлеб и зашел в мастерскую заказать сапоги, прося сделать их такими, чтобы не сносил их за год. Блаженный Василий прослезился: "Сошьем тебе такие, что и не износишь их". На недоуменный вопрос мастера ученик объяснил, что заказчик не обует сапоги, вскоре умрет. Через несколько дней пророчество сбылось.

В 16 лет святой пришел в Москву и начал тернистый подвиг юродства. В палящий летний зной и трескучий лютый мороз ходил он нагой и босой по улицам Москвы. Странны были его поступки: то опрокинет лоток с калачами, то прольет кувшин с квасом. Рассерженные торговцы били блаженного, но он с радостью принимал побои и благодарил за них Бога. А потом обнаруживалось, что калачи были плохо испечены, квас приготовлен негодным. Почитание блаженного Василия быстро росло: в нем признали юродивого, человека Божия, обличителя неправды.

Один купец задумал построить на Покровке в Москве каменную церковь, но трижды своды ее обрушивались. Купец обратился за советом к блаженному, а он направил его в Киев: "Найди там убогого Иоанна, он даст тебе совет, как достроить церковь". Приехав в Киев, купец разыскал Иоанна, который сидел в бедной хате и качал пустую люльку. "Кого ты качаешь?" – спросил купец. "Родимую матушку, плачу неоплатный долг за рождение и воспитание". Тогда только вспомнил купец свою мать, которую выгнал из дома, и ему стало ясно, почему он никак не может достроить церковь. Вернувшись в Москву, он возвратил мать домой, испросил у нее прощение и достроил церковь.

Проповедуя милосердие, блаженный помогал прежде всего тем, кто стыдился просить милостыню, а между тем нуждался в помощи более других. Был случай, что он отдал богатые царские подарки купцу-иностранцу, который остался безо всего и, хотя три дня уже ничего не ел, не мог обратиться за помощью, так как носил хорошую одежду.

Сурово осуждал блаженный тех, кто подавал милостыню с корыстными целями, не из сострадания к бедности и несчастью, а надеясь легким путем привлечь благословение Божие на свои дела. Однажды блаженный увидел беса, который принял облик нищего. Он сидел у Пречистенских ворот и всем, кто подавал милостыню, оказывал немедленную помощь в делах. Блаженный разгадал лукавую выдумку и прогнал беса. Ради спасения ближних блаженный Василий посещал и корчмы, где старался даже в самых опустившихся людях увидеть зерно добра, подкрепить их лаской, ободрить. Многие замечали, что, когда блаженный проходил мимо дома, в котором безумно веселились и пьянствовали, он со слезами обнимал углы того дома. Юродивого спрашивали, что это значит, и он отвечал: "Ангелы скорбные стоят у дома и сокрушаются о грехах людских, а я со слезами упрашивал их молить Господа об обращении грешников".

Очистив великими подвигами и молитвой свою душу, Блаженный сподобился и дара предвидения будущего. В 1547 году он предсказал великий пожар Москвы; молитвой угасил пожар в Новгороде; однажды упрекнул царя Иоанна Грозного, что он во время богослужения был занят мыслями о постройке дворца на Воробьевых горах.

Скончался блаженный Василий 2 августа 1557 года. Святитель Московский митрополит Макарий с собором духовенства совершил погребение святого. Его тело было погребено у Троицкой церкви, что на рву, где в 1554 году был пристроен Покровский собор в память покорения Казани. Прославлен блаженный Василий Собором 2 августа 1588 года, который возглавил святейший патриарх Иов.

В описании облика святого сохранились характерные подробности: "наг весь, в руке посошок". Почитание блаженного Василия всегда было настолько сильным, что Троицкий храм и пристроенная Покровская церковь и доныне именуются храмом Василия Блаженного.

Вериги святого хранятся в Московской духовной академии.

Тропарь, глас 8

Житие́ твое́, Васи́лие, нело́жное, и чистота́ нескве́рна,/ Христа́ ра́ди те́ло твое́ изнури́л еси́ посто́м и бде́нием,/ и мра́зом и теплото́ю со́лнечною,/ и слото́ю, и дожде́вным о́блаком,/ и просвети́ся лице́ твое́, я́ко со́лнце,/ и ны́не прихо́дят к тебе́ Росси́йстии наро́ди и вси́ лю́дие,/ прославля́юще свято́е твое́ успе́ние./ Тем Христа́ Бо́га моли́,/ да изба́вит ны от ва́рварскаго плене́ния и междоусо́бныя бра́ни,// и мир ми́рови пода́ст, и душа́м на́шим ве́лию ми́лость.

Ин тропарь, глас 1

Плоть удручи́вшу ти злострада́нием,/ ду́шу же просвети́вшу чистото́ю се́рдца,/ обогати́лся еси́ благода́тию Пресвята́го Ду́ха, Васи́лие,/ дарова́ти тре́бующим поле́зная./ Сего́ ра́ди неду́жнии, притека́юще к цельбопода́тельному твоему́ гро́бу, премудроюро́де,/ незави́стно прие́млют боле́зней отложе́ние/ и благода́рственно воспева́ют просла́вльшаго тя,// Еди́наго Человеколю́бца.

Ин тропарь, глас 8

Я́коже бо со́лнце и луна́ нагото́ю свое́ю не срамля́ются,/ та́ко и ты, уго́дниче Христо́в Васи́лие, наг сый, не срамля́шеся,/ восприя́т бо ри́зу Ада́ма первозда́ннаго,/ ю́же он ноша́ше пре́жде в раи́,/ ты же сию́ на земли́ поноси́л еси́;/ и был еси́ до́брый купе́ц:/ ели́ко име́яше, вся оста́ви/ и купи́ мздо́ю терпе́ния своего́ село́,/ на не́мже сокрове́н безце́нный Би́сер, Христо́с./ Сего́ ра́ди яви́ся всем гре́шным о́браз покая́ния/ и всели́ся в ра́йскую широту́,/ и, предстоя́ Христо́ви,/ не забу́ди град, в не́мже обита́, и лю́ди, преблаже́нне,// и моли́ спасти́ ду́ши на́ша.

Кондак, глас 4

Ду́хом Бо́жиим води́м, преблаже́нне Васи́лие,/ отря́сл еси́ мирски́й мяте́ж,/ и жития́ треволне́ния возгнуша́лся еси́,/ и совле́кся одея́ний тле́нных, и обле́кся в ри́зу безстра́стия,/ убежа́л еси́ ловле́ния льсти́ваго мироде́ржца,/ и был еси́ стра́нен во твое́м язы́це,/ и, па́че земна́го бога́тства избра́в бога́тство Небе́сное,/ увя́злся еси́ венце́м терпе́ния./ И ны́не, преблаже́нне Васи́лие, моли́ Христа́ Бо́га/ о творя́щих святу́ю па́мять твою́, да зове́м ти:// ра́дуйся, преблаже́нне Васи́лие.

Ин кондак, глас 4

Яви́л тя есть Госпо́дь ны́нешнему ро́ду/ исцели́теля боле́знем и прогони́теля неду́гом/ любо́вию, Васи́лие, притека́ющим к тебе́// и призыва́ющим ве́рою моли́твы твоя́.

Молитва

О, вели́кий уго́дниче Христо́в, и́стинный дру́же и ве́рный ра́бе Всетворца́ Го́спода Бо́га, преблаже́нне Васи́лие! Услы́ши ны, многогре́шныя, ны́не воспева́ющия к тебе́ и призыва́ющия и́мя твое́ свято́е, поми́луй ны, припа́дающия днесь к пречи́стому о́бразу твоему́, приими́ ма́лое на́ше и недосто́йное сие́ моле́ние, умилосе́рдися над убо́жеством на́шим, и моли́твами твои́ми исцели́ всяк неду́г и боле́знь души́ и те́ла на́шего гре́шнаго, и сподо́би ны тече́ние жи́зни сея́ невреди́мо от ви́димых и неви́димых враго́в безгре́шно прейти́, и христиа́нскую кончи́ну, непосты́дну, ми́рну, безмяте́жну, и Небе́снаго Ца́рствия насле́дие получи́ти со все́ми святы́ми во ве́ки веко́в. Ами́нь.

2-я Молитва

О, вели́кий уго́дниче Христо́в, преблаже́нне Васи́лие! Припа́дающе к ра́це моще́й твои́х, с любо́вию, с ве́рою лобыза́ем честны́й твой о́браз, ча́юще от него́ си́лою Бо́жиею получи́ти исцеле́ние душ и теле́с на́ших, прославля́ем вели́чество Вседержи́теля Бо́га, Его́же ты душе́ю и те́лом твои́м в жи́зни сей просла́вил еси́, тве́рдость ве́ры и любве́ твое́й ко Го́споду Савао́фу, пропове́дуем кре́пость твоего́ ду́ха и, воспомина́юще вели́кие по́двиги доброде́тели твоея́, вопие́м к тебе́ из глубины́ серде́ц на́ших: не промолчи́ вопи́ти за ны ко Го́споду Бо́гу, те́лом бо твои́м пребыва́еши с на́ми на земли́, ду́хом же почива́еши на Небеси́ во объя́тиих Зижди́теля твоего́. Предста́тельством у́бо твои́м у Престо́ла непристу́пныя сла́вы, испроси́, да почи́ет и на нас Дух Бо́жий, дух прему́дрости и ра́зума, дух сове́та и кре́пости, дух ве́дения и благоче́стия и стра́ха Бо́жия, и да не пре́зриши многогре́шных на́ших моле́ний. Се мы, предстоя́ще в хра́ме, посвяще́нном и́мени твоему́ свято́му, воспису́ем ти похва́льная си́це: ра́дуйся, богоблаже́нне Васи́лие, я́ко ты, возненави́дев вре́менная ми́ра, богоуго́дно подвиза́лся еси́ и на высоту́ доброде́тели восте́кл еси́. Ра́дуйся, я́ко потща́лся еси́ победи́ти страсть со все́ми поро́чными ея́ скло́нностьми и дарова́ний Свята́го Ду́ха сподо́бился еси́. Ра́дуйся, я́ко в терпе́нии и страда́нии храбр яви́лся еси́ и вся стре́лы лука́ваго разже́нныя погаси́л еси́. Ра́дуйся, я́ко жела́нием от исто́чник Изра́илевых всегда́ почерпа́я, благода́ти Бо́жия преиспо́лнен был еси́. Ра́дуйся, я́ко взем яре́м спаси́тельнаго словесе́ Христа́ Бо́га на́шего, попра́л еси́ всю горды́ню ми́ра. Ра́дуйся, я́ко посреде́ молв безмо́лвие сохрани́л еси́, мысль твою́ бы́стро устремля́я к Го́рним. Ра́дуйся, я́ко ты мече́м духо́вным во́лю хоте́ния твоего́ отсеца́л еси́ и стопы́ ра́зума твоего́ утвержда́л еси́ на ка́мени любве́ Христо́вы. Ра́дуйся, я́ко совле́клся еси́ тле́нных одея́ний и обле́клся еси́ в но́ваго челове́ка, обновле́ннаго кро́вию Христо́вою. Ра́дуйся, я́ко вме́сто тле́нных бога́тство духо́вное собра́л еси́ и нача́тки трудо́в Христу́ Бо́гу на́шему прине́сл еси́. Ра́дуйся, я́ко и по сме́рти Госпо́дь яви́ тя нам исто́чника исцеле́ний. Ра́дуйся, я́ко сла́вы и бога́тства не восхоте́в, вся в ничто́же вмени́л еси́, да Христа́ приобря́щеши, Его́же и стяжа́л еси́ мно́гими труды́ и терпе́нием. Ра́дуйся, я́ко ны́не, соединя́яся с Бо́гом, непреста́нным Его́ зре́нием наслажда́ешися и обита́еши во блаже́нной ве́чности. Ра́дуйся, я́ко насыща́ешися благи́ми, и́хже о́ко не ви́де, и у́хо не слы́ша, и на се́рдце челове́ку не взыдо́ша, я́же угото́ва Бог та́ко возлюби́вшему Его́, поспешеству́й у́бо моли́твами твои́ми, избра́нниче Бо́жий, да и мы на земли́, совоку́плени крепча́йшим любве́ Бо́жия сою́зом, великоду́шно понесе́м благо́е Ева́нгелия и́го и благода́тию Свята́го Ду́ха да сподо́бимся вкуси́ти и насыща́тися ве́чно с тобо́ю Небе́сных немерца́емых благ. Ами́нь.

https://azbyka.ru/days/sv-vasilij-moskovskij

[Александр Васильевич]

Акафист блаженному Василию, Христа ради юродивому, Московскому чудотворцу

Конда́к 1

Избра́нный сосу́д Бо́жией благода́ти, ми́ром доброде́телей преиспо́лненный, достоуго́дне Васи́лие, я́ко избавля́еми от вся́ких бе́д и напа́стей твои́м о на́с ко Го́споду те́плым предста́тельством, благода́рственное сие́ тебе́ пе́ние принося́ще зове́м:

Ра́дуйся, преблаже́нне Васи́лие, юро́де богому́дре, моско́вский чудотво́рче.

И́кос 1

Ангелоподо́бно житие́ твое́ бы́сть богоблаже́нне и чистота́ вои́стину нескве́рна: ве́дый бо, я́ко любве́ ми́ра сего́ вражда́ Бо́гу е́сть, не восхоте́л еси́ дру́г ми́ру бы́ти, но преда́л еси́ всего́ себе́ Бо́гу, таково́му вели́чию по́двига твоего́ дивя́щеся вопие́м:

Ра́дуйся, ве́рный Го́спода служи́телю, лоза́ преди́вная Христо́ва виногра́да; ра́дуйся, жития́ доброде́тельнаго учи́телю, овча́ избра́нное Госпо́дня ста́да.

Ра́дуйся, ло́на Авраа́ма насе́льниче, рая́ пресла́достнаго жи́тель; ра́дуйся, Ца́рствия Небе́снаго насле́дниче, та́мо себе́ восприя́вый оби́тель.

Ра́дуйся, преблаже́нне Васи́лие, юро́де богому́дре, моско́вский чудотво́рче.

Конда́к 2

Ви́де, я́ко вся́ я́же в ми́ре: по́хоть пло́ти, по́хоть оче́с и го́рдость жите́йская, учи́л еси́, преблаже́нне, презира́ти пло́ть, прехо́дит бо: прилежа́ти же о души́ безсме́ртной, воспева́я непреста́нно Бо́гу: Аллилу́иа.

И́кос 2

Ра́зум неуразуме́нен, труды́ и по́двиги твоя́, достоблаже́нне Васи́лие, и́миже се́дмьдесят и два́ ле́та во гра́де се́м Москве́, пло́ть твою́ удруча́л еси́. Мы́ же, многострада́льным терпе́нием твои́м умиля́еми, зове́м:

Ра́дуйся, преуго́дный а́нгеле земны́й, земна́я в се́рдце вся́ попра́вый; ра́дуйся, преди́вный челове́че небе́сный, небе́снаго оте́чества взыска́вый.

Ра́дуйся, огнезра́чный херуви́ме, в душе́ свое́й вся́ стра́сти попали́вый; ра́дуйся, преблаже́нне Васи́лие, юро́де богому́дре, моско́вский чудотво́рче.

Конда́к 3

Си́лою благода́ти от Бо́га свы́ше укрепля́емь, жела́нием к небе́сному возгоре́лся еси́, всеблаже́нне, и чистото́ю жития́ твоего́ оби́телей ве́чных дости́гл еси́, в ни́х ны́не вопие́ши Бо́гу: Аллилу́иа.

И́кос 3

Име́яй в се́рдце сло́во Госпо́дне: ка́я бо по́льза челове́ку, а́ще приобря́щет ми́р ве́сь, и отщети́т ду́шу свою́; вся́ кра́сная ми́ра сего́ во уме́ты вмени́л еси́, те́мже прославля́юще тя́, зове́м:

Ра́дуйся, в ми́ре се́м вне́ ми́ра жи́вый, и сла́ву всю́ его́ презре́вый; ра́дуйся, во пло́ти а́ки безпло́тен бы́вый, небе́сныя сла́вы восхоте́вый.

Ра́дуйся, ду́шу свою́ возлюби́вый, спасе́ния ве́чнаго иска́вый; ра́дуйся, те́ло свое́ я́ко врага́ смири́вый, пу́ть по́двига избра́вый.

Ра́дуйся, преблаже́нне Васи́лие, юро́де богому́дре, моско́вский чудотво́рче.

Конда́к 4

Бу́рю ве́лию зло́бы многомяте́жный диа́вол воздви́же на тя́, богоблаже́нне Васи́лие, ты́ же убежа́л еси́ ловле́ния льсти́ваго сего́ мироде́ржца, и увя́злся еси́ венце́м нетле́ния, воспева́я Бо́гу: Аллилу́иа.

И́кос 4

Слы́ша Христо́ву за́поведь: ищи́те пре́жде всего́ Ца́рствия Бо́жия и пра́вды его́, отря́сл еси́ вся́кое мирско́е пристра́стие. Восхваля́юще такову́ю о Бо́зе ре́вность твою́, вопие́м:

Ра́дуйся, от ю́ности до́м оте́ческий оста́вивый и сро́дники своя́ и дру́ги вся́ поки́нувый; ра́дуйся, к до́му Отца́ Небе́снаго стопы́ своя́ напра́вивый, широ́кий пу́ть сласте́й отри́нувый.

Ра́дуйся, нея́сыти пусты́нней уподо́бивыйся, кро́ва себе́ на земли́ не име́вый; ра́дуйся, оби́телей ра́йских сподо́бивыйся, приста́нище благооти́шное та́мо обреты́й.

Ра́дуйся, преблаже́нне Васи́лие, юро́де богому́дре, моско́вский чудотво́рче.

Конда́к 5

Боготе́чней звезде́, светоза́рный пу́ть спасе́ния показу́ющей, уподо́бился, блаже́нне, на́с, во тме́ грехо́вней блужда́ющих, на пу́ть пра́вый наста́ви, да спасе́ннии тобо́ю, воспое́м Бо́гу: Аллилу́иа.

И́кос 5

Ви́дя злохи́трство диа́вола, и́щуща жите́йскими попече́ньми одержи́мых в се́ти своя́ уловля́ти, противуста́л еси́ ко́знем вра́жиим, ни о че́м же земне́м печа́ся. Ви́дяще сицево́е твое́ благо́е произволе́ние, зове́м ти́:

Ра́дуйся, всего́ себе́ измла́да Го́споду вручи́вый и к Тому́ Еди́ному напра́вивый ве́сь тво́й слу́х; ра́дуйся, того́ еди́наго все́м се́рдцем возлюби́вый, и того́ еди́наго смире́нный ра́б и ве́рный дру́г.

Ра́дуйся, стезе́ю по́двига все́ житие́ свое́ проше́дший, и доброде́телию свое́ю со́нмы а́нгелов удиви́вый; ра́дуйся, небе́сный би́сер многоце́нный на земли́ обре́тший, чистото́ю твое́ю ли́к пра́ведных возвесели́вый.

Ра́дуйся, преблаже́нне Васи́лие, юро́де богому́дре, моско́вский чудотво́рче.

Конда́к 6

Пропове́дуя па́че вся́каго сло́ва житие́м твои́м не люби́ти ми́ра, ни я́же в ми́ре, доброде́телей ку́плю мно́гу стяжа́л еси́ и Влады́це Христу́ я́ко всепло́дие же́ртвенное прине́сл еси́, вопия́ Ему́: Аллилу́иа.

И́кос 6

Возсия́, я́ко свети́ло лучеза́рное, по́двиги твоя́, всеблаже́нне, ре́вностию духо́вною разгоре́вся, ко мно́жайшему труду́ просте́рл еси́ себе́: Ада́му первозда́нному подо́бяся, на́г на земли́ ходи́л еси́, пло́ть свою́ удруча́я. Такову́ю кре́пость души́ твоея́ восхваля́юще, зове́м:

Ра́дуйся, одея́ний тле́нных совле́кшийся, те́ло свое́ наготе́ преда́вый; ра́дуйся, безстра́стием святы́м обле́кшийся, доброде́тели ри́зу све́тлую избра́вый.

Ра́дуйся, мра́за лю́таго не убоя́выйся, теплоты́ ра́йския иска́вый; ра́дуйся, зно́я со́лнечнаго не уклони́выйся, прохлажде́ния небе́снаго жела́вый.

Ра́дуйся, преблаже́нне Васи́лие, юро́де богому́дре, моско́вский чудотво́рче.

Конда́к 7

Хотя́й му́дрости небе́сныя сподо́битися, после́довал еси́ гла́су Па́вла апо́стола: а́ще кто́ мни́тся му́др бы́ти в ве́це се́м, юро́д да быва́ет, да прему́др бу́дет, и Христа́ ра́ди юро́д бы́л, я́ко безу́мна явля́я себя́ ми́ру, умудри́вшему же тя́ Го́споду воспева́я: Аллилу́иа.

И́кос 7

Ди́вно и пречу́дно юро́дство твое́ бы́сть, преблаже́нне, вся́кое нече́стие и беззако́ние небоя́зненно облича́л еси́, мно́гия досажде́ния и ра́ны за то́ претерпева́я. Таково́й вели́кий по́двиг тво́й ублажа́я, зове́м ти́:

Ра́дуйся, у́м земно́й отри́нувый, небе́сный ра́зум восприя́вый; ра́дуйся, земну́ю му́дрость всю́ поки́нувый, юро́дства по́двиги себе́ избра́вый.

Ра́дуйся, диа́вола свои́м юро́дством прехитри́вый и льсти́вых сете́й его́ избежа́вый; ра́дуйся, безу́мна ми́ру себе́ яви́вый, му́дрых ве́ка сего́ все́х попра́вый.

Ра́дуйся, преблаже́нне Васи́лие, юро́де богому́дре, моско́вский чудотво́рче.

Конда́к 8

Стра́нник и прише́лец бы́л еси́, преблаже́нне Васи́лие, небе́снаго гра́да Иерусали́ма взыску́я, его́же дости́гл еси́, и ны́не воспева́еши та́мо Бо́гу немо́лчно: Аллилу́иа.

И́кос 8

Ве́сь к Бо́гу впери́в тво́й у́м, и возлюби́ небе́сная, земно́е все́ отря́сл еси́, те́мже на́с ны́не земли́ приве́рженных к небе́сному обрати́, да изба́вльшеся от земна́го пристра́стия и суеты́ мирски́я, благода́рственно возопии́м ти́:

Ра́дуйся, те́лом на земли́ пребыва́вый, но земна́я вся́ презре́вый; ра́дуйся, ду́хом же на не́бе обита́вый.

Ра́дуйся, ди́вный Бо́жий уго́дниче, житие́м свои́м, я́ко со́лнце, сия́ющий; ра́дуйся, многотерпели́вый Христо́в подви́жниче, и на́с к по́двигом призыва́ющий.

Ра́дуйся, преблаже́нне Васи́лие, юро́де богому́дре, моско́вский чудотво́рче.

Конда́к 9

Вся́ чи́нове а́нгельстии с небе́с на зе́млю мы́сленными прини́кше очи́ма и ви́дяще твоя́ по́двиги, во умиле́нии воспева́ху Бо́гу: Аллилу́иа.

И́кос 9

Вети́йствовати хотя́щий язы́к на́ш безгла́сием связу́ется, я́ко не могу́щий по достоя́нию восхвали́ти доброде́тели твоя́. Не пре́зри на́с, зову́щих ти́:

Ра́дуйся, росо́ю благода́ти ду́шу свою́ напои́вый и се́мена благи́е измла́да в не́й насади́вый; ра́дуйся, плоды́ спаси́тельныя в се́рдце свое́м возрасти́вый по́двигами свои́ми, я́ко ка́мением многоце́нным, себе́ украси́вый.

Ра́дуйся, кри́не ра́йский, доброде́телями благоуха́ющий и се́рдце на́ше услажда́ющий; ра́дуйся, свети́льник пресве́тлый во тьме́ грехо́вней сия́ющий, на́с же све́том благоразу́мия просвеща́ющий.

Ра́дуйся, преблаже́нне Васи́лие, юро́де богому́дре, моско́вский чудотво́рче.

Конда́к 10

Спасти́ хотя́й от бу́ри в мо́ре потопля́емых и к тебе́ о спасе́нии свое́м возопи́вших, яви́лся еси́ и́м на мо́ри, во гра́де Москве́ неотсту́пно пребыва́я, и от потопле́ния изба́вил еси́, да восхваля́ют Бо́га, чуде́сне тобо́ю и́х спа́сшаго, и возопию́т ему́: Аллилу́иа.

И́кос 10

Го́спода Бо́га непреста́нно умо́м зря́, не да́л еси́ очи́ма свои́ма сна́, ни ве́ждома – дрема́ния, в моли́тве церко́вней но́щи пребыва́я. Лю́дие же ви́дяще таково́е твое́ к Бо́гу усе́рдие, взыва́ху ти́:

Ра́дуйся, высото́ю смире́ния твоего́ умы́ на́ша удивля́ющий, глубино́ю смире́ния сердца́ на́ша умиля́ющий; ра́дуйся, ду́шу свою́ хра́мину ду́ха свята́го сотвори́вый и страсте́м вхо́д в ню́ загради́вый.

Ра́дуйся, креста́ Госпо́дня носи́тель терпели́вый, все́м се́рдцем его́ взыска́вый; ра́дуйся, и́го Госпо́дне я́ко благо́е возлюби́вый, бре́мя ле́гкое его́ ра́достно подъя́вый.

Ра́дуйся, преблаже́нне Васи́лие, юро́де богому́дре, моско́вский чудотво́рче.

Конда́к 11

Пе́ние всеумиле́нное тебе́, всеблаже́нне, принося́ще, вопие́м: я́коже дре́вле чудоде́йствуя, разсла́бленных исцеля́л еси́, слепы́м прозре́ние дарова́л еси́, та́ко и ны́не ду́ши на́ша, греха́ми разсла́бленныя и похотьми́ ослепле́нныя, исцели́, да вопие́м Бо́гу: Аллилу́иа.

И́кос 11

Светопода́тельна свети́льника вели́каго зри́м тебе́, преблаже́нне Васи́лие, наставля́юща на пу́ть пра́вый блужда́ющих во тьме́ и се́ни сме́ртней. Того́ ра́ди вопие́м ти́:

Ра́дуйся, лучу́ пра́вды Христо́вой посо́бствующий, мглу́ помысло́в су́етных разгоня́ющий; ра́дуйся, заре́ и́стины Ева́нгельския, тьму́ страсте́й освеща́ющая и объя́тых е́ю от ги́бели ве́чныя спаса́ющая.

Ра́дуйся, у́гль боже́ственный, по́хоти на́ша опаля́ющий, лука́выя ко́зни бесо́вския потребля́ющий; ра́дуйся, пла́мень небе́сный, хла́дныя сердца́ на́ша возгрева́ющий, умы́ же све́том Боже́ственным озаря́ющий.

Ра́дуйся, преблаже́нне Васи́лие, юро́де богому́дре, моско́вский чудотво́рче.

Конда́к 12

Благода́тию Бо́жиею просвеща́емый, богоблаже́нне Васи́лие, просвети́ на́ш у́м и очи́сти на́ше се́рдце, да сподо́бимся и мы́ воспева́ти с тобо́ю ку́пно Бо́гу: Аллилу́иа.

И́кос 12

Пою́щих твоя́ по́двиги, восхваля́ющих твоя́ злострада́ния, прославля́ющих твое́ юро́дство, дивя́щихся твои́м доброде́телем не оста́ви свои́м хода́тайством пред Го́сподом, да воспое́м ти́:

Ра́дуйся, непреста́нный о на́с Бо́гу моли́твенниче, ми́лость Бо́жию на на́с призыва́ющий; ра́дуйся, кре́пкий на́ш защи́тниче, от бе́д и скорбе́й на́с охраня́ющий.

Ра́дуйся, напа́ствуемых ско́рый изба́вителю, на пу́ть спасе́ния наставля́ющий; ра́дуйся, гра́ду на́шему Москве́ всегда́шний покрови́телю, по́мощь свою́ все́м чту́щим тя́ при́сно явля́ющий.

Ра́дуйся, преблаже́нне Васи́лие, юро́де богому́дре, моско́вский чудотво́рче.

Конда́к 13

О, преблаже́нне и достоуго́дне Васи́лие, ма́лое сие́ похвале́ние от на́с я́ко пло́д благодаре́ния приими́, я́ко гла́с проше́ния услы́ши, да изба́вимся твои́ми о на́с Бо́гу моли́твами от обыше́дших зо́л и напа́стей, и возопие́м Бо́гу, Спаси́телю на́шему: Аллилу́иа.

[Се́й конда́к глаго́лется три́жды.]
[Далее повторяем 1‑е икос и кондак:]

И́кос 1

Ангелоподо́бно житие́ твое́ бы́сть богоблаже́нне и чистота́ вои́стину нескве́рна: ве́дый бо, я́ко любве́ ми́ра сего́ вражда́ Бо́гу е́сть, не восхоте́л еси́ дру́г ми́ру бы́ти, но преда́л еси́ всего́ себе́ Бо́гу, таково́му вели́чию по́двига твоего́ дивя́щеся вопие́м:

Ра́дуйся, ве́рный Го́спода служи́телю, лоза́ преди́вная Христо́ва виногра́да; ра́дуйся, жития́ доброде́тельнаго учи́телю, овча́ избра́нное Госпо́дня ста́да.

Ра́дуйся, ло́на Авраа́ма насе́льниче, рая́ пресла́достнаго жи́тель; ра́дуйся, Ца́рствия Небе́снаго насле́дниче, та́мо себе́ восприя́вый оби́тель.

Ра́дуйся, преблаже́нне Васи́лие, юро́де богому́дре, моско́вский чудотво́рче.

Конда́к 1

Избра́нный сосу́д Бо́жией благода́ти, ми́ром доброде́телей преиспо́лненный, достоуго́дне Васи́лие, я́ко избавля́еми от вся́ких бе́д и напа́стей твои́м о на́с ко Го́споду те́плым предста́тельством, благода́рственное сие́ тебе́ пе́ние принося́ще зове́м:

Ра́дуйся, преблаже́нне Васи́лие, юро́де богому́дре, моско́вский чудотво́рче.

Моли́тва 1-я

О, вели́кий уго́дниче Христо́в, и́стинный дру́же и ве́рный ра́бе всетворца́ Го́спода Бо́га, преблаже́нне Васи́лие! Услы́ши ны́ многогре́шныя, ны́не вопию́щыя к тебе́ и призыва́ющыя и́мя твое́ свято́е: поми́луй ны́ припа́дающыя дне́сь к ра́це моще́й твои́х: приими́ ма́лое на́ше и недосто́йное сие́ моле́ние, умилосе́рдися над убо́жеством на́шим, и моли́твами твои́ми исцели́ вся́к неду́г и боле́знь ду́ши и те́ла на́шего гре́шнаго, и сподо́би ны́ тече́ние жи́зни сея́ невреди́мо от ви́димых и неви́димых вра́г безгре́шно прейти́, и христиа́нскую кончи́ну непосты́дну, ми́рну, безмяте́жну, и Небе́снаго Ца́рствия насле́дие получи́ти со все́ми святы́ми во ве́ки веко́в. Ами́нь.

Моли́тва 2-я

О, блаже́нная душе́, о прему́дрости испо́лненный ра́зуме: возсия́ бо на́м светонезаходи́мое со́лнце весе́лия, просвеща́я Росси́йское Ца́рство: от бесо́в уя́звленных исцели́тель, па́че же и сами́х бесо́в прогони́тель, слепы́м прозре́ние, хромы́м хожде́ние, сля́ченным исправле́ние, боля́щим все́м исцеле́ние и здра́вие: от бе́д и скорбе́й избавле́ние, печа́льным утеше́ние.

Моли́тва 3-я

О, уго́дниче Христо́в, преблаже́нне Васи́лие! Услы́ши ны́, многогре́шныя, ны́не вопию́щия к тебе́: поми́луй ны́, ра́б Бо́жиих (имена́), и умилосе́рдися над убо́жеством на́шим. И моли́твами твои́ми исцели́ вся́к неду́г и боле́знь ду́ши и те́ла на́шего гре́шнаго, и сподо́би ны́ тече́ние жи́зни сея́ невреди́мо, от ви́димых и неви́димых вра́г, и безгре́шно прейти́, и христиа́нскую кончи́ну непосты́дну, ми́рну, безмяте́жну, и Небе́снаго Ца́рствия насле́дие получи́ти, со все́ми святы́ми, во ве́ки веко́в.

https://azbyka.ru/molitvoslov/akafist-blazhennomu-vasiliju-hrista-radi-jurodivomu-moskovskomu-chudotvorcu.html