Русская беседа
 
29 Марта 2024, 18:24:36  
Добро пожаловать, Гость. Пожалуйста, войдите или зарегистрируйтесь.

Войти
 
Новости: ВНИМАНИЕ! Во избежание проблем с переадресацией на недостоверные ресурсы рекомендуем входить на форум "Русская беседа" по адресу  http://www.rusbeseda.org
 
   Начало   Помощь Правила Архивы Поиск Календарь Войти Регистрация  
Страниц: [1]
  Печать  
Автор Тема: Преподобный Лавре́нтий Черниговский (Проскура)  (Прочитано 189 раз)
0 Пользователей и 1 Гость смотрят эту тему.
Александр Васильевич
Глобальный модератор
Ветеран
*****
Сообщений: 103277

Вероисповедание: православный христианин


Просмотр профиля WWW
Православный, Русская Православная Церковь Московского Патриархата
« : 11 Января 2024, 10:12:12 »

Преподобный Лавре́нтий Черниговский (Проскура)


День памяти - 11 января

Схиархимандрит Лаврентий (в миру Лука Евсеевич Проскура) родился в 1868 году в селе Карыльское Кролевецкого уезда Черниговской губернии. Отец и мать были глубоко религиозные люди и детей воспитывали в вере в Бога. Лука учился в начальной земской школе, был очень способным. В 13 лет он окончил школу и был оставлен помощником учителя. С детских лет Лука регулярно ходил в церковь, имел прекрасный слух, пел в церковном хоре. Однажды быв в Коропе, он познакомился с удивительным человеком – бывшим регентом императорского хора, уроженцем этих мест, который сразу оценил способности юноши и стал обучать его регентскому искусству. Здесь же он освоил игру на скрипке. Около года провел Лука в Коропе. По возвращении домой он становится регентом своего сельского хора.



Семья жила бедно. Лука обучается шитью и своим трудом начинает зарабатывать, чтобы помогать семье. К 17 годам он стал прекрасным портным, так что заказчиков у него было всегда много. В это время умерла мать, и Лука решил уйти в монастырь. Но старший брат Варфоломей настоял, чтобы он не покидал семью. Тяжело было Луке отклонить свое твердое намерение, но он смирился. Со своим другом юности Симеоном Лука ходил пешком в Киев к о. Ионе, чтобы он благословил получить духовное образование. Но о. Иона сказал им: "Ваша семинария при вас" – и не благословил. Вместе же с Симеоном Лука ездил на Афон. После настойчивых просьб Симеон был принят в число братии Афонского монастыря. А Луке один из афонских старцев сказал: "Езжай в Россию, ты там нужен будешь". Так он и поступил, вернулся домой.

Вскоре молодого талантливого регента пригласили управлять хором Рыхловского Никольского монастыря. Пение в Рыхловском монастыре стало привлекать не только молящихся, зачастую регенты из других мест специально приезжали послушать хор, который приобрел немалую известность. Епископ Черниговский Антоний (Соколов), объезжая епархию, посетил Рыхловский монастырь и остался очень доволен пением. По приезде в Чернигов владыка послал настоятелю предписание направить регента Луку Евсеевича в Черниговский Троицкий архиерейский дом для управления хором. Так приблизительно в 1905 году Лука переехал в Чернигов, где прошла вся его последующая жизнь.

В 1912 году, на 45-м году жизни, Лука был пострижен в монашество с именем Лаврентий. Через два года он был рукоположен в иеродиакона, а в 1916 году – в иеромонаха. В 1928 году по определению экзарха Украины митрополита Михаила возведен в сан архимандрита. В 1923 году в Киеве о. Лаврентий был тайно пострижен в схиму лаврским схиигуменом Гавриилом. До самого закрытия монастыря в первой половине 20-х годов о. Лаврентий неизменно был регентом хора, уставщиком и ведал монастырским книгохранилищем.

Постепенно возрастал и духовный авторитет о. Лаврентия. Он был строгим последователем православного вероисповедания. К нему стремились и простые люди, и черниговская интеллигенция. Приезжие быстро узнавали, что в Троицком монастыре есть духовник высокой жизни, и рады были к нему попасть. Его любвеобилие, дар рассудительности, дар прозрения привлекали не только мирян, но и многих духовных лиц, черниговские епископы весьма дорожили его суждением.

Когда закрыли монастырь, отец Лаврентий поселился в маленьком убогом домике. Богослужения совершал в небольшом Ильининском храме. Так прошло 20 лет. Настало время, когда закрыли и этот храм. Лишенный возможности в храме прославлять Бога песнопением, о. Лаврентий, тем не менее, никогда не оставлял положенного правила церковной молитвы. Бережно сохранял он богослужебные книги и обширную нотную библиотеку. И когда его спрашивали: "Разве ноты еще понадобятся?" – неизменно отвечал: "Конечно, будем еще читать и петь".

Во время Великой Отечественной войны, в период оккупации Чернигова, было разрешено открыть Троицкую обитель. По зову старца собрались послушницы, просто верующие люди и приступили к восстановлению обители. Люди трудились самоотверженно, и уже в день Архистратига Михаила 21 ноября 1941 года состоялось первое богослужение в церкви Феодосия, расположенной под Троицким собором. А в 1942 году был освящен и главный престол Троицкого собора. На хоры поднялся дивный старец, и величественный храм огласился стройным пением. Обычно регенты дирижируют, стоя лицом к хористам и, значит, спиной к иконостасу, если хоры устроены в западной части храма. Но о. Лаврентий всегда обращен был лицом к алтарю, а певчие располагались симметрично полукругом по обе стороны, он же был в центре.

Нравственная чистота, духовная высота, неистощимая любовь к людям вызывали необыкновенное расположение к нему в каждом, кто хоть раз в жизни удостоился видеть его. Любовь батюшки была особенная, не знавшая пристрастия, не взиравшая на лица, на душевные качества. Он любил всех и проявлял это чувство приветливостью, вниманием, советом. О. Лаврентий был большим психологом, он знал духовный мир человека во всех его проявлениях и в самых тончайших оттенках. Все от него уходили согретые христианской любовью, ободренные, с полным спокойствием на душе. Не единичны были случаи, когда о. Лаврентий предотвращал беду, спасал людей от смерти.

Что поражало в даре о. Лаврентия? Четкий, определенный ответ на все сомнения и вопросы. И когда однажды близкий к нему человек осмелился спросить: "Батюшка, откуда вы знаете, что нужно ответить каждому обращающемуся к Вам, и всегда это бывает правильное решение?" – он ответил: "На мысль полагает Бог, и ответ в сказанном сразу".

Скончался схиархимандрит Лаврентий 19 (6) января 1950 года. Чин погребения возглавлял епископ Иаков. По решению владыки местом упокоения была определена усыпальница под Троицким собором, где покоятся семь архиереев. До закрытия монастыря (в сентябре 1962 года) в храме регулярно совершались панихиды по почившему. Черниговские архиереи считали своим долгом и честью помолиться у могилки великого старца. После ликвидации монастыря доступ в усыпальницу был закрыт. Прошло 26 лет. Настало время, когда вновь богомольцы имеют возможность поклониться могиле о. Лаврентия.



Тропарь преподобному Лаврентию Черниговскому, чудотворцу, глас 4

От ю́ности Христа́ возлюби́л еси́,/ и Тому́ те́сным путе́м после́дуя,/ сосу́д избра́н Ду́ха Свята́го бы́в,/ да́р чудотворе́ния и прозре́ния восприи́м:/ сего́ ра́ди в невече́рнем све́те Пресвяты́я Тро́ицы при́сно ра́дуяся,/ помина́й ча́д твои́х,// Лавре́нтие преподо́бне, о́тче на́ш.

Ин тропарь преподобному Лаврентию Черниговскому, чудотворцу, глас 8

Дне́сь све́тло красу́ется гра́д Черни́гов,/ и торжеству́ет оби́тель Пресвяты́я Тро́ицы,/ в не́й бо моли́твою и посто́м пребыва́я,/ и́ночествующим и ве́рным лю́дем ве́лий наста́вниче и ско́рый помо́щниче,/ и избра́нник пречу́дный Цари́цы Небе́сныя яви́лся еси́,/ я́ко звезда́ лучеза́рная в стране́ Росси́йстей,/ преподо́бне о́тче на́ш Лавре́нтие,// моли́ Человеколю́бца Бо́га спасти́ ду́ши на́ша.

Кондак преподобному Лаврентию Черниговскому, чудотворцу, глас 4

Ми́р оста́вив, чистоту́ а́нгельскую стяжа́в/ и ми́рови любо́вию послужи́в,/ о́тче на́ш Лавре́нтие,/ по́мощь благода́тную с ве́рою приходя́щим оби́льно явля́я:/ те́мже и в преми́рная селе́ния досто́йно всели́вся,/ те́лом нетле́нным с на́ми пребыва́еши,/ утвержда́я на́с в правосла́вней ве́ре отце́в на́ших,/ душе́ю светоза́рною Пода́телю ми́ра мо́лишися// дарова́ти на́м ми́р и ве́лию ми́лость.

Ин кондак преподобному Лаврентию Черниговскому, чудотворцу, глас 4

Возсия́л еси́, яко свети́льник лучеза́рный,/ услы́ша гла́с Цари́цы Небе́сныя,/ и после́довав невозвра́тно зо́ву Ея́./ Прише́л в оби́тель Пресвяты́я Тро́ицы,/ иде́же Влады́чицы Богоро́дицы чудотво́рная ико́на,/ целому́дренно собра́в ста́до слове́сных ове́ц./ Не забу́ди и на́с, после́довавших ти́,/ и да изба́вит Госпо́дь гее́нны ве́чныя,/ соверша́ющих святу́ю па́мять твою́,// преподо́бне о́тче на́ш Лавре́нтие.



Молитва преподобному Лаврентию Черниговскому, чудотворцу

О, всехва́льный о́тче Лавре́нтие, приими́ сие́ ма́лое моле́ние, от на́с гре́шных тебе́ приноси́мое, и при́зри ми́лостивно с высо́т небе́сных на на́с, прося́щих твоего́ хода́тайства у Престо́ла Пресвяты́я Тро́ицы, да пода́ст твои́ми моли́твами ми́р и благоде́нствие стране́ на́шей, па́стырем си́лу в моли́тве, и́ноком подкрепле́ние на пути́ соверше́нства в по́двизех смире́ния и послуша́ния, вдови́цам и сирота́м заступле́ние, немощны́м подкрепле́ние, неду́гующим ду́хом и душе́ю от бесо́в избавле́ние, больны́м исцеле́ние, путеше́ствующим А́нгела Храни́теля. Все́м чту́щим с любо́вию па́мять твою́, ве́ру и́скреннюю и непоколеби́мую. И по преставле́нии в жи́знь ве́чную приведи́ на́с ко Христу́ твои́ми моли́твами, да с тобо́ю прославля́ем Святу́ю Тро́ицу: Отца́ и Сы́на и Свята́го Ду́ха, всегда́, ны́не и при́сно, и во ве́ки веко́в. Ами́нь.

https://azbyka.ru/days/sv-lavrentij-chernigovskij-proskura
Записан
Александр Васильевич
Глобальный модератор
Ветеран
*****
Сообщений: 103277

Вероисповедание: православный христианин


Просмотр профиля WWW
Православный, Русская Православная Церковь Московского Патриархата
« Ответ #1 : 11 Января 2024, 10:22:12 »

Акафист преподобному Лаврентию Черниговскому, чудотворцу


Кондак 1

Избранный угодниче Божий, преподобне отче Лаврентие, приемый благословение от Божия Матери и пришедый во святый град Чернигов, еже вселитися в обитель Пресвятыя Троицы, идеже изыде на тя Дух Святый: изгнание претерпевый и множество словесных овец себе собравый, пищею слова Божия их напитавый и ко Христу приведый: яко имея дерзновение ко Святей Троице, не преставай моляся избавити нас от всяких бед и скорбей, да со умилением зовем ти:

Радуйся, преподобне отче наш Лаврентие, скорый помощниче и молитвенниче к тебе притекающих.

Икос 1

Ангела дивна стране Черниговстей яви тя Господь, всея твари Содетель, яко показа Духа Святаго в тя всельшагося, даром прозрения и исцеления обогати тя. Мы же, зряще тя, сосуде избранный Пресвятыя Богородицы, благодаряще Бога, прославляем тя, яко светильника и молитвенника нашего, и прилежно зовем ти сицевая:

Радуйся, пречудный избранниче Божия Матере;

Радуйся, сосуде благодати преизрядный.

Радуйся, преподобных и святителей похвало и собеседниче.

Радуйся, преподобному старцу Серафиму поревновавый.

Радуйся, и по смерти с преподобными вселивыйся.

Радуйся, яко тобою помыслы нечистыя обличаются.

Радуйся, яко дела благая и полезная тобою благословляются.

Радуйся, преподобне отче наш Лаврентие, скорый помощниче и молитвенниче к тебе притекающих.

Кондак 2

Видяще исполнение божественнаго о людех смотрения Отца Небеснаго, избравшаго от народа мужей праведных ко спасительному служению, ради нашего поддержания духовнаго, и Божественным даром прозрения тя наградившаго, вопием Богу в Троице: Аллилуиа.

Икос 2

Разум Божественный вразуми тя, отче Лаврентие, егда отреклся еси от жизни временныя и притекл к жизни вечней, от юности Христа прославляя всем сердцем твоим и Тому Единому паче всех работая; притекл еси в Рыхловский монастырь, тамо подвизаяся в пении и чтении. Мы же, видяще в тебе сосуд Духа Святаго, со умилением зовем ти сице:

Радуйся, яко от юности пламенне житие монашеское возлюбил еси;

Радуйся, яко от мира сего отреклся еси.

Радуйся, старость матери упокоивый;

Радуйся, по смерти тоя в обители Святителя Николая вселивыйся.

Радуйся, яко в менших братии тамо послуживый.

Радуйся, яко в пении Бога в Троице прославивый.

Радуйся, яко тем Пресвятей Богородице угодивый.

Радуйся, разумом Божественным людей удививый.

Радуйся, преподобне отче наш Лаврентие, скорый помощниче и молитвенниче к тебе притекающих.

Кондак 3

Егда услыша о тебе, отче Лаврентие, архиепископ Антоний, повеле прибыти во град Чернигов, в монастырь Пресвятыя Троицы; ты же, внемля его прошению, усилил молитвы. Тогда Сама Царица Небесная благослови тя. Мы же грешнии, дивящеся сему чудеси, зовем ко Господу: Аллилуиа.

Икос 3

Пришел еси во святую обитель Пресвятыя Троицы и, узрев образ Богоматери Троице-Ильинския, поклонился ему, яко уведе в нем Явльшуюся тебе и Повелевшую идти в дом Ея Сына и тамо прославити Его. Тогда преклонився пред Нею, просил еси у Нея благословения и покрова. Мы же, видяще твое предание воле Божией, вопием таковая:

Радуйся, яко послушание велие Божией Матери явил еси;

Радуйся, яко избра тя служити Ей во граде Чернигове.

Радуйся, дивным пением Ея прославивый;

Радуйся, всего себе руководству Тоя предавый.

Радуйся, и до конца жизни твоей Ей добре послуживый;

Радуйся, в чистоте девство твое сохранивый;

Радуйся, сердцем и устами Ея прославивый;

Радуйся, образ смирения нам оставивый.

Радуйся, преподобне отче наш Лаврентие, скорый помощниче и молитвенниче к тебе притекающих.

Кондак 4

Звезда лучезарная, озарившая путь тебе, приведе тя во святый град Иерусалим, да поклонишися Гробу Господню и прославиши Бога, терпевшаго страдания за грехи наша, поюще Ему: Аллилуиа.

Икос 4

Видя благодать и дар Святаго Духа в тебе, возлюбиша тя братия святыя обители Черниговския и избраша яко искуснаго руководителя и жизнию Богу угождающа. Мы же, благодаряще тя, вопием тебе:

Радуйся, Роману сладкопевцу уподобивыйся.

Радуйся, яко с ним в Сионе Горнем песнь Богу воспеваеши.

Радуйся, Царя Славы прославивый;

Радуйся, на путь спасения нас наставивый.

Радуйся, яко со Ангелы славу Его воспеваеши;

Радуйся, пением своим небо и землю соединивый.

Радуйся, всех достойно Бога славящих в бедах не оставляеши;

Радуйся, яко за них пред Господем и Богородицею ходатайствуеши.

Радуйся, преподобне отче наш Лаврентие, скорый помощниче и молитвенниче к тебе притекающих.

Кондак 5

Время наста, егда попрана бысть святыня, ты же яко пастырь добрый, душу свою за овцы положити готовый, не оставил еси града Чернигова и обители Троице-Ильинския, но молитвами святых, под покровом Божией Матери в горах Болдиных вселился еси, да тамо хвалебную песнь воспеваеши Богу в Троице единому славимому: Аллилуиа.

Икос 5

Прииде час и сбудется реченное тобою: обновися Дом Святыя Троицы, в нем же собрашася вся чада твоя духовная. Ты же в дом Духа Святаго вшел еси, боголепно его украсив, и мудро стадом словесных овец до кончины твоея руководил еси, имя Божие призывати в радостех и печалех всех поучая, и многим святым в трудех твоих поревновал еси. Возвращение мощей Святителя Феодосия провидев, место славно ему уготовил. Мы же, хваляще Бога, давшаго тебе дух прозрения и разум мудрый, воспеваем песнь таковую:

Радуйся, уставов церковных строгий блюстителю.

Радуйся, обители многоопытный руководителю;

Радуйся, рачителю благолепия церковнаго;

Радуйся, Православия столпе непоколебимый.

Радуйся, яко мощи блаженнаго Филарета нетленными почитал еси;

Радуйся, пришествие Святителя Феодосия песньми прославивый.

Радуйся, пред взором нашим седмь небес начертавый;

Радуйся, яко и по смерти на небесах в райских обителех вселивыйся.

Радуйся, преподобне отче наш Лаврентие, скорый помощниче и молитвенниче к тебе притекающих.

Кондак 6

Бурю многих бед и скорбей житейских претерпевая, помогал еси всем к тебе приходящим; тако и по смерти не оставил еси нас грешных, заповедав нам призывати тя в скорбех и печалех. Уповая на молитвенную помощь твою пред Господем, вопием Ему: Аллилуиа.

Икос 6

Провидев кончину свою скорую, отче Лаврентие, предрекл еси ю трикратно. Мы же молим тя, да не оставиши нас грешных по отшествии своем, но с нами пребудеши во вся дни, во еже с радостию ублажати тя:

Радуйся, кончину свою предуведевый;

Радуйся, о ней же многим возвестивый.

Радуйся, яко вечныя жизни сподобивыйся.

Радуйся, безболезненным исходом душу свою Богу предавый.

Радуйся, яко и бесы в той час вострепеташа;

Радуйся, сладость небесную на земли вкусивый.

Радуйся, яко на небеси тою наслаждаешися;

Радуйся, яко мощи твоя нетленныя нам оставил еси.

Радуйся, преподобне отче наш Лаврентие, скорый помощниче и молитвенниче к тебе притекающих.

Кондак 7

Пение и рыдание надгробное чада твоя духовная приношаху ти у гроба, отче Лаврентие, егда преставился еси ко Господу душею: нас же не оставил еси телом нетленным, праведнии бо и по смерти живы будут, поя Богу: Аллилуиа.

Икос 7

Четыредесят дний не смолкаше рыдание и пение у гроба твоего, блаженне Лаврентие; ты бо четыредесят дний ожидал еси, егда чада твоя уготовят ти место погребения. Пребывая с нами телом во храме, душею же молился еси за ны грешныя пред Господом. Сим пребыванием чудо велие явил еси: нетленныя бо мощи твоя, благовония исполненнии, показуют святость твою. Дивящеся сему чудеси, восхваляем тя тако:

Радуйся, благодать Божию стяжавый;

Радуйся, лозо винограда Христова.

Радуйся, четыредесятидневным стоянием телесе твоего нас утешивый;

Радуйся, яко множество чудес сотворивый.

Радуйся, благоуханием от гроба твоего всю обитель наполнивый;

Радуйся, яко по окончании четыредесяти дний тело твое с честию в гробницу положися.

Радуйся, яко и до ныне нетленно Богом сохранися;

Радуйся, яко и по смерти нас не оставивый.

Радуйся, преподобне отче наш Лаврентие, скорый помощниче и молитвенниче к тебе притекающих.

Кондак 8

Проповедником истины Христовой явился еси, отче Лаврентие: непрестанным служением Богу и ближним пророком древним уподобился еси. Службы Божия в храме совершая, в молитве келейной неустанно подвизался еси. Тем же и по преставлении твоем хвалебную песнь о тебе воспеваем Богу: Аллилуиа.

Икос 8

Просвети землю Российскую лучезарным светом велиим преподобный Серафим Саровский чудотворец. По нем лучи трисолнечнаго сияния изыдоша от праведнаго Иоанна, чудотворца Кронштадтскаго. Ты же, святе Лаврентие, новый светильник по сих явился еси, просвещая и утверждая всех в вере непоколебимей. Сего ради ти яко светильнику земли Черниговския возглашаем тако:

Радуйся, преподобне Лаврентие, миру новый светильниче;

Радуйся, пред Богом наш новый молитвенниче.

Радуйся, сосуде златый, от чрева матери Богом избранный;

Радуйся, и Богородицею прославленный.

Радуйся, служителю Христов преизрядный;

Радуйся, яко во иереех Тому послуживый.

Радуйся, яко о имени твоем бесы падоша;

Радуйся, яко имя твое Ангелы на небеси прославиша.

Радуйся, преподобне отче наш Лаврентие, скорый помощниче и молитвенниче к тебе притекающих.

Кондак 9

Всякое слово и плоть довлеют к похвале твоей, отче Лаврентие: ты бо движимый Духом Святым, от юности и до конца дний твоих славил еси имя Всесвятаго Творца неба и земли, Его Пречистую Матерь и всех святых. И по смерти с ними водворился еси в райских чертозех, да и тамо со всеми святыми воспеваеши Богу хвалебную песнь: Аллилуиа.

Икос 9

Витию богоугодна в тебе показа Господь, яко многа чада духовныя к тебе идоша. Вернии же Богу да возвеселятся с тобою во второе пришествие Спасителя. Мы же с кротостию и смирением приемлем наставления твоя и, подражая твоему человеколюбию, с любовию воспеваем тебе:

Радуйся, гусли духа сладкозвучныя;

Радуйся, кимвале восклицания.

Радуйся, цевнице боговещанная;

Радуйся, Ангелов собеседниче.

Радуйся, о Бозе живе наше подражание;

Радуйся, яко наставления твоя с радостию приемлем.

Радуйся, яко теми муки вечныя избавляемся;

Радуйся, поучение от Бога нам преподал еси.

Радуйся, преподобне отче наш Лаврентие, скорый помощниче и молитвениче к тебе притекающих.

Кондак 10

Хотя спасти душу свою, всю полноту добродетелей Евангельских в себе совокупил еси богоблаженне Лаврентие: апостольское проповедание, мученическое терпение, преподобных воздержание, нестяжание, смирение и нищету духовную. Тем же ныне на небеси, восхваляюще Христа Бога, давшаго ти крепость, поминай нас, чтущих светлую память твою, и поющих Богу: Аллилуиа.

Икос 10

Познал еси, богомудре отче Лаврентие, разум Божественных Писаний, непрестанно подвизаяся в молитвах, и почерпнул еси воду живу, юже и нам преподал еси; сего ради вопиим ти сице:

Радуйся, яко жаждущих от источника Святыя Троицы напаяеши;

Радуйся, теми же водами души исцеляеши.

Радуйся, вместо пищи водами словес твоих нас и ныне утешаеши;

Радуйся, пламенем словес твоих терние грехов наших попаляеши.

Радуйся, яко словеса твоя паче меда сладчайша;

Радуйся, яко сладостию словес твоих скорбящим радость даруеши.

Радуйся, яко прореченныя тобою словеса и ныне исполняются;

Радуйся, яко в них мы славу твою уразумеваем.

Радуйся, преподобне отче наш Лаврентие, скорый помощниче и молитвенниче к тебе притекающих.

Кондак 11

Множество чудес совершил еси, отче Лаврентие: бесы изгнал и прокаженныя исцелил еси, падшим духовно руку помощи твоея простерл еси. Посети и нас в бедах сущих, да умиленное пение тебе приносяще, вопием дивному во святых Своих Богу: Аллилуиа.

Икос 11

Светильник света Божественнаго, ты прозорливо провидя грехи наша, гнев Божий, праведно на ны движимый, предрекл еси. Мы же молим тя, отче Лаврентие, яко имуща дерзновение пред Господем: испроси нам недостойным милость у Бога, да яко молитвенника тепла, ублажаем тя, зовуще:

Радуйся, пророком последовавый и им же уподобивыйся;

Радуйся, пророчествами твоими мир наполнивый.

Радуйся, яко многим напутствие давый;

Радуйся, будущая в их жизни, предсказавый.

Радуйся, яко монастырь по предсказанию твоему устроился;

Радуйся, словесных овец пастырю.

Радуйся, гнева Божия на грешники возвестителю;

Радуйся, покаяния проповедниче и грешников исправителю.

Радуйся, преподобне отче наш Лаврентие, скорый помощниче и молитвенниче к тебе притекающих.

Кондак 12

Благодать велию восхоте подати тебе Господь Вседержитель, прослави тя в житии твоем, дар прозрения дарова тебе и множеством чудес обогати. Научи и нас воспевати с тобою благодарственную песнь Богу: Аллилуиа.

Икос 12

Поем тя, угодниче Христов Лаврентие, яко низу пребывая на земли, удостоился еси возвыситися до высоты небесныя и тамо возсияти духом, яко солнце, да посетиши нас с высот небесных воспевающих ти сицевая:

Радуйся, светильниче лучезарный;

Радуйся, свете, мрак бесовский разгоняющий.

Радуйся, столпе огненный и каменю непоколебимый;

Радуйся, святителей любимый собеседниче.

Радуйся, апостолов преизрядный ревнителю;

Радуйся, мучеников и преподобных славо превознесенная.

Радуйся, благоверных похвало усердная;

Радуйся, чтущих память твою покрове и защищение.

Радуйся, преподобне отче наш Лаврентие, скорый помощниче и молитвенниче к тебе притекающих.

Кондак 13

О пречудный угодниче Божий, отче наш Лаврентие! Приими сие хвалебное пение, в похвалу тебе приносимое, и твоим богоприятным ходатайством избави нас от всех враг видимых и невидимых, от всякия напасти и скорби, от напрасныя смерти и будущия муки, да сподобимся с тобою и со всеми святыми воспевати Богу: Аллилуиа.

[Се́й конда́к глаго́лется три́жды.]
[Далее повторяем 1‑е икос и кондак:]

Икос 1
Ангела дивна стране Черниговстей яви тя Господь, всея твари Содетель, яко показа Духа Святаго в тя всельшагося, даром прозрения и исцеления обогати тя. Мы же, зряще тя, сосуде избранный Пресвятыя Богородицы, благодаряще Бога, прославляем тя, яко светильника и молитвенника нашего, и прилежно зовем ти сицевая:

Радуйся, пречудный избранниче Божия Матере;

Радуйся, сосуде благодати преизрядный.

Радуйся, преподобных и святителей похвало и собеседниче.

Радуйся, преподобному старцу Серафиму поревновавый.

Радуйся, и по смерти с преподобными вселивыйся.

Радуйся, яко тобою помыслы нечистыя обличаются.

Радуйся, яко дела благая и полезная тобою благословляются.

Радуйся, преподобне отче наш Лаврентие, скорый помощниче и молитвенниче к тебе притекающих.

Кондак 1

Избранный угодниче Божий, преподобне отче Лаврентие, приемый благословение от Божия Матери и пришедый во святый град Чернигов, еже вселитися в обитель Пресвятыя Троицы, идеже изыде на тя Дух Святый: изгнание претерпевый и множество словесных овец себе собравый, пищею слова Божия их напитавый и ко Христу приведый: яко имея дерзновение ко Святей Троице, не преставай моляся избавити нас от всяких бед и скорбей, да со умилением зовем ти:

Радуйся, преподобне отче наш Лаврентие, скорый помощниче и молитвенниче к тебе притекающих.



Молитва преподобному Лаврентию Черниговскому, чудотворцу

О всехвальный отче Лаврентие, приими сие малое моление, от нас грешных тебе приносимое, и призри милостивно с высот небесных на нас, просящих твоего ходатайства у Престола Пресвятыя Троицы, да подаст твоими молитвами мир и благоденствие стране нашей, пастырем силу в молитве, иноком подкрепление на пути совершенства в подвизех смирения и послушания, вдовицам и сиротам заступление, немощным подкрепление, недугующим духом и душею от бесов избавление, больным исцеление, путешествующим Ангела Хранителя. Всем чтущим с любовию память твою, веру искреннюю и непоколебимую. И по преставлении в жизнь вечную приведи нас ко Христу твоими молитвами, да с тобою прославляем Святую Троицу: Отца и Сына и Святаго Духа, всегда, ныне и присно, и во веки веков. Аминь.

https://azbyka.ru/molitvoslov/akafist-prepodobnomu-lavrentiju-chernigovskomu-chudotvorcu.html
Записан
Страниц: [1]
  Печать  
 
Перейти в:  

Powered by MySQL Powered by PHP Valid XHTML 1.0! Valid CSS!