Преподобный Арсе́ний Великий

Преподобный Арсе́ний Великий

День памяти - 21 мая

Родился в 354 г. в Риме, в благочестивой христианской семье, давшей ему хорошее воспитание и образование. Изучил сочинения всех риторов и философов и хорошо знал как греческий, так и латинский языки, однако оставил суетную жизнь мирскую и пренебрег еллинским любомудрием, посвящая себя на служение Богу. Когда он вступил в число клириков одной из римских церквей, то был возведен в сан диакона.

Император Феодосий (379–395 гг.), правивший в то время Восточной половиной Римской империи, искал для своих сыновей Аркадия и Гонория учителя, который научил бы их и философии, и божественной мудрости не только словом, но и примером своей добродетельной жизни. Услышав об образованности и благочестии диакона Арсения, он поручил ему воспитание своих сыновей. Против воли, но с усердием занялся преподобный образованием юношей. Однако высокий почет, которым он был окружен, тяготил его дух, стремившийся к служению Богу в безмолвии иноческой жизни. Преподобный Арсений стал со слезами молиться Богу, чтобы Он направил его на путь спасительный. И однажды услышал свыше голос, говоривший: «Арсений! Беги от людей, и ты спасешься». Тогда, сняв с себя роскошные одежды и надев странническую, он тайно ушел из дворца, сел на корабль и отплыл в Александрию, откуда немедленно поспешил в скитскую пустыню.

Проходя послушание под руководством преподобного аввы Иоанна Колова (память 9/22 ноября), преподобный Арсений вскоре превзошел в подвижничестве многих отцов-пустынников. Когда он опять молился, чтобы Господь научил его спастись, то в ответ на это был голос с неба, говоривший: «Арсений! Скрывайся от людей и пребывай в молчании, это корень добродетели». С тех пор преподобный Арсений поселился вне скита, в уединенной келлии, приняв подвиг безмолвия, приходя в церковь только в праздничные и воскресные дни, ни с кем не беседовал, соблюдая полное молчание. Когда иноки, подвизавшиеся в скитской пустыне, спрашивали его, почему он скрывается даже от них, святой отвечал «Знает Бог, как я люблю вас, но я не могу пребывать одновременно и с Богом, и с людьми, потому что на небе, хотя и очень много вышних сил – тысячи тысяч или десятков тысяч, но все они имеют одну волю и потому единодушно славят Бога, но на земле много воль человеческих, и у каждого человека свои мысли; каждый из нас имеет различные намерения и мысли, и потому я не могу, оставив Бога, жить с людьми». Преподобный Арсений говорил о себе, что он ни в чем не нуждается, потому что он умер для мира; пусть никто не считает его более живым (то есть живущим для мира).

Один странствующий инок, посетив преподобного, не услышал от него ни одного слова, а когда пришел к преподобному Моисею (память 28 августа/10 сентября), то тот принял его с радостью, предложил отдохнуть и подкрепиться пищею, и инок признал лучшим преподобного Моисея, оказавшим ему большую любовь. Другой инок, узнав об этом, стал молиться к Богу, говоря так: «Господи! Скажи мне, кто из них более совершен и заслуживает большей благодати Твоей: тот ли, кто скрывается от людей ради Тебя, или тот, кто принимает всех также ради Тебя?» И в ответ на молитву свою этот любомудрый инок имел следующее видение. Ему представились два корабля, плывшие по какой-то очень большой реке, в одном корабле находился преподобный Арсений, и Дух Божий управлял кораблем его, соблюдая его в великой тишине, в другом был преподобный Моисей, кораблем же его управляли Ангелы Божии, влагавшие мед в уста Моисея. Об этом видении инок тот рассказал другим, более опытным подвижникам, и все нашли, что более совершен преподобный Арсений, пребывающий в молчании, нежели преподобный Моисей, принимающий странников, потому что с первым пребывал Сам Бог, а со вторым же были только святые Ангелы.

Преподобный Арсений продолжал пребывать в безмолвии, все более и более углубляясь в богомыслии. Он пылал столь сильной любовью к Богу, что постоянно был как бы в огне по причине своих пламенных молитв. Преподобный не всегда подвизался на одном и том же месте, но иногда переселялся из скитской пустыни в более уединенные и безмолвные места, удаляясь от приходящих для беседы людей, так как они нарушали покой его душевный.

Преподобный Арсений учил: «Есть много таких людей, которые всячески стараются соблюдать чистоту телесную и для этого умерщвляют тело свое постом, бдением и многими трудами; но мало таких, которые ревниво оберегают душу свою от греха тщеславия, гордости, сребролюбия, зависти, братоненавидения, гнева, памятозлобия, осуждения. Таковые снаружи чисты телом, но душа их грязна, они подобны гробам, снаружи разукрашенным, внутри же полным костей смердящих. Блажен тот, кто старается сохранить от скверны как тело, так и душу свою, истинно блаженны чистые сердцем (а не только телом), потому что они Бога узрят».

О себе великий авва часто говорил такие слова: «Арсений! Для чего ты сюда пришел? Ты пришел сюда не для отдыха, а для трудов, не для лености, а для подвига. Подвизайся же, трудись и не ленись». Часто говорил также преподобный и такие слова: «Много раз я сожалел о словах, которые произносили уста мои, но о молчании я не жалел никогда». Стяжал блаженный Арсений и дар благодатных слез.

Великий подвижник и безмолвник провел 50 лет в иноческих трудах и подвигах, постом и молитвой благоугождая Богу. В ските пробыл сорок лет, десять лет жил на месте, называвшемся Трогин, около Вавилона, напротив города Мемфиса; затем преподобный пробыл три года в Канопе, близ Александрии и в некоторых других пустынных местах, так что никто не знал его образа жизни, потом снова возвратился в Трогин, прожил там два года и там же почил о Господе в возрасте 95 лет в 449 г. или в начале 450 г., заслужив от современников название Великого.

Тропарь, глас 8

Сле́з твои́х тече́ньми пусты́ни безпло́дное возде́лал еси́,/ и и́же из глубины́ воздыха́ньми во сто трудо́в уплодоноси́л еси́,/ и был еси́ свети́льник вселе́нней, сия́я чудесы́, Арсе́ние о́тче наш.// Моли́ Христа́ Бо́га, спасти́ся душа́м на́шим.

Кондак, глас 3

От Ри́ма возсия́л еси́, я́коже со́лнце вели́кое/ и к Ца́рскому гра́ду дости́гл еси́, преблаже́нне,/ словесы́ твои́ми просвеща́я сего́ и де́лы,/ вся́ку неразу́мия мглу отгоня́./ Сего́ ра́ди тя почита́ем,// отце́в сла́во, Арсе́ние преподо́бне.

Молитва

О, свяще́нная главо́, земны́й А́нгеле, Небе́сный челове́че, безмо́лвия рачи́телю, молча́ния люби́телю, преподо́бне и Богоно́сне о́тче наш Арсе́ние, припа́даем ти и мо́лимся: помоли́ся ко Го́споду, Бо́гу и Спа́су на́шему Иису́су Христу́, да да́рует нам, гре́шным и недосто́йным рабо́м Свои́м, вся ко спасе́нию душе́вному благопотре́бныя да́ры Своя́: ве́ру пра́ву, наде́жду бла́гу, любо́вь нелицеме́рну, благоче́стие непоколеби́мое, любому́дрие христопосле́довательное, и вся доброде́тели, во святе́м Ева́нгелии Им запове́данныя: да бу́дем подража́тели твоего́ благоуго́днаго жития́ и вку́пе с тобо́ю сподо́бимся спасе́ние ве́чное получи́ти и Ца́рствие Небе́сное унасле́дити. Ей, уго́дниче Бо́жий, не пре́зри нас, но помози́ нам, Небе́сным предста́тельством твои́м, благоче́стно житие́ вре́менное сконча́ти, кончи́ну благу́ю, ми́рную и непосты́дную стяжа́ти, и блаже́нства ра́йскаго удосто́итися: да просла́вим человеколю́бие и щедро́ты в Тро́ице сла́вимаго и покланя́емаго Бо́га, Отца́ и Сы́на и Свята́го Ду́ха, и твое́ свято́е заступле́ние, во ве́ки веко́в. Ами́нь.

https://azbyka.ru/days/sv-arsenij-velikij

Акафист святому преподобному Арсению Великому

Кондак 1

Избранный угодниче Божий, пресветлый пустыни светильниче, и богомудрый монахов наставниче, преподобне отче наш Арсение! Со ангелы предстояй триипостасному Богу, и стяжавый к нему дерзновение многое, молися выну о спасении нас грешных, и молитвами твоими от всяких бед свобождай зовущих ти:

Радуйся, Арсение великий пустынножителю.

Икос 1

Ангела во плоти и человека небеснаго вемы тя, преподобне отче Арсение. Ты бо чистотою и святостию жития твоего, безплотным силам поревновал еси, и земнородных удивил еси, являя всем дивный образ в себе совершенства духовнаго. Темже восхваляем тя и глаголем:

Радуйся, ветхаго Рима святое прозябение:

радуйся, родителей благочестивых пречестная отрасль.

Радуйся, от младости на подвиги духовныя предъизбранный:

радуйся, от юности единаго Бога всем сердцем возлюбивый.

Радуйся, премудрости земной добре обученный:

радуйся, премудростию небесною одаренный.

Радуйся, закон Христов на скрижалехъ сердца твоего начертавый:

радуйся, во всех оправданиих господних непорочно ходивый.

Радуйся, страхом Божиим огражденный:

радуйся, ритор и богослов изрядный бывый.

Радуйся, целомудрие души и тела невредимо сохранивый:

радуйся, свято и богоугодно на земли поживый.

Радуйся, Арсение великий пустынножителю.

Кондак 2

Видев сердцеведец Господь, непорочную чистоту души твоея, отче Арсение, во диакона святыя римския церкве тя постави, да служиши пречистым и животворящим Христовым тайнам, и, яко достойный сосуд Божией благодати, возносиши молитвы соборныя за вся люди, воспевая Пресвятей Троице: Аллилуия.

Икос 2

Разума Божественнаго преисполнен был еси, Арсение богомудре, яко не быти равному тебе в премудрости и благочестии во всем царствии Римстем. Темже царь Феодосий в наставника сыновом своим Аркадию и Онорию тя избра, сим подвизая и нас звати тебе:

Радуйся, от запада к востоку пришедый светити людем богомудрием твоим:

радуйся, от ветхаго Рима в новый Рим преселивыйся на новыя подвиги духовныя.

Радуйся, царей наставниче и учителю:

радуйся, владык земных к Царствию Горнему руководителю.

Радуйся, при дворе царстем подвижничеству о Христе прилежавый:

радуйся, дни на учение, нощи же на молитву посвящавый.

Радуйся, от царя Феодосия зело любим и почитаем бывый:

радуйся, отцем царя и сыновей его нареченный.

Радуйся, саном сенаторским почтенный:

радуйся, во славе царствия земнаго смирения святаго преисполенный.

Радуйся, молитвы усердныя к Богу возсылавый:

радуйся, коленопреклонения многия совершавый.

Радуйся, Арсение, великий пустынножителю.

Кондак 3

Силою Божиею укреплен, отче преподобне, возжелал еси в безмолвии пустыннем работати Господеви, вину же восприем гнев на тя царевича Аркадия, умыслил еси тайно оставити двор царский, и скрытися в пустыни, да невозбранно возможеши воспевати Богу серафимскую песнь: Аллилуия.

Икос 3

Имея желание велие спасти душу твою, отче Арсение, молился еси Богу, да укажет тебе путь правый ко спаcению, и услышал еси глас небесный, глаголющь тебе: «Арсение, бегай от человеков, и спасешися!» Темже от двора царскаго тайно изшел еси, в худыя ризы облеченный, и в пустыню скитскую пришел еси, прося отцев пустынных, да сотворят тя иноком. О сем тя славяще зовем:

Радуйся, от Самого Господа тайно наученный подвижничеству духовному:

радуйся, гласом небесным наставленный безмолвствовати душеспасительно.

Радуйся, дом царский оставивый, да Царствие Горнее унаследиши:

радуйся, всю славу мира сего презревый, да славу вечную небесную получиши.

Радуйся, един единому Христу в пустыни работати возжелавый:

радуйся, святый ангельский образ усердно себе просивый.

Радуйся, от великаго Иоанна Колова во смирении дивно искушенный:

радуйся, смирение нелицемерное во искушении том показавый.

Радуйся, пострижение во иночество от рук его святых восприявый:

радуйся, от него предъуведенный, яко инок благоискусен будеши.

Радуйся, в безмолвии пустыннем добре подвизавыйся:

радуйся, в посте и молитвах неослабно пребывавый.

Радуйся, Арсение, великий пустынножителю.

Кондак 4

Бури страстей избежав, отче Арсение, в пристань благодатнаго безстрастия достигл еси, и в пустыне скитстей равноангельно пожил еси, Богом наставляемь к безмолвию совершенному, дивным житием твоим удивлял еси вся отцы пустынныя, и подвизал еси их славити Бога и пети ему: Аллилуия.

Икос 4

Слышав паки глас небесный: «Арсение, бежи от человек и в молчании буди: ибо сие есть корень безгрешия», – в пустыню глубочайшую удалился еси, преподобне, и молчанием уста твоя заключил еси, избегая бесед человечестких, да выну беседуеши с Богом в сердце твоем. Сего ради и мы вопием к тебе:

Радуйся, высото безмолвия, удобовосходимая точию избранными из избранных:

радуйся, глубино смирения, удостоенная благоволения Божия.

Радуйся, прозорливче дивный, древним пророком уподобивыйся:

радуйся, дара предведения преисполненный.

Радуйся, бегавый от людей, да не разлучишися с Богом:

радуйся, молчавый устами, да не престанеши вопия ко Господу в сердце твоем.

Радуйся, истинный Христов угодниче, вся заповеди Его верно совершивый:

радуйся, о Христе вся ближния твоя искренно любивый.

Радуйся, правило иноческаго безмолвнаго жития:

радуйся, образе совершенства духовнаго.

Радуйся, о нем же удивишася ангели:

радуйся, о нем же Бога славят человецы.

Радуйся, Арсение, великий пустынножителю.

Кондак 5

Богоприятный источник слез молитвенных, очи твои источаху, преподобне отче, и толико умиления божественнаго преисполнен был еси, яко плакати тебе выну при молитвах твоих. Темже и нас поучаеши примером твоим со слезами молитися Богу, и пети Ему во умилении сердечнем: Аллилуия.

Икос 5

Виден был еси весь огнезрачен, на молитве предстоя, серафимскою любовию ко Господу объятый, и богомыслием высоким от земли к небесным возносимый, отче Арсение. Дивящеся убо сему начатку славы твоея, ублажаем тя благохвалении сими:

Радуйся, пустыни скитския духовное украшение:

радуйся, Египта славо и похвало.

Радуйся, державо безмолвия:

радуйся, мира Христова обитель.

Радуйся, слез источниче неоскудный:

радуйся, молитв благоухающее кадило.

Радуйся, псалмопения органе прекрасный:

радуйся, терпения столпе непоколебимый.

Радуйся, праздность душевредную возненавидевый:

радуйся, руками твоима кошницы сплетавый.

Радуйся, молитвою непрестанною с Богом выну беседовавый:

радуйся, видения небесныя тайно созерцавый.

Радуйся, Арсение, великий пустынножителю.

Кондак 6

Проповедник был еси душеспасительный, отче Арсение, всем к тебе приходившим, молчанием твоим поучавый паче риторскаго благословения вся верныя, видевшыя в тебе совершеннаго о Христе подвижника, сильнаго пред Богом и людьми, егоже лице, яко лице ангела Божия, светом небесным сияше. Темже и вопияху прославльшему тя Богу: Аллилуия.

Икос 6

Возсияв великими добродетельми твоими в пустыни скитстей, яко солнце пресветлое, отче Арсение, весь мир озарил еси славою твоих подвигов, и твоего безмолвнаго жития, иже во образ всем безмолником от Бога дадеся, и в правило известное ко спасению. Темже присно тя славяще вопием:

Радуйся, заповедей Христовых верный исполнителю:

радуйся, примером твоим богомудрию совершенному люди научивый.

Радуйся, ангельское житие на земли показавый:

радуйся, святую Христову церковь подвигами твоими благоукрасивый.

Радуйся, возшедый на верх добродетелей христианских:

радуйся, нисшедый во глубину смирения святаго.

Радуйся, добрый делателю винограда небеснаго:

радуйся, сладкия плоды Христу принесый.

Радуйся, разсуждение духовное стяжавый:

радуйся, богомыслие молитвенное возлюбивый.

Радуйся, пустыннолюбивая горлице, предтече подобящаяся:

радуйся, сосуде Господень, Дарами Святаго Духа преисполненный.

Радуйся, Арсение, великий пустынножителю.

Кондак 7

Хотя Господь явити отцем пустынным твоего, отче Арсение, безмолвнаго жития совершенство, показа единому от них в видении, како корабль твой в велицем безмолвии не человеки и не ангелы, а Самим Господом управляется: и тако всем ведомо сотворися, яко бегая от человеков с Богом соединился еси, зовый Ему: Аллилуия.

Икос 7

Ново и дивно бысть житие твое, преподобне отче, в молчании и безмолвии крайнем проводимое тобою в пустыни скитстей: дивны бяху и бдения твоя всенощныя, в нихже, воздев горе руце твои на заходе солнца, стоял еси тако моляся, дондеже солнце восхождаше. О сем удивляющеся, вопием ти сице:

Радуйся, преподобне, пустыню безплодную духовно оплодотворивый:

радуйся, богоносе, от Египта добродетельми твоими всему миру возсиявый.

Радуйся, отче, отцев красото:

радуйся, пустынножителей богомудрая доброто.

Радуйся, нищеты рачителю:

радуйся, ангелов собеседниче.

Радуйся, видений божественных тайнозрителю:

радуйся, яко тебе безвестная и тайная Бог явил есть.

Радуйся, яко тобою мнози ко спасению наставлени быша:

радуйся, яко тобою заблуждающиися путь правый обретоша.

Радуйся, светилниче, сияющий богомудрия лучами:

радуйся, реко многоводная учения божественнаго.

Радуйся, Арсение, великий пустынножителю.

Кондак 8

Странническое на земли житие возлюбил еси, отче Арсение, не имый зде пребывающаго града, но грядущаго, Иерусалима небеснаго, выну взыскуяй, преходил еси от места на место в пустыни скита египетскаго, и тако, яко безплотный, нищетно и безмолвно пребывал еси, взывая ко Господу: Аллилуия.

Икос 8

Весь ум свой в Бозе углублен имел еси, Арсение отче наш, и толико богомыслию непрестанному прилежал еси, яко многажды забывати тебе о пищи и питии. Научи убо и нас ленивых и нерадивых бодрствовати в молитвах к Богу, да тебе благодарственно зовем:

Радуйся, освященный сосуде Божия благодати:

радуйся, сокровище пребогатое добродетелей.

Радуйся, яко час смертный присно поминал еси:

радуйся, яко дне суднаго в забвении не положил еси.

Радуйся, яко рыдал еси горце воспоминая мучения вечная:

радуйся, яко плакал еси во вся дни живота твоего, да избегнеши геенскаго пламене.

Радуйся, смирением совершенным низложивый вся искушения прегордаго велиара:

радуйся, неуязвим пребывавый его разжженными стрелами.

Радуйся, руце твои преподобныя со дерзновением горе воздевавый:

радуйся, от захода до восхода солнечнаго в молитвах Господеви предстоявый.

Радуйся, преисполненный божественныя любве:

радуйся, болий в лике преподобных.

Радуйся, Арсение, великий пустынножителю.

Кондак 9

Вся заповеди Христовы верно исполнил еси, преподобне отче, и толико Богу угодил еси, яко дарова великий дар рассуждения духовом и познания помыслов человеческих, учеником же твоим глаголал еси, яко множицею о глаголе, егоже провещал еси, каялся еси, а о молчании никогдаже, сим поучая их избегати празднословия душевреднаго, да возмогут благоприятно пети создателю своему: Аллилуия.

Икос 9

Витий многовещанных превосходил еси даром слова, преподобне, молчанием же твоим паче слова поучал еси вся приходившыя к тебе пользы ради душевныя, наставляя их хранити уста от многословия и осуждения ближних, еже и нас сподоби улучити молитвами твоими, да зовем ти:

Радуйся, земный ангеле и небесный человече:

радуйся, верный последователю Христов.

Радуйся, положивый хранение устом твоим:

радуйся, молчаливый подражателю совершенств Иисусовых.

Радуйся, молчанием твоим ближних твоих поучавый:

радуйся, высотою добродетелей твоих человеки удивлявый.

Радуйся, нищету духовную стяжавый:

радуйся, кроткое и незлобивое сердце имевый.

Радуйся, всякое угождение плоти возненавидевый:

радуйся, пустынное озлобление сладце претерпевый.

Радуйся, гнилую воду яко ароматы обонявый:

радуйся, вместо мягкаго одра, рогозину себе постилавый.

Радуйся, Арсение, великий пустынножителю.

Кондак 10

Спасения душевное стяжал еси вся дни живота твоего, преподобне отче, и сие благонадежно получил еси, в старости маститей кончиною святою преставился еси ко Господу, прияти от него мзду трудом твоим на небеси, на земли же оставил еси память с похвалами житием твоим благим, еже восхваляя, поем Богу, дивному во святых своих: Аллилуия.

Икос 10

Стена ограждения явился еси верным, отче Арсение, по честнем успении твоем, соблюдаяй их молитвами твоими от всяких искушений и озлоблений диавольских: приял бо еси благодать от Господа помогати земнородным, молитвенно тя призывающим:

Радуйся, победоносче, увенчанный от Христовой десницы:

радуйся, украшенный славою невечернею на небеси.

Радуйся, ублажаемый от рода в род на земли:

радуйся, радостный совсельниче ангелов.

Радуйся, блаженный сонаследниче всех святых:

радуйся, в лоне Авраамли упокоенный.

Радуйся, со избранными Божиими водворенный:

радуйся, лицезрения Христова сподобленный.

Радуйся, приявый блага, праведным от века уготованныя:

радуйся, получивый гражданство Иерусалима горняго.

Радуйся, вселивыйся, тамо, отнюдуже отбеже всяка болезнь:

радуйся, осиянный светом трисолнечнаго Божества.

Радуйся, Арсение, великий пустынножителю.

Кондак 11

Пение со ангельскими воинствы приносиши горе Пресвятей Троицы, Арсение богоблаженне, и молишися выну за люди, верно почитающыя святую память твою. Молим тя, преподобне: помолися и за нас грешных ко Господу, славящих днесь имя твое и ублажающих подвиги твоя: да будем и мы подражатели добродетелем твоим, и вкупе с тобою сподобимся пети Триединому Богу: Аллилуия.

Икос 11

Светоподательный светильник добродетелей евангельских был еси при жизни, отче Арсение, таковым являешися и по смерти, наставляя нас к богоугождению истинному душеспасительными изречениями твоими, в книгах святоотеческих записанными, от нихже почерпая назидание духовное, взываем ти:

Радуйся, зерцало чистое сокровеннаго в Бозе жития:

радуйся, свеще, горящая пламенем любве ко Господу.

Радуйся, совершенный о Христе подвижниче:

радуйся, добрый иноков наставниче.

Радуйся, Евангелия Христова последователю:

радуйся, апостольских преданий блюстителю.

Радуйся, богомудрия небеснаго преисполненный:

радуйся, богомыслием молитвенным удобренный.

Радуйся, уме, озаренный лучами божественнаго света:

радуйся, связавый язык свой молчанием во славу Божию.

Радуйся, в молчании твоем благоглаголивый учитель бывый:

радуйся, ученики твоя богоугождению истинному научивый

Радуйся, Арсение, великий пустынножителю.

Кондак 12

Благодать Господню испроси нам, преподобне угодниче Христов, и буди нам руководитель в Царствие Небесное. Молимтися прилежно: помози нам немощным и грешным, твоим добродетелем подражати, Богу, а не миру благоугождати, да возможем благоприятно пети всех Творцу: Аллилуия.

Икос 12

Поюще святое безмолвное житие твое, отче Арсение, дивимся богомыслию твоему молитвенному, яко выну с Богом пребывал еси умом твоим, ныне же, егда прешел еси от временных подвигов к вечному блаженству, тем паче с Богом неразлучно пребываеши, и Бог в тебе пребывает, егоже умоляти не престай за чтущыя тя и вопиющыя:

Радуйся, крине святости и чистоты:

радуйся, древо благоплодное сада Иисусова.

Радуйся, возрасший в удолиях святаго смирения:

радуйся, вознесенный даже до горы небесныя.

Радуйся, вышняго Сиона жителю:

радуйся, славы тройческия созерцателю.

Радуйся, всех святых присный друже:

радуйся, грешных с Богом примирителю.

Радуйся, подвижническаго безмолвнаго жития верный указателю:

радуйся, о всех чтущых тя усердный ко Господу предстателю.

Радуйся, душы наша наставляяй во спасение:

радуйся, телеса нашя в подвизех укрепляяй.

Радуйся, Арсение, великий пустынножителю.

Кондак 13

О, великий угодниче Божий, преподобне отче наш Арсение! Приими благоутробно сие малое моление наше в похвалу тебе приносимое с верою и любовию, и умоли возлюбленнаго тобою и возлюбившаго тя Господа: да спасет и помилует нас грешных, избавит муки вечныя, и сподобит во Царствии Небеснем со святыми пети ему: Аллилуия.

[Се́й конда́к глаго́лется три́жды.]
[Далее повторяем 1‑е икос и кондак:]

Икос 1

Кондак 1

Молитва

О, священная главо, земный ангеле, небесный человече, безмолвия рачителю, молчания любителю, преподобне и богоносне отче наш Арсение! Припадаем ти и молимся: помолися ко Господу, Богу и Спасу нашему Иисусу Христу, да дарует нам грешным и недостойным рабом своим, вся ко спасению душевному благопотребныя дары своя: веру праву, надежду благу, любовь нелицемерну, благочестие непоколебимое, любомудрие христопоследовательное, и вся добродетели, во святем Евангелии Им заповеданныя: да будем подражатели твоего богоугоднаго жития, и вкупе с тобою сподобимся спасение вечное получити и Царствие Небесное унаследити. Ей, угодниче Божий! Не презри нас, но помози нам, небесным предстательством твоим, благочестно житие временное скончати, кончину благую, мирную и непостыдную стяжати, и блаженства райскаго удостоитися: да прославим человеколюбие и щедроты в Троице славимаго и покланяемаго Бога, Отца и Сына и Святаго Духа, и твое святое заступление, во веки веков. Аминь.

https://azbyka.ru/molitvoslov/akafist-svjatomu-prepodobnomu-arseniju-velikomu.html

	Автор	Тема: Преподобный Арсе́ний Великий (Прочитано 24 раз)
0 Пользователей и 1 Гость смотрят эту тему.